Galatiya 4:31 - Sabahagiꞌ Kitab Tawrat: Panagnaan ni Awwal Jaman maka Kitab Injil

³¹ Dari siga danganakan, kitabi itu yaꞌ meꞌ karuha anak si Hajal ma ata, arapun kitabi itu initung anak Sitti Sara ma sumunsayaꞌ. Batan pag lay jaꞌ tabi dari anak Tuhan, lay na kitabi pinaddusan man siga aturan ka taat ma bay mahata kitabi.

Galatiya 4:31 ပူးပေါင်းရင်းမြစ်များ

Yahiya 8:36

Sangkon, bong anak papuꞌ bay maddusan disu ata, mastiꞌ paddus jaꞌ ya man pagkaata na. Damikiyan ningkaam, bong Anak Tuhan bay maddusan kaam, malaingkan bohoꞌ sabana-bana paddus na kam man pagkaata bi.

Galatiya 4:22

Njawom kitab ilay, luu bay sinuwatan pasal Nabi Ibrahim bay anakan duwa lalla. Disu yana anak na ka ata na. Kuwan ilooy disu, yana anak na ka nda na poon ma saꞌ ata.

Galatiya 4:30

Sugaꞌ pindogahan bi doꞌ bay halling jawom kitab, ilooy ma yuk na, “Palahiyun danda looy ma ata ka anak na sabap anak ata yaꞌ luu kabigiꞌ-bigian na ni pusaka ma bay hinalliꞌ ni anak danda looy ma saꞌ ata.”

Galatiya 5:1

Na siga danganakan, kon ilay Almasi bay maddusan kitabi man jawom sakup saraꞌ supaya kitabi sumunsayaꞌ na. Sangkon amay-amay daa na kam kuhi pinahata meꞌ saraꞌ pabalik. Takkoan bi na kasumunsayaan bi.

Galatiya 5:13

Kaam ina siga danganakan, lay na kam lliyun meꞌ Tuhan pa jawom okoman na supaya kam paddus na man jawom sakup saraꞌ. Sugaꞌ amay-amay daa pakoyun bi kasumunsayaan bi bilang daawa man nganduwan napsu bi. Arapun pakutuun bi na meꞌ bi sikaaseꞌ-kaaseꞌ sampay sitabang-tabang.