Galatiya 3:22 - Sabahagiꞌ Kitab Tawrat: Panagnaan ni Awwal Jaman maka Kitab Injil

²² Sugaꞌ tallak na silay njawom kitab mimon manusiyaꞌ takawum leꞌ dusa. Sangkon yaꞌ takaya da mogbogan saraꞌ. Dari lay na Tuhan nganjanjiꞌ muwasan dusa da basta sila pitsayaꞌ jaꞌ ni si Isa Almasi.

Galatiya 3:22 ပူးပေါင်းရင်းမြစ်များ

Malkus 16:16

Soysoy ina pitsayaꞌ niyaku sampay bay pinandi, malaingkan salamat na ya. Sugaꞌ soysoy ina yaꞌ pitsayaꞌ, kalabuan du sina hukuman Tuhan.

Yahiya 12:46

Aku tu bay pitu pa junyaꞌ bilang sūꞌ marantaan pamiki manusiyaꞌ supaya yaꞌ na njawom lindom soysoy pitsayaꞌ niyaku.

Yahiya 20:31

Sugaꞌ kasohean lay patabeꞌ ku ntuu supaya kam pitsayaꞌ si Isa yana Almasi, maka iya Anak Tuhan. Batan bong ina kam pitsayaꞌ na niiya, malaingkan koleꞌ kam kasampulnaan nyawa saumu-umu.

Yahiya 3:36

Dari soysoy ina pitsayaꞌ ni Anak na, luu na kasampulnaan nyawa na saumu-umu. Sugaꞌ soysoy ina yaꞌ pitsayaꞌ ni Anak Tuhan, malaingkan yaꞌ sina koleꞌ kasampulnaan nyawa sabap yaꞌ kuhi lakka mulkaꞌ Tuhan njataꞌ na.”

Yahiya 5:24

“Baan ta kam banahan, soysoy ina nganna bitsala ku saltaꞌ na pitsayaꞌ ni ilooy ma bay mapitu aku, malaingkan luu na kasampulnaan nyawa na saumu-umu. Yaꞌ na ya kalabuan hukuman. Dari ko ngawon, sibuꞌ na karuha na ka jama bay matoy lay na pinakallum pabalik. Batan luu na kaallum na bahau.

Salsila siga Rasul 16:31

Pag tampung ga si Pol, “Pitsayaꞌ na ko ni Papuꞌ Isa boꞌ nu salamat sampay na siga jama lumaꞌ nu.”

Suwat si Pol pa mman Baanan Sukuꞌ si Isa ndooy ni Rom 10:9

“Bong kam māꞌ ni pagkahi bi manusiyaꞌ si Isa yana Papuꞌ sampay bana-bana kam pitsayaꞌ lay ya pinakallum meꞌ Tuhan pabalik, salamat na sina kam.

Suwat si Pol pa mman Baanan Sukuꞌ si Isa ndooy ni Rom 11:32

Batan man gantaan Tuhan, mimon manusiyaꞌ subay doꞌ bay pingkaꞌ duhuꞌ yaꞌ ngasip niiya sampay tawop minulkaan supaya tapakitahan na timbang na ni manusiyaꞌ labbasakayi.

Suwat si Pol pa mman Baanan Sukuꞌ si Isa ndooy ni Rom 3:22

Dari man gantaan Tuhan, initung na manusiyaꞌ intong basta sila pitsayaꞌ jaꞌ ka mangando ni si Isa Almasi. Tuhan ina yaꞌ magsibiddaꞌ san gi oy bangsa jama.

Suwat si Pol pa mman Baanan Sukuꞌ si Isa ndooy ni Rom 3:23

Na mimon ina manusiyaꞌ lay jaꞌ bay buwat dusa. Sangkon saliꞌ-saliꞌ sila yaꞌ luu pangabut-ngabut da ni kaayaran Tuhan.

Suwat si Pol pa mman Baanan Sukuꞌ si Isa ndooy ni Rom 5:12

Batnaa paintoman ta doꞌ kam toklas ni bay pabuwatan Boꞌ Adam ka bay pabuwatan Almasi. Sabapan dusa Boꞌ Adam bay ngalangga panohoan Tuhan, ilooy na poonan mimon manusiyaꞌ ngikut iya buwat dusa. Maka sabapan dusa Boꞌ Adam, lay na ya kalabuan hukuman kapatoy. Boꞌ lay lagi talapay mimon manusiyaꞌ batan labbasakayi sila lay kalihiyan meꞌ Boꞌ Adam buwat dusa.

Galatiya 3:14

Na si Isa Almasi ilay bay maglillaꞌ pinapatoy supaya takoleꞌ meꞌ mimon kabangsa-bangsahan supaat ma bay njanjiꞌ ni Nabi Ibrahim, maka supaya kitabi ma pitsayaꞌ, pinaasokan na Rū Sutsiꞌ ma bay njanjiꞌ meꞌ Tuhan.

Galatiya 3:23

Na maruhuꞌ ilay, yaꞌ gi bay pinalahil meꞌ Tuhan bong pooy meꞌ manusiyaꞌ koleꞌ kaallum bahau. Jaman looy, kami siga Yahudi meꞌ sapantun tinalungkuꞌ jaꞌ meꞌ saraꞌ. Sakayi kami paddus, noy lay na kami pitsayaꞌ ni si Isa Almasi.

Galatiya 3:29

Maka pagka sukuꞌ Almasi na kam, malaingkan initung na sina kam anak Nabi Ibrahim. Boꞌ na, kapakaam na mimon ma bay njanjiꞌ meꞌ Tuhan.

2 Timuti 1:1

Ituu itu aku, yana si Pol, disu rasul si Isa Almasi man kahandak Tuhan. Aku itu bay sinohoꞌ meꞌ Tuhan masaplag pasal kaallum bahau ma bay njanjiꞌ meꞌ Tuhan ni soysoy ma tibuuk ka si Isa Almasi.

Hibrani 9:15

Sangkon Almasi ilay, iya na bay mōꞌ pagsulutan bahau antaraꞌ Tuhan ka sukuꞌ na. Batan ni jataꞌ kapatoy na, lay na puwasan na mimon dusa tabi bay ngalangga siga saraꞌ ni pagsulutan sibuwa. Dari sagannap ma bay lliyun pa jawom okoman Tuhan, takoleꞌ da na mimon supaat ma ndang bay njanjiꞌ meꞌ Tuhan ni sukuꞌ na. Sila ina meꞌ sapantun jama bay koleꞌ pusaka mehe ma natas saumu.

2 Pitel 1:4

Dari man sabapan ehe kabantugan na ka kaayaran na, lay na kitabi buwanan na siga supaat tud hagaan ka ayad banahan ma ndang bay janjiꞌ na. Maksud Tuhan ilay bay ngandean siga supaat meꞌ looy supaya taikut tabi arat-tabiat na. Maka maksud na supaya yaꞌ na tabi pinagbayaan meꞌ napsu tabi buwat dusa ma kabinasa ningkitabi.

2 Pitel 3:13

Sugaꞌ san meꞌ looy, luu gi agad tabi pinasunuꞌ langit bahau ka junyaꞌ bahau ma bay njanjiꞌ meꞌ Tuhan para ni sukuꞌ na. Ndooy ilay mintu, isu-isu kaintongan sa pinabuwat.

1 Yahiya 2:25

Maka kannahun bi na pin janjiꞌ Anak Tuhan muwanan sagannap ma pitsayaꞌ niiya kasampulnaan nyawa saumu-umu.