Galatiya 4:14 - Sabahagiꞌ Kitab Tawrat: Panagnaan ni Awwal Jaman maka Kitab Injil

¹⁴ Sugaꞌ san ku bay kasasat ningkaam, yaꞌ du ku bay padiyoꞌ bi, gam pin lay gi ku hasi bi. Meꞌ bi buwat aku, subay ga ku malaikat man Tuhan atawa pun tud dī si Isa Almasi mismu.

Galatiya 4:14 ပူးပေါင်းရင်းမြစ်များ

Matiyu 10:40

Maka yuk si Isa lagi ninsila, “Sagannap ma ngahasi kaam, saliꞌ du sila ka bay ngahasi aku. Damikiyan, sagannap ma ngahasi aku, saliꞌ du sila ka bay ngahasi ilooy ma bay mapitu aku.

Matiyu 18:5

“Lagiꞌ na,” yuk si Isa, “soysoy ina ngahasi disu anak-anak meꞌ tuu kalnaꞌ aku, saliꞌ du ka aku bay hasi na.

Matiyu 25:40

“Pag tampung Sultan ilay mintu, ‘Baan ta kam banahan, waktu bi ilay bay buwat meꞌ looy ni soysoy danganakan ku san du pooy diyoꞌ na ni bandingan manusiyaꞌ, saliꞌ du ka aku bay pabuwat bi meꞌ looy.’

Lukas 10:16

“Na kuwan kaam siga mulit ku, soysoy ina mintu ngahasi bitsala bi, saliꞌ du sila ka bay ngahasi bitsala ku. Soysoy nuwak kaam, saliꞌ du ka aku bay tuwak da. Maka soysoy nuwak aku, saliꞌ du sila ka nuwak ilooy ma bay mapitu aku.”

Yahiya 13:20

Baan ta kam banahan, soysoy ina ngahasi sosohoan ku, sibuꞌ du ya ka ngahasi aku. Damikiyan, soysoy ngahasi aku, sibuꞌ du ya ka ngahasi ilooy ma bay mapitu aku.”

1 Korin 1:28

Maka peneꞌ Tuhan ga jama ma pilay-pitu, ma lludjum sampay ma yaꞌ luu guna da ni bandingan manusiyaꞌ ma yaꞌ pitsayaꞌ ni Almasi. Maksud na, man na makitahan jama ma mandang hāl junyaꞌ yaꞌ luu pus na niiya siga pakaradjaan ma hagaan ninsila.

1 Korin 4:10

Ni bandingan manusiyaꞌ ina, biddaꞌ na dupang kami sabap meꞌ kami amu-amu masaplag pasal Almasi. Boꞌ kaam baw ina, kanna bi halul-akka na kam ni hāl Almasi. Kami itu, ni bandingan jama, lammaꞌ kawasa kami. Boꞌ kaam baw tu, subay ga kam jama sukup kawasa. Kami itu pinag-udjuꞌ. Gam ina kaam, pinaehe gi.

2 Korin 5:20

Kitabi itu yana siga wakil Almasi. Sangkon bila kitabi mitsalahan jama, sibuꞌ du karuha tabi ka Tuhan mitsalahan sila. Halling tabi ninsila, “Junjung kami na ningkaam kalnaꞌ si Isa Almasi, tusun bi na lān man bi mahap na pa Tuhan.

Galatiya 3:26

Kaam pun ina labbasakayi, anak Tuhan na du kam sabap meꞌ bi pitsayaꞌ ni si Isa Almasi.

Galatiya 3:28

Sangkon yaꞌ na kitabi magsitingka jama bong sila Yahudi atawa ssaꞌ, bong sila ata atawa ssaꞌ, bong sila danda atawa lalla. Sibuꞌ-sibuꞌ na kitabi sabap tibuuk na du kitabi saliꞌ-saliꞌ ka si Isa Almasi.

Galatiya 4:13

Sibuwa ku bay pilu masaplag umanat mahap ningkaam, adak yaꞌ san bay taboo ku baran ku ni kalamma ku.

Galatiya 4:15

Tud bay gāk kam niyaku. Sugaꞌ pag batnaa sarī na la meꞌ bi ka aku. Maruhuꞌ jaman ku nnaa mman bi, bong siꞌ luu bay paku ku ningkaam, sarunduun du kam muwan. Kumpas ku, san gi mata bi, bong bay paku ku, atas bi nguwiriꞌ boꞌ ndean aku.

1 Tesaloneka 2:13

Tud yaꞌ na situ bakkat meꞌ kami magsuku pa Tuhan pasal meꞌ bi bay ngahasi umanat na ma bay pinasampay meꞌ kami ningkaam. Ndaꞌ kami, pag lay takale bi, magti bay tabista bi ilooy na palman Tuhan, saꞌ ga umanat bay jaꞌ tinulun-tulun meꞌ manusiyaꞌ. Boꞌ palman Tuhan ina, yaꞌ luu hantiꞌ na ngahalin pangatayan bi, sagannap ma pitsayaꞌ.

1 Tesaloneka 4:8

Na bong luu kam nnaa nuwak tōꞌ tuu siꞌ pasal kasutsian, saꞌ ga silay tōꞌ manusiyaꞌ tuwak bi, arapun iya tuwak bi Tuhan mismu, batan iya bay ngandean Rū Sutsiꞌ ningkitabi supaya kitabi sutsiꞌ.

Hibrani 13:2

Daa kam lupa. Minsan jama yaꞌ takila bi, bong pilu pa mman bi, subay hulmatun bi. Batan luu silay bay pingkaꞌ ngahulmat jama, yaꞌ san tasayu da ga malaikat hati bisita da.