Galatiya 4:3 - Sabahagiꞌ Kitab Tawrat: Panagnaan ni Awwal Jaman maka Kitab Injil

³ Damikiyan, meꞌ naa du sina bay karuha tabi halloman yaꞌ gi bay takka Almasi. Sibuꞌ du karuha tabi ka anak-anak ma subay na pin njagahan. Batan maruhuꞌ, ilooy du katoonan tabi meꞌ mogbogan jinisan aturan ka tōꞌ siga kabboꞌ-bboan tabi.

Galatiya 4:3 ပူးပေါင်းရင်းမြစ်များ

Matiyu 11:28

“Kaam ma tud lamma sampay kabohatan leꞌ kasusahan, pitu kam pa mman ku, boꞌ bi buwanan ku kasannangan njawom atay bi.

Yahiya 8:31

Pag-anu, yuk si Isa ni siga Yahudi ndooy ma pitsayaꞌ niiya, “Bong ina kam tattap mmeꞌ ni tōꞌ ku, malaingkan kaam na mulit ku sabanna

Salsila siga Rasul 15:10

Dari ongoy baw taggahaꞌ doman gi kam malasu Tuhan? Tatammu bi lagi niksaꞌ ga danganakan tabi ma saꞌ Yahudi nohoꞌ mogbogan saraꞌ bangsa tabi? Ongoy kam manangkitan sila boonan ma yaꞌ san bay pingkaꞌ takaya tabi ka ga kabboꞌ-bboan tabi.

Suwat si Pol pa mman Baanan Sukuꞌ si Isa ndooy ni Rom 7:14

Na kitabi itu, ndang katoonan tabi saraꞌ mahap sabap lakka man Tuhan. Sangkon, bong ni dī ku, doman ku mean saraꞌ. Salla na, wā ku kalangga sabap sibuꞌ du ku ka pinahata meꞌ napsu ku ma wā kaboo-boo niyaku buwat dusa.

Suwat si Pol pa mman Baanan Sukuꞌ si Isa ndooy ni Rom 8:15

Na jaman tabi ilay njawman saraꞌ, pagka daran kitabi ngalangga, sibuꞌ du karuha tabi ka ata ma tawu pinidjalaꞌ meꞌ papuꞌ na. Pag batnaa, lay na lungay tawu tabi sabap lay na kitabi pinatannaan Rū Tuhan ma nabangan kitabi buwat kaintongan. Boꞌ na, makitau gi ya njawom atay tabi tud bana-bana du anak Tuhan na kitabi. Dari inaa sina kon tabi ngawnan Tuhan “Maꞌ.”

2 Korin 11:20

Ndaꞌ ku, san kam binuwat meꞌ kasohean nnaa subay ga ata da sampay kinugut lagi, kuhi-kuhi jaꞌ kam. San sila ngandakag ka malangkaw dī da, sampay nampa luwa bi lagi, sinaggaan na sadjaꞌ meꞌ bi.

Galatiya 2:4

Sugaꞌ luu du baw kasohean pasalluk ndooy yaꞌ kasulutan ni umanat ku. Kahandak da, mimon ma pitsayaꞌ ni si Isa subay llogos nohoꞌ mogbogan saraꞌ agama Yahudi. Sugaꞌ tabistu kami na du saꞌ sila danganakan kami sabanna. Lay jaꞌ sila pasalluk ni baanan kami mayu-mayu bong kami mogbogan saraꞌ agama atawa niyaꞌ. Sugaꞌ tabista kami du bong pamiki da binean, mastiꞌ kalangkat jaꞌ ni kasumunsayaan tabi njawman si Isa Almasi.

Galatiya 3:19

Na adakala yuk kasohean na baw mintu, “Bong meꞌ naa, ongoy baw lay lagi Tuhan malahil saraꞌ na?” Bong yaꞌ katoonan bi, ngkon ilay saraꞌ bay pinalahil supaya tumatandaꞌ ni manusiyaꞌ dusahan sila pa Tuhan. Sugaꞌ saraꞌ ina, luu ka ngkoran na. Batan pag luu jaꞌ bay takka panubuꞌ looy disu ma bay njanjiꞌ meꞌ Tuhan, saꞌ na saraꞌ padduman tabi. Saraꞌ Tuhan ilay, bay sinohoꞌ meꞌ na pinalahil ni siga malaikat pa mman Nabi Musa. Pag-anu, boꞌ pinasampay na baw meꞌ Nabi Musa ni kabboꞌ-bboan kami.

Galatiya 4:2

Lagiꞌ na, subay luu na pin nganjagahan iya sampay magpandoyan iya halloman yaꞌ gi bay taabut waktu bay ginantaꞌ meꞌ mmaꞌ na man na koleꞌ pusaka na.

Galatiya 4:24

Na ga danda looy ilay siꞌ sikaduwa tabilang sipat ni duwa pagsulutan antaraꞌ Tuhan ka manusiyaꞌ. Pagsulutan sibuwa ilay yana saraꞌ ma bay dean Tuhan ni Nabi Musa taꞌ Punu Saynay ndooy ni Arabiya. Danda looy ma ata, yana si Hajal, yana sipat ni pagsulutan looy. Batan yana meꞌ si Hajal ka anak na siga ata, damikiyan, mimon jama ma njawman saraꞌ Nabi Musa meꞌ karuha ata du. Maka si Hajal ilay tabilang du sipat ni daira bangsa Yahudi, yana Jerusalem. Batan yana meꞌ si Hajal nneꞌ ata, Jerusalem pun tabilang du nneꞌ bangsa ata, batan siga jama ni daira looy pinahata meꞌ saraꞌ.

Galatiya 4:31

Dari siga danganakan, kitabi itu yaꞌ meꞌ karuha anak si Hajal ma ata, arapun kitabi itu initung anak Sitti Sara ma sumunsayaꞌ. Batan pag lay jaꞌ tabi dari anak Tuhan, lay na kitabi pinaddusan man siga aturan ka taat ma bay mahata kitabi.

Galatiya 4:8

Kaam ina nnaa ma saꞌ turunan bangsa Yahudi, saꞌ ba, bay jaman yaꞌ gi katoonan bi Tuhan, bay jaꞌ kam ngisbat siga tuhan-tuhan? Waktu looy ilay, subay ga kam ata siga tuhan-tuhan bi hangat bi numba sila.

Galatiya 4:9

Lipara batnaa katoonan bi na Tuhan sabanna. Boꞌ na, kaayaran labi man naa, batnaa iya na mismu ngahasi kaam. Sugaꞌ pag batnaa, ituu baw tu man ku jayip, meꞌ ga doman na baw kam pabeleng pa bay kahalan bi maruhuꞌ mogbogan jinisan aturan. Mingkan, yaꞌ san silay katabang ningkaam man bi kinahopan meꞌ Tuhan. Ongoy baw taggahaꞌ pabalik na baw kam buwat dī bi ata siga aturan?

Kolossa 2:20

Na kitabi itu sukuꞌ Almasi, meꞌ tabi ngingat, lay na kitabi tabeꞌ ni kapatoy na. Sangkon paddus na kitabi man siga aturan ma binista meꞌ kasohean subay binogbogan man da salamat. Sugaꞌ kaam baw tu, tatammu bi na baw ga mean siga aturan ma inikut meꞌ jama ma saꞌ sukuꞌ Almasi. Kuhi-kuhi jaꞌ kam mmeꞌ bong yuk da,

Kolossa 2:8

Iyakin kam taggahaꞌ takawum na baw kam meꞌ jama ma mōꞌ tōꞌ palsu. Batan luu sina jinisan ilmuꞌ pinōꞌ ma mahap pinakale, sugaꞌ yaꞌ luu kapuspusan na. Luu ina mōꞌ tōꞌ lakka man arat kabboꞌ-bboan da, bong saꞌ tōꞌ lakka man jinisan aturan pinabuwat-buwat meꞌ manusiyaꞌ. Tōꞌ da ina saꞌ lakka man Almasi.

Hibrani 5:12

Bistahun bi doꞌ, hallom looy na kam bay mmeꞌ ni si Isa, subay siꞌ pandoy na kam noan jama. Boꞌ kaam itu, subay na pin pinagbalik-balik tinoan hāl Tuhan ma subay siꞌ ndang katoonan bi na. Sibuꞌ du karuha bi ka anak-anak ma subay na pin pinaduruꞌ, yaꞌ gi kakakan sumbalian.

Hibrani 7:16

Awnan ku Papuꞌ tabi si Isa. Maka meꞌ na bay dari imam, saꞌ man poonan usuwan meꞌ ilooy ma bay tinaat njawom saraꞌ. Arapun iya bay dari imam sabapan kaallum na ma yaꞌ luu katapusan na, tandaꞌ ehe kawasa na.