Galatiya 5:2 - Sabahagiꞌ Kitab Tawrat: Panagnaan ni Awwal Jaman maka Kitab Injil

² Indanan bi bitsala ku. Bong ina kam nohoꞌ inislam sabap kanna bi inaa man bi initung meꞌ Tuhan intong, malaingkan yaꞌ sina luu pūs Almasi ningkaam samasakali.

Galatiya 5:2 ပူးပေါင်းရင်းမြစ်များ

Salsila siga Rasul 15:1

Na ni waktu looy du siꞌ, luu na baw takka pa Antiyok siga Yahudi man Yahudiya. Bbuwatan da lay noan siga sukuꞌ si Isa ma saꞌ Yahudi, yuk da, “Bong ina kam yaꞌ bay inislam meꞌ ndang bay tinaat ni saraꞌ Nabi Musa, masi du kam yaꞌ salamat.”

Salsila siga Rasul 15:24

“Lay silay taaka kami luu konoꞌ siga pagkahi kami lay luꞌ pilu lakka mantuu. Bbuwatan da konoꞌ ngalingog kaam ka pangadjiꞌ da sampay ilooy na man gundalaꞌ pamiki bi. Sugaꞌ subay katoonan bi, saꞌ du kami bay nohoꞌ sila.

Salsila siga Rasul 15:5

Na ndooy siꞌ, luu du kasohean sukuꞌ si Isa ni baanan looy ma bay pingkaꞌ tabeꞌ ni palhimpunan Parisi. Pag takale da luu na du jama saꞌ Yahudi pitsayaꞌ na ni si Isa, yuk da, “Wajib du baw bilay ninsila inislam maka subay du sila sinohoꞌ mogbogan saraꞌ Nabi Musa.”

1 Korin 16:21

Ni katapusan suwat tuu, aku na situ si Pol, nuwat salam duwaa ku ningkaam ka tangan ku mismu.

2 Korin 10:1

Na baꞌ-bāꞌ kasohean nnaa, bahani jaꞌ ku bong njawom suwat man katāhan, sugaꞌ bong ni pag-awpan, tammon jaꞌ ku konoꞌ. Maka baꞌ-bāꞌ kasohean nnaa, ilooy du mehe ningkami meꞌ kami nganduwan napsu kami. Sugaꞌ aku tu, akig ku na doꞌ arat-tabiat Almasi meꞌ ku nganjunjung ningkaam. Sangkon magpadiyoꞌ na doꞌ ku maka hanunut-hanunut mitsalahan kaam. Junjung ku na ningkaam, ilagan bi man ku talpaksaꞌ mōꞌ bahani ku naggong sagannap ma māꞌ nganduwan jaꞌ kami napsu kami.

Galatiya 5:11

Siga danganakan, bong luu nnaa māꞌ aku magnasihat talpaksaꞌ subay binogbogan hāl meꞌ ngislam man ta initung intong, daa kam hidjab. Bong ina bana bitsala da, ongoy taggahaꞌ masi ku llaugan meꞌ siga pagkahi ku Yahudi? Maka bong ina bana ninsila, yaꞌ na lammis siga Yahudi niyaku san ku masaplag pasal kapatoy si Isa taꞌ tehang.

Galatiya 5:6

Dari meꞌ kitabi itu tibuuk na ka si Isa Almasi, katoonan tabi na yaꞌ luu pagbiddaan pa Tuhan bong jama bay inislam atawa niyaꞌ. Ilooy du puntukan banahan yana pangando tabi niiya ma takita ni aseꞌ tabi ni pagkahi tabi manusiyaꞌ.

1 Tesaloneka 2:18

Ni sabana na, bay na situ kami maru pilu ngandaꞌ-ngandaꞌ kaam, awla na aku, yana si Pol. Boꞌ saꞌ na ku sat sakayi bay magniyat pilu. Sugaꞌ yaꞌ kami bay tabawus batan luu na pin sasat Ibilis kasanggalang ningkami.

Pilimun 1:19

Batnaa, aku na situ si Pol nuwat janjiꞌ ku ningkau ka tangan ku mismu. Oy-oy utang si Onesimas ningkau, aku sa mayad. Kamasaꞌ, bong siꞌ itu kita tud magbista, sa ehe-ehe utang si Onesimas ningkau, mas mehe gi buddi ku njataꞌ nu. Batan danan nu bay nammu kasampulnaan nyawa ma yaꞌ luu katapusan na sabapan man aku.

Hibrani 4:2

Batan kitabi pun itu, lay na du kale umanat mahap pasal pahaliyan bay hinalliꞌ ningkitabi meꞌ karuha umanat bay takale leꞌ kabboꞌ-bboan tabi. Sat na jaꞌ kuwan ninsila, yaꞌ sila bay kapaasok sabap yaꞌ sila bay pitsayaꞌ ni umanat Tuhan ninsila.