Galatiya 4:12 - Sabahagiꞌ Kitab Tawrat: Panagnaan ni Awwal Jaman maka Kitab Injil

¹² Sangkon siga danganakan, junjung ku na ningkaam, akigun bi jaꞌ ku mari kam meꞌ aku na du paddus na man sakup saraꞌ bangsa Yahudi. Bong siꞌ taintom bi jaman ku nnaa mman bi, lay jaꞌ ku buwat dī ku meꞌ karuha kaam ma yaꞌ ngantanan saraꞌ Yahudi. Siga danganakan, yaꞌ situ takupan ku ayad meꞌ bi bay buwat aku jaman ku nnaa.

Galatiya 4:12 ပူးပေါင်းရင်းမြစ်များ

Panagnaan 34:15

Kuhi du kami bong kam ngikut arat kami ngislam kalallahan bi labbasakayi.

Salsila siga Rasul 21:21

Habal bay takale da, bong ko konoꞌ ni kalahat-lahatan bangsa saꞌ Yahudi, meꞌ nu noan siga Yahudi ndooy bahasa subay konoꞌ labbahan da saraꞌ Nabi Musa. Maka baꞌ-bāꞌ jama, wā ko konoꞌ noan siga Yahudi yaꞌ nohoꞌ ngislam anak da batan subay sila konoꞌ yaꞌ na ngikut siga arat bangsa tabi.

2 Korin 2:5

Na ni kapasal lalla looy ni baanan bi ma bay buwat dusa, bana lay du silay ku pingkaꞌ magkasusahan sabapan na. Sugaꞌ bistahan ku, sa susa-susa ku, mas mehe gi susa bi sikamimon. Sangkon ni hāl inaa, yaꞌ na ku doman mitsala paeka taggahaꞌ landuꞌ meꞌ bi susa.

2 Korin 6:11

Na siga danganakan kami nnaa ni Korin, kami itu mitsala, yaꞌ luu sinipuk njawom atay kami, batan tud maaseꞌ kami ningkaam.

2 Korin 6:13

Dari pagka meꞌ ku ngingat anak ta na kam, bong siꞌ dari, sibuan bi na aseꞌ kami ningkaam.

Galatiya 2:14

Dari pag ndaꞌ ku bbuwatan da yaꞌ sikatuwaꞌ ka kabanahan ni umanat mahap, ilooy ma yuk ku ni si Pitel ni pag-awpan sikamimon, “Kau tu, hallang-hallangan tuu, yaꞌ na ko bay mogbogan saraꞌ agama bangsa ta Yahudi. Pag batnaa, sarī na la tikmas nu. Sat nu saꞌ māꞌ, subay na pin siga jama ma saꞌ Yahudi mean saraꞌ agama ta boꞌ da tahasi nu danganakan.”

Galatiya 4:11

Ituu kahanggawan ku, taggahaꞌ lai jaꞌ lopas mimon bay sangsāꞌ ku noan kaam.

Galatiya 4:13

Sibuwa ku bay pilu masaplag umanat mahap ningkaam, adak yaꞌ san bay taboo ku baran ku ni kalamma ku.

Galatiya 6:14

Boꞌ aku tu, ilooy du pinag-abbu meꞌ ku yana kapatoy Papuꞌ tabi si Isa Almasi taꞌ tehang kalnaꞌ kitabi. Meꞌ ku ngingat, bay pagkajama ku maruhuꞌ lay na tabeꞌ ni si Isa nilansang taꞌ tehang. Pag batnaa, sarī na pagkajama ku. Sangkon lay na matoy kainagon ku ni kalaatan ma pinaabak meꞌ jama ma mandang hāl junyaꞌ. Boꞌ jama ma mandang hāl junyaꞌ ina, yaꞌ du luu kainagon da ni siga pakaradjaan ma hagaan niyaku.

Galatiya 6:18

Siga danganakan, dambuli man inaa, kamura-murahan binuwanan na pin kam barakat meꞌ Papuꞌ tabi si Isa Almasi. Wassalam