Galatiya 4:7 - Sabahagiꞌ Kitab Tawrat: Panagnaan ni Awwal Jaman maka Kitab Injil

⁷ Maka saꞌ na kitabi meꞌ sapantun ata ma yaꞌ luu kapatut na, batan anak Tuhan na kitabi. Boꞌ na, tiyap-tiyap ina jama lay na dari anak Tuhan, mastiꞌ takoleꞌ na jaꞌ mimon ma bay hinalliꞌ meꞌ Tuhan ni siga anak na.

Galatiya 4:7 ပူးပေါင်းရင်းမြစ်များ

Panagnaan 15:1

Na paddus meꞌ looy, yaꞌ gi hallom, lay na baw si Ibram tinammuhan meꞌ Tuhan. Njawom pandapat na, yuk Tuhan niiya, “Ū Ibram, daa ko tawu ni oy maka oy na. Luu na pin situ ku ngagpangan kau. Maka buwanan ta du sina ko ladjikiꞌ mehe.”

Matiyu 6:24

Yuk si Isa lagi, “Yaꞌ sina luu ata kaintu duwa papuꞌ, batan disu kaasean na, kuwan ilooy disu, niyaꞌ. Atawa disu pinaruli meꞌ na, kuwan ilooy disu, pabiya na jaꞌ. Damikiyan, yaꞌ du sina kam kaisbat Tuhan haboy ka altaꞌ.

Galatiya 3:26

Kaam pun ina labbasakayi, anak Tuhan na du kam sabap meꞌ bi pitsayaꞌ ni si Isa Almasi.

Galatiya 3:29

Maka pagka sukuꞌ Almasi na kam, malaingkan initung na sina kam anak Nabi Ibrahim. Boꞌ na, kapakaam na mimon ma bay njanjiꞌ meꞌ Tuhan.

Galatiya 4:31

Dari siga danganakan, kitabi itu yaꞌ meꞌ karuha anak si Hajal ma ata, arapun kitabi itu initung anak Sitti Sara ma sumunsayaꞌ. Batan pag lay jaꞌ tabi dari anak Tuhan, lay na kitabi pinaddusan man siga aturan ka taat ma bay mahata kitabi.

Siga Pakaradjaan bay Pinalahil 21:7

Na sagannap ma kanaalla mmeꞌ niyaku tanne-pasuꞌ, pusakahan ku ka ilooy mimon ma bay sabbut ku siꞌ. Aku na Tuhan da maka anak ku na sila.