Galatiya 3:10 - Sabahagiꞌ Kitab Tawrat: Panagnaan ni Awwal Jaman maka Kitab Injil

¹⁰ Boꞌ sagannap ma mangasa ni hulas-sangsāꞌ da mogbogan saraꞌ man da initung intong, yaꞌ sina sila koleꞌ supaat. Ilooy du takoleꞌ da mulkaꞌ batan yaꞌ tabogbog da labbasakayi. Boꞌ magbēꞌ du bana ka suwat njawom kitab, ilooy ma yuk na, “Njawom mulkaꞌ soysoy yaꞌ mogbogan mimon saraꞌ njawom kitab.”

Galatiya 3:10 ပူးပေါင်းရင်းမြစ်များ

Panagnaan 4:11

Sangkon batnaa sibuꞌ du ko ka bay sinumpaan meꞌ tanaꞌ. Batan poonan na bay katumpahan lahaꞌ ariꞌ nu,

Matiyu 25:41

“Pag-lupus, halling na baw Sultan ni sagannap ma huwin pa kayli na, ‘Kaam ina, basta pinagmulkaan sina kam. Lakka na kam man bihing ku. Pilay na kam pa jawom api ma yaꞌ kuhi pawom saumu-umu, ma hinallian Ibilis ka ga sosohoan na.

Suwat si Pol pa mman Baanan Sukuꞌ si Isa ndooy ni Rom 4:15

Batan sabana na, bong ina jama mangasa ni hulas-sangsāꞌ da mogbogan saraꞌ man da koleꞌ siga supaat Tuhan, ilooy ya takoleꞌ da yana mulkaꞌ. Batan sikamimon manusiyaꞌ ngalangga saraꞌ. Disu du jalan man jama kailag meꞌ ngalangga saraꞌ, bong tud samasakali yaꞌ luu saraꞌ.

Suwat si Pol pa mman Baanan Sukuꞌ si Isa ndooy ni Rom 6:23

Dan jinis meꞌ halling, bong ina jama buwat dusa, mastiꞌ luu jaꞌ ka hisab na, yana katiksaan nyawa labba man junyaꞌ sampay pa ahirat. Boꞌ sagannap ma tibuuk ka Papuꞌ tabi si Isa Almasi, mastiꞌ binuwanan jaꞌ sina meꞌ Tuhan ladjikiꞌ, yana kasampulnaan nyawa saumu-umu.

Suwat si Pol pa mman Baanan Sukuꞌ si Isa ndooy ni Rom 8:7

Boꞌ sagannap ma maabak meꞌ da nganduwan napsu da ina, manta Tuhan sabap yaꞌ sila kuhi ngasip ni siga panohoan na. Boꞌ ni sabana na, jama meꞌ sila ina, yaꞌ takaya da ngasip Tuhan.

2 Korin 3:7

Paintoman ta doꞌ kam jaman saraꞌ ma bay sinuwatan ni batu bay pinasampay ni Nabi Musa. Lay na ga pingkaꞌ ninag luwa Nabi Musa meꞌ sahayaꞌ Tuhan. Boꞌ kasilawan na ga bangsa Israil ma bay ngandaꞌ ni luwa na. Sugaꞌ lay du baluba sinag looy sampay lay na lakka. Na bong bay kainu-inu katakka saraꞌ san ilooy na sabapan man jama tiksaꞌ nyawa da,

Galatiya 2:16

Sugaꞌ batnaa, labbahan ta na pamiki meꞌ looy. Batan katoonan ta na, ilooy ya man manusiyaꞌ initung meꞌ Tuhan intong yana sabap meꞌ da pitsayaꞌ ni si Isa Almasi, saꞌ ga sabap meꞌ da mogbogan saraꞌ. Inaa sina kon kita bay pitsayaꞌ niiya. Tabista ta na yaꞌ luu san disu jama koleꞌ kaintongan pa Tuhan meꞌ na bay mogbogan saraꞌ.