Galatiya 5:11 - Sabahagiꞌ Kitab Tawrat: Panagnaan ni Awwal Jaman maka Kitab Injil

¹¹ Siga danganakan, bong luu nnaa māꞌ aku magnasihat talpaksaꞌ subay binogbogan hāl meꞌ ngislam man ta initung intong, daa kam hidjab. Bong ina bana bitsala da, ongoy taggahaꞌ masi ku llaugan meꞌ siga pagkahi ku Yahudi? Maka bong ina bana ninsila, yaꞌ na lammis siga Yahudi niyaku san ku masaplag pasal kapatoy si Isa taꞌ tehang.

Galatiya 5:11 ပူးပေါင်းရင်းမြစ်များ

Salsila siga Rasul 16:3

Dari karomanan si Pol mmeꞌ na si Timuti ni palanan da masaplag umanat mahap. Sugaꞌ pagka katoonan jama mimon mmaꞌ si Timuti bangsa Greek, lay doꞌ si Timuti inislam meꞌ si Pol. Maksud na bay ngislam mari yaꞌ luu sangdanan man si Timuti yaꞌ hinasi meꞌ siga Yahudi ni siga lahat ma tiluꞌ da.

Salsila siga Rasul 21:21

Habal bay takale da, bong ko konoꞌ ni kalahat-lahatan bangsa saꞌ Yahudi, meꞌ nu noan siga Yahudi ndooy bahasa subay konoꞌ labbahan da saraꞌ Nabi Musa. Maka baꞌ-bāꞌ jama, wā ko konoꞌ noan siga Yahudi yaꞌ nohoꞌ ngislam anak da batan subay sila konoꞌ yaꞌ na ngikut siga arat bangsa tabi.

1 Korin 1:18

Na umanat pasal kapatoy si Isa taꞌ tehang ina, tuktuk na pinasaplag, bong ni sagannap ma song pa nalkaꞌ, meꞌ da mista, karupangan jaꞌ. Boꞌ ningkitabi itu ma sinalamat, katoonan tabi na njataꞌ umanat mahap luu na dapat manusiyaꞌ ngissa kawasa Tuhan nalamat.

1 Korin 1:23

Boꞌ kami baw itu, bbuwatan kami masaplag pasal si Isa Almasi bay pinapatoy llansang taꞌ tehang kalnaꞌ manusiyaꞌ. Sugaꞌ bila takale meꞌ siga Yahudi, sarī parasahan da. Kuwan siga bangsa saꞌ Yahudi baw, bila takale da, baꞌ-bāꞌ da na baw karupangan jaꞌ.

1 Korin 15:30

Maka kami pun itu, oy tud kami subay lagi narapan umu kami mitsalahan jama nohoꞌ mmeꞌ ni Almasi bong mattan jama matoy yaꞌ na du pinakallum?

Galatiya 2:3

tabista da du tud bay sikatuwaꞌ isi umanat kami. Tandaꞌ yaꞌ luu man kami magsulemaꞌ, minsan katoonan da na soheꞌ ku si Taytus saꞌ bangsa Yahudi, yaꞌ na san ya bay llogos meꞌ da inislam. Katoonan da du tud tabeꞌ du ya ni sukuꞌ Tuhan san yaꞌ bogbogan na saraꞌ agama Yahudi.

Galatiya 3:1

Kuwan kaam baw nnaa ni Galatiya, subay ga kam jama yaꞌ luu panayu bi. Meꞌ bay na kam hinikmatan. Batan tatammu bi na baw ga mmeꞌ-mmeꞌ ni jama nnaa ma māꞌ subay bogbogan bi saraꞌ agama Yahudi boꞌ bi dari initung intong. Boꞌ ko, isu-isu kapatoy Almasi taꞌ tehang poonan manusiyaꞌ initung intong. Tud tallak na bilay la meꞌ ku bay mahatiyan kaam.

Galatiya 4:29

Jaman looy ilay, si Ismail, yana anak looy ma biyasa jaꞌ meꞌ na bay pinamaddihan, wā ngalaugan ariꞌ na si Isahak ma bay pinamaddihan man kawasa Rū Sutsiꞌ. Meꞌ naa du sina batnaa karuha tabi batan nilaugan du kitabi meꞌ siga jama ma ngalogos nohoꞌ mogbogan saraꞌ agama.

Galatiya 6:12

INDANAN BI, SAGANNAP MA MOGOS KAAM NOHOꞌ INISLAM, INAA DU INA PUHUNG DA SINANGLITAN SABAP MEꞌ DA MOGBOGAN SARAꞌ. YAꞌ SILA DOMAN MANGAKU ISU-ISU KAPATOY SI ISA ALMASI TAꞌ TEHANG YANA JALAN MAN JAMA INITUNG INTONG. ILOOY ILAGAN DA, TAGGAHAꞌ NILAUGAN NA BAW SILA MEꞌ SIGA PAGKAHI DA YAHUDI.

Galatiya 6:17

Katapusan bitsala ku, kainagon ku yaꞌ na kam kagundalaꞌ ni pamiki ku. Yaꞌ sina sikatuwaꞌ bong luu nnaa māꞌ yaꞌ ku bay buwanan Almasi kapatut noan jama. Aku tu, tandaꞌ ku sosohoan Almasi, lapat na baran ku meꞌ pawut hangat llagpiꞌ sampay hiniyak ka batu sabap meꞌ ku nanggehan kabanahan pasal iya.