Galatiya 3:1 - Sabahagiꞌ Kitab Tawrat: Panagnaan ni Awwal Jaman maka Kitab Injil

¹ Kuwan kaam baw nnaa ni Galatiya, subay ga kam jama yaꞌ luu panayu bi. Meꞌ bay na kam hinikmatan. Batan tatammu bi na baw ga mmeꞌ-mmeꞌ ni jama nnaa ma māꞌ subay bogbogan bi saraꞌ agama Yahudi boꞌ bi dari initung intong. Boꞌ ko, isu-isu kapatoy Almasi taꞌ tehang poonan manusiyaꞌ initung intong. Tud tallak na bilay la meꞌ ku bay mahatiyan kaam.

Galatiya 3:1 ပူးပေါင်းရင်းမြစ်များ

Matiyu 24:24

batan luu sina mintu pōꞌ siga pangandustaꞌ māꞌ bahasa sila na Almasi atawa nabi. Boꞌ pandoy gi sina mintu mōꞌ siga pabuwatan kahaylan-haylan bong pin meka jaꞌ jama takoleꞌ da binoo magsiꞌ. Bong siꞌ ilay mintu takaya da, kainagon da sampay sagannap ma bay peneꞌ Tuhan sukuꞌ na taboo da du magsiꞌ.

Matiyu 7:26

Sugaꞌ sagannap ma pakale ni siga tōꞌ ku, boꞌ yaꞌ du bean da, malaingkan kulang pamiki da. Sibuꞌ du karuha da ka jama matangge lumaꞌ na taꞌ ungus sadjaꞌ.

Lukas 24:25

Dari yuk si Isa ninsila, “Uy kaam tu, ongoy kam yaꞌ kahati? Ongoy kam kaawran pitsayaꞌ ni siga tunaꞌ kanabi-nabihan pasal Almasi?

Salsila siga Rasul 16:6

Pag-anu, lay na baw pilay ga si Pol pa Pirigiya ka Galatiya. Sibuwa adak sila pilay masaplag pa Asiya, sugaꞌ yaꞌ sila bay tinugutan meꞌ Rū Sutsiꞌ.

Salsila siga Rasul 6:7

Dari siꞌ magsasōng na pin meꞌ umanat Tuhan pinasaplag. Maka lipat man lipat na pin eka manusiyaꞌ ndooy ni Jerusalem mmeꞌ ni si Isa. Sampay ga imam, meka na du pitsayaꞌ ni umanat mahap pasal si Isa.

Suwat si Pol pa mman Baanan Sukuꞌ si Isa ndooy ni Rom 10:16

Salla na, dangkitiꞌ du jama pitsayaꞌ ni umanat mahap. Meꞌ bay halling Nabi Isaya njawom kitab, yuk na, “Ū Papuꞌ, adak yaꞌ bitu luu pitsayaꞌ ni umanat kami.”

Suwat si Pol pa mman Baanan Sukuꞌ si Isa ndooy ni Rom 2:8

Sugaꞌ luu baw sina kasohean ngulihal pa kaayaran ni dī da sadjaꞌ. Boꞌ nuwak gi sila kabanahan. Pagka doman jaꞌ sila pabingkok, mastiꞌ kalabuan jaꞌ sina sila mulkaꞌ Tuhan ni kaehe duga na ninsila.

Suwat si Pol pa mman Baanan Sukuꞌ si Isa ndooy ni Rom 6:17

Na jaman bi ilay yaꞌ gi bay mmeꞌ ni si Isa, masi gi silay kam pinahata meꞌ napsu bi buwat dusa. Magsuku pa Tuhan, pag batnaa niyaꞌ na. Batan ni kahilas atay bi, lay na bean bi kabanahan ma bay tinōꞌ ningkaam.

1 Korin 11:26

Sangkon siga danganakan, tuktuk bi mangan tinapay meꞌ looy ka nginum tubaꞌ anggul meꞌ looy, sibuꞌ du ka bay pinamahalayak meꞌ bi kapatoy Papuꞌ Isa ngabut sampay masa man na pabeleng.

1 Korin 2:2

Batan ilooy du ilay bay hagaan niyaku bong pin tapasaplag ku jaꞌ umanat pasal Almasi sampay kapatoy na taꞌ tehang.

2 Korin 10:5

Maka mimon abbu, yana poonan man manusiyaꞌ yaꞌ toon Tuhan, talangkat du meꞌ siga pakakas kami. Dari mimon pamiki maat atawa yaꞌ tuwaꞌ, mastiꞌ halin kami supaya magbēꞌ ka kahandak Almasi.

2 Korin 11:3

Ilooy kahanggawan ku, taggahaꞌ lay na baw kam mintu inakkahan meꞌ karuha jaman Sitti Hawa bay takoleꞌ inakkahan meꞌ sō mattoꞌ. Hanggaw ku taggahaꞌ takoleꞌ na baw kam pinagsian sampay man lungay na kasutsian bi ka hilas atay bi ngisbat Almasi.

Galatiya 1:6

Ngkon ku tu nuwat batnaa batan tud jayip ku ningkaam. Tud bay siglaꞌ kam nikutan Tuhan. Mingkan, iya gi silay bay ngaliyun kaam pa jawom okoman na man sabapan aseꞌ Almasi. Pag-anu, tatammu bi na baw ga mmeꞌ ni umanat sarī man umanat mahap ma ndang lay na kinapitsayaan meꞌ bi.

Galatiya 2:14

Dari pag ndaꞌ ku bbuwatan da yaꞌ sikatuwaꞌ ka kabanahan ni umanat mahap, ilooy ma yuk ku ni si Pitel ni pag-awpan sikamimon, “Kau tu, hallang-hallangan tuu, yaꞌ na ko bay mogbogan saraꞌ agama bangsa ta Yahudi. Pag batnaa, sarī na la tikmas nu. Sat nu saꞌ māꞌ, subay na pin siga jama ma saꞌ Yahudi mean saraꞌ agama ta boꞌ da tahasi nu danganakan.”

Galatiya 3:3

Kaam ina ma doman tabeꞌ njawman saraꞌ siga Yahudi, meꞌ ga yaꞌ luu panayu bi. Sibuwa bi mmeꞌ ni Almasi, lay na kam mangasa ni tabang Rū Sutsiꞌ man bi intong pa Tuhan. Pag batnaa, ongoy taggahaꞌ kanna bi subay na pin luu gi jinisan taat pabuwat bi man bi majatu kaintongan bi?

Galatiya 4:9

Lipara batnaa katoonan bi na Tuhan sabanna. Boꞌ na, kaayaran labi man naa, batnaa iya na mismu ngahasi kaam. Sugaꞌ pag batnaa, ituu baw tu man ku jayip, meꞌ ga doman na baw kam pabeleng pa bay kahalan bi maruhuꞌ mogbogan jinisan aturan. Mingkan, yaꞌ san silay katabang ningkaam man bi kinahopan meꞌ Tuhan. Ongoy baw taggahaꞌ pabalik na baw kam buwat dī bi ata siga aturan?

Galatiya 5:11

Siga danganakan, bong luu nnaa māꞌ aku magnasihat talpaksaꞌ subay binogbogan hāl meꞌ ngislam man ta initung intong, daa kam hidjab. Bong ina bana bitsala da, ongoy taggahaꞌ masi ku llaugan meꞌ siga pagkahi ku Yahudi? Maka bong ina bana ninsila, yaꞌ na lammis siga Yahudi niyaku san ku masaplag pasal kapatoy si Isa taꞌ tehang.

Epesus 3:8

Sabana na, ni mimon sukuꞌ Tuhan, aku ya labi yaꞌ tawop inawnan sukuꞌ na. Lipara, lay gi baw ku tapeneꞌ nohoꞌ masaplag ni siga bangsa saꞌ Yahudi pasal siga supaat mehe saꞌ taangan-angan ma takoleꞌ da bong sila tibuuk na ka Almasi.

Epesus 4:14

Bong ina kitabi sukup iman na, yaꞌ na kitabi meꞌ anak-anak os-os pitsayaꞌ ni oy-oy bitsala jama. Yaꞌ na kitabi meꞌ sapantun kumpit umatung kuhi jaꞌ tinuran leꞌ lamba ka baliyu. Intong na, yaꞌ na kitabi takoleꞌ llingu meꞌ siga guru palsu ma alistu moo-moo jama magsiꞌ.

Epesus 5:15

Ilagan bi dī bi mari ayad jaꞌ tangge-tingkōꞌ bi. Daa kam mmeꞌ-mmeꞌ meꞌ uwahan jama dupang, arapun ilooy ya akigun bi jama ma halul-akka.

2 Tesaloneka 1:8

Iya ina mintu duwai ddas ka api noleyab man na midjalaꞌ sagannap ma nuwak Tuhan ka sagannap ma yaꞌ mmeꞌ ni umanat mahap pasal Papuꞌ tabi si Isa.

1 Timuti 6:4

Ga jama meꞌ looy ilay, yaꞌ luu masayu da, boꞌ abbuhan lagi. Tigiꞌ jaꞌ sila magjawapan hatiyan bitsala ka hāl ma yaꞌ luu kapuspusan na. Sabapan tōꞌ da ina, sikadangkiꞌ-kadangkiꞌ na jama maka sasaꞌ-manasaꞌ na, sipitna-pitna na, sampay sitanggap-tanggap na.

Hibrani 11:8

Damikiyan Nabi Ibrahim pun, sabapan pangando na pa Tuhan, lay jaꞌ du ya mmeꞌ ni panohoan Tuhan. Bay sohoꞌ Tuhan niiya, subay ya maglayin pa disu lahat ma bay njanjiꞌ meꞌ Tuhan pinamuwan niiya. Dari lay na jaꞌ ya ngambanan lahat na san yaꞌ gi bay tasayu na bong ninggai lahat looy man na bay tumiluꞌ.

Hibrani 5:9

Dari pagka wā ya mmeꞌ ni kahandak Tuhan, tandaꞌ yaꞌ luu salla na, lay du ya dari poonan kasalamatan ma natas saumu-umu para ni sikamimon ma ngasip niiya.

1 Pitel 1:22

Na pagka lay na du kam mmeꞌ ni tōꞌ sabanna, pasutsiꞌ na pin sina pangatayan bi. Sangkon pakutuun bi na meꞌ bi sikaaseꞌ-kaaseꞌ. Maka subay hilas aseꞌ bi meꞌ karuha jama magdanganakan.

1 Pitel 4:17

Batnaa tu, taabut na masa man Tuhan ngahukum manusiyaꞌ. Boꞌ nagnaꞌ na ya ka kitabi siga sukuꞌ na. Na bong kitabi ma intong subay lumingkaꞌ njawom kamalasahiyan, bistahan bi oy na baw mintu katuwaꞌ ni sagannap ma yaꞌ kuhi mmeꞌ ni umanat mahap man Tuhan?

2 Pitel 2:18

Basag sila ngabbu saula-ula pandoy sila, boꞌ ko, karupangan jaꞌ bitsala da. Baꞌ-bāꞌ da, san gi oy kinanapsuhan meꞌ jama, dari jaꞌ nduwan. Sabapan tōꞌ da meꞌ looy, kasohean jama ma bahau jaꞌ pitsayaꞌ ni Papuꞌ Isa, ma bahau jaꞌ bay ngalabbahan napsu da ma maat, lay na baw taboo-boo bbeleng pabalik pa bay kalaatan da.

Siga Pakaradjaan bay Pinalahil 18:3

Kon na binasa na sabap iya bay moo-moo manusiyaꞌ ni mimon kabangsa-bangsahan buwat jinisan kalaatan. Babilon ina tadalil pa disu puta ma bay moo-moo jama nginum alak na supaya sila mmeꞌ meꞌ uwahan na magjina. Sampay siga sultan ni sikaliput junyaꞌ, bay du mmeꞌ magjina ka iya. Ni kamulakab napsu danda looy, yaꞌ na taambat altaꞌ bay balli na para dī na. Sangkon lay na magkadayahan siga tukang maglilitu ni sikaliput junyaꞌ.”

Siga Pakaradjaan bay Pinalahil 2:20

Sugaꞌ luu gi du baw situ man ku kasallahan ningkaam. Bbuwatan bi mabiya si Jesebel magsian sagannap ma ngisbat aku. Iya ilay danda jahallis, bahasa iya tukang masampay palman Tuhan. Boꞌ ko, njawom tōꞌ na, yaꞌ du konoꞌ dari hāl na san jama buwat kajinahan atawa pun mangan sumbalian ma bay pingkaꞌ sinongan pa siga tuhan-tuhan.