Galatiya 2:20 - Sabahagiꞌ Kitab Tawrat: Panagnaan ni Awwal Jaman maka Kitab Injil

²⁰ Pag batnaa, Almasi na llum ni baran ku, saꞌ na aku. Sangkon kahandak na jaꞌ bean ku, saꞌ na kahandak ku. Maka batnaa, halloman ku llum, mangando jaꞌ ku ni Anak Tuhan. Batan maaseꞌ ya niyaku sampay lay na ga paglillaꞌ na dī na pinapatoy kalnaꞌ aku.

Galatiya 2:20 ပူးပေါင်းရင်းမြစ်များ

Matiyu 20:28

Minsan aku, Anak Manusiyaꞌ, yaꞌ du ga kon ku bay pitu muhung inintu. Arapun kon ku itu bay pitu mari ku kaintu manusiyaꞌ sampay nongan umu ku mari meka na jama pinaddusan man hukuman ni dusa da.”

Matiyu 4:3

Pag-anu siꞌ, takka na baw Ibilis, yana tukang nasat. Yuk na ni si Isa, “Bong ko bana-bana Anak Tuhan, sōn teꞌ padari tinapay ga batu naa mari luu na kakan nu.”

Yahiya 1:49

Pag tabista si Natanyel talus si Isa, ilooy ma yuk na, “Tuwan Guru, tud bana-bana du bitu la kau na Anak Tuhan, sultan bangsa kami Israil!”

Yahiya 10:11

Yuk si Isa lagi, “Aku itu meꞌ karuha jama ma tiggo ngipat bili-bili na paayad. Tiyap-tiyap ina tukang ipat mahap, atas na nongan umu na kalnaꞌ siga bili-bili na.

Yahiya 15:13

Bong inawnan aseꞌ, yaꞌ na sina luu aseꞌ lumabi man aseꞌ jama ma nongan umu na kalnaꞌ kabagayan na.

Yahiya 17:21

Maꞌ, paku ku batnaa, pagsidambuwaun sa atay da sikamimon. Yana meꞌ kita dambuwaꞌ atay, kamura-murahan sila pun dambuwaꞌ atay du ka kita supaya pitsayaꞌ na manusiyaꞌ tud kau bay mapitu aku.

Yahiya 3:16

Biddaꞌ na sina ehe aseꞌ Tuhan ni manusiyaꞌ. Sangkon lay na pinaglillaꞌ meꞌ na Anak tungga na pinapatoy supaya soysoy pitsayaꞌ niiya yaꞌ na tanalkaꞌ, gam pin koleꞌ gi kasampulnaan nyawa ma yaꞌ luu katapusan na.

Yahiya 3:35

Biddaꞌ na sina aseꞌ Tuhan ni Anak na sampay lay na pa-ntan na mimon-mimon niiya.

Yahiya 6:57

Aku tu, luu kaallum ku sabapan Mmaꞌ ku ma bay mapitu aku, batan iya poonan kaallum. Damikiyan, soysoy mangan aku, koleꞌ du kaallum bahau sabapan ku.

Yahiya 6:69

Kami itu pitsayaꞌ jaꞌ ningkau maka katoonan kami kau na ilooy ma bay tinunaꞌ Mahasutsiꞌ lakka man Tuhan.”

Salsila siga Rasul 8:36

Sasang da palanja, lay na sila nakka disu lugar bohean. Pag-anu, yuk manijel looy ni si Pilip, “Alay la boheꞌ. Bong siꞌ kadarihan ningkau, pandihun doꞌ ku.”

Salsila siga Rasul 9:20

Ndooy siꞌ, magti du ya ngalataan siga langga bangsa Yahudi ndooy maan sila tud mattan du si Isa yana Anak Tuhan.

Suwat si Pol pa mman Baanan Sukuꞌ si Isa ndooy ni Rom 1:17

Ni umanat mahap ina, tatammu jama jalan man da taitung meꞌ Tuhan intong. Jalan ma awnan ku ilay siꞌ yana pangando tabi ni si Isa. Boꞌ sikatuwaꞌ du ka suwat njawom kitab, ilooy ma yuk na, “Sagannap ma initung meꞌ Tuhan intong sabapan pangando da niiya, mastiꞌ koleꞌ kasampulnaan nyawa saumu-umu.”

Suwat si Pol pa mman Baanan Sukuꞌ si Isa ndooy ni Rom 14:7

Kitabi itu saliꞌ-saliꞌ du sukuꞌ Papuꞌ. Sangkon kaallum-kapatoy tabi, kahandak Papuꞌ jaꞌ sulut tabi, saꞌ ga dī tabi.

Suwat si Pol pa mman Baanan Sukuꞌ si Isa ndooy ni Rom 3:22

Dari man gantaan Tuhan, initung na manusiyaꞌ intong basta sila pitsayaꞌ jaꞌ ka mangando ni si Isa Almasi. Tuhan ina yaꞌ magsibiddaꞌ san gi oy bangsa jama.

Suwat si Pol pa mman Baanan Sukuꞌ si Isa ndooy ni Rom 4:25

Si Isa ilay bay pinaglillaꞌ meꞌ Tuhan pinapatoy sabapan dusa tabi, boꞌ na pinakallum pabalik supaya kitabi taitung intong.

Suwat si Pol pa mman Baanan Sukuꞌ si Isa ndooy ni Rom 5:2

Lagiꞌ na, sabapan si Isa Almasi maka pangando tabi niiya, tattap na sina kitabi koleꞌ aseꞌ ka tabang man Tuhan. Boꞌ tud gāk sina kitabi batan luu na holat tabi tumabeꞌ ni ehe kabantugan Tuhan.

Suwat si Pol pa mman Baanan Sukuꞌ si Isa ndooy ni Rom 5:6

Bistahun bi doꞌ aseꞌ Tuhan ningkitabi. Bay jaman yaꞌ gi luu gaos tabi nulut kahandak na, lay na ga ya mapitu Almasi nohoꞌ nongan umu na kalnaꞌ kitabi baldusa.

Suwat si Pol pa mman Baanan Sukuꞌ si Isa ndooy ni Rom 5:8

Boꞌ Tuhan ina, tandaꞌ ehe aseꞌ na ningkitabi, lay na ga bay pinaglillaꞌ meꞌ na Almasi pinapatoy kalnaꞌ kitabi jaman tabi masi gi baldusa.

Suwat si Pol pa mman Baanan Sukuꞌ si Isa ndooy ni Rom 6:13

Amay-amay daa na pakoy tabi baran tabi buwat dusa. Gam pin paglillaꞌ tabi na baran tabi labbasakayi pa Tuhan supaya tapakoy man buwat kaintongan. Batan pagkajama tabi maruhuꞌ ma baldusa lay na matoy, pag batnaa, luu na kaallum tabi bahau.

Suwat si Pol pa mman Baanan Sukuꞌ si Isa ndooy ni Rom 6:8

Sangkon batnaa, pagka lay na kitabi tabeꞌ ni si Isa matoy, malaingkan pitsayaꞌ na kitabi tabeꞌ na du ni kaallum na.

Suwat si Pol pa mman Baanan Sukuꞌ si Isa ndooy ni Rom 8:10

Sugaꞌ bong ina luu na Almasi patannaꞌ njawom atay bi, malaingkan baran bi ma bay pakoy bi man buwat dusa, meꞌ bi ngingat, lay na matoy. Maka luu na Rū Sutsiꞌ nampulnaꞌ nyawa bi sabap lay na kam initung meꞌ Tuhan intong.

Suwat si Pol pa mman Baanan Sukuꞌ si Isa ndooy ni Rom 8:37

Sugaꞌ san gi oy katuwaꞌ ningkitabi, mastiꞌ tumanjataꞌ jaꞌ kitabi, batan luu na pin tabang ilooy ma maasean kitabi, yana si Isa Almasi.

1 Korin 6:17

Sugaꞌ luu gi sina pagkatibuuk labi gi ayad man inaa, yana pagkatibuuk tabi ka Papuꞌ Isa. Batan soysoy ina nibuuk dī na ka Papuꞌ Isa, malaingkan dambuwaꞌ rū na sila.

2 Korin 1:24

Kamasaꞌ, yaꞌ du baw tu ga subay na pin kam pastul kami ni hāl pangando bi ni Almasi. Ndang katoonan kami na du hallot na pangando bi niiya. Kami tu, doman jaꞌ nabangan kaam supaya yaꞌ maglumba kagakan bi.

2 Korin 10:3

Bana du baw situ luu napsu kami meꞌ karuha mimon manusiyaꞌ. Sugaꞌ iya bean kami kahandak Tuhan, saꞌ ga napsu kami. Dari bong luu pamiki ma yaꞌ nulut ni kahandak Tuhan, wā situ lobloban kami. Dari ko ngawon, wā njawom sibonoꞌ jaꞌ situ kami ka pamiki maat.

2 Korin 11:10

Meꞌ aku itu disu jama mogbogan kabanahan pasal Almasi, kanaalla situ bitsala ku siꞌ. Basta yaꞌ baw sina luu san disu jama ni sikaliput Akaya kabāꞌ ngandustaꞌ ku bong sawpama ku magpabantug ni hāl meꞌ ku yaꞌ bay maku hasil mman bi.

2 Korin 13:3

Ndang-ndang doman du kam ngita buktiꞌ aku rasul Almasi mitsala ningkaam. Ma yaꞌ kuhi nawbat, pakissahan ku na sina mintu kawasa Almasi njataꞌ ku. Daa kam ngaholat lammaꞌ kawasa na mainsapan kaam.

2 Korin 13:5

Sangkon na ina, pindogahan bi bana kawul-piil bi bong sikatuwaꞌ du ka umanat mahap ma kinapitsayaan meꞌ bi. Bong ina tud bana-bana du si Isa Almasi patannaꞌ njawom atay bi, mastiꞌ tumatandaꞌ jaꞌ sina ni ayad kawul-piil bi. Bong ina niyaꞌ, saꞌ ga bina oy, meꞌ bi pitsayaꞌ ni kuwit tōng bi sadjaꞌ.

2 Korin 5:14

Ngkon kami itu magtuyuꞌ kalnaꞌ Almasi sabap tabista kami ehe aseꞌ na ni manusiyaꞌ. Inaa sina muwansangan kami masaplag. Tandaꞌ ehe aseꞌ Almasi, lay na ga ya nongan umu na gantiꞌ manusiyaꞌ sikamimon. Dari meꞌ tabi ngingat, mimon kitabi lay na du tabeꞌ matoy niiya.

2 Korin 5:15

Kon na ilay Almasi bay matoy gantiꞌ sikamimon supaya sagannap ma koleꞌ kaallum bahau makutuꞌ kahandak na, saꞌ na kahandak da. Boꞌ pataꞌ du baw lay batan iya bay matoy sampay pinakallum pabalik kalnaꞌ manusiyaꞌ sikamimon.

2 Korin 5:7

San meꞌ looy, halloman tabi itu llum ni junyaꞌ tuu, mangando jaꞌ kitabi ni Papuꞌ Isa san yaꞌ gi takita tabi ilooy ma bay hinalliꞌ ningkitabi.

Galatiya 1:4

ma bay nongan umu na man muwasan dusa tabi. Maksud na supaya kitabi tapaddusan na man jawom sakup kalaatan ntuu ni junyaꞌ. Boꞌ ndang ituu na situ bay garaꞌ Mmaꞌ tabi Tuhan man maruhuꞌ-ruhuꞌ lagi.

Galatiya 2:16

Sugaꞌ batnaa, labbahan ta na pamiki meꞌ looy. Batan katoonan ta na, ilooy ya man manusiyaꞌ initung meꞌ Tuhan intong yana sabap meꞌ da pitsayaꞌ ni si Isa Almasi, saꞌ ga sabap meꞌ da mogbogan saraꞌ. Inaa sina kon kita bay pitsayaꞌ niiya. Tabista ta na yaꞌ luu san disu jama koleꞌ kaintongan pa Tuhan meꞌ na bay mogbogan saraꞌ.

Galatiya 3:11

Sangkon tarang-tarang na yaꞌ luu jama initung meꞌ Tuhan intong sabap meꞌ da mogbogan saraꞌ agama. Boꞌ sikatuwaꞌ du ka suwat njawom kitab, ilooy ma yuk na, “Sagannap ma initung meꞌ Tuhan intong sabapan pangando da niiya, mastiꞌ koleꞌ kasampulnaan nyawa saumu-umu.”

Galatiya 5:24

Meꞌ kitabi itu tibuuk na ka si Isa Almasi, bong kinawnan pabuwatan tagga pa Tuhan, timanan tabi na. Meꞌ tabi ngingat, pagkajama tabi maruhuꞌ ma wā pinagbayaan meꞌ napsu tabi, lay na tabeꞌ matoy ni si Isa Almasi llansang taꞌ tehang.

Galatiya 6:14

Boꞌ aku tu, ilooy du pinag-abbu meꞌ ku yana kapatoy Papuꞌ tabi si Isa Almasi taꞌ tehang kalnaꞌ kitabi. Meꞌ ku ngingat, bay pagkajama ku maruhuꞌ lay na tabeꞌ ni si Isa nilansang taꞌ tehang. Pag batnaa, sarī na pagkajama ku. Sangkon lay na matoy kainagon ku ni kalaatan ma pinaabak meꞌ jama ma mandang hāl junyaꞌ. Boꞌ jama ma mandang hāl junyaꞌ ina, yaꞌ du luu kainagon da ni siga pakaradjaan ma hagaan niyaku.

Epesus 3:17

Maka kamura-murahan luu na pin Almasi patannaꞌ njawom atay bi man sabapan pangando bi niiya. Maka kamura-murahan tattog na pin aseꞌ bi pa Tuhan sampay pa manusiyaꞌ meꞌ karuha kayu nganggamut palawom njawom tanaꞌ.

Epesus 5:2

Subay kitabi wā maasean pagkahi tabi manusiyaꞌ meꞌ karuha Almasi bay maasean kitabi. Tandaꞌ aseꞌ na, lay na ga ya nongan umu na kalnaꞌ kitabi. Yana meꞌ jama bay numbaliꞌ bili-bili man ngulban maruhuꞌ, Almasi pun lay na du bay pinapatoy binuwat kulban kalnaꞌ kitabi. Bay pabuwatan Almasi ilay nulut ni kahandak Tuhan. Bong ibaratan bawu, tud kahamutan ya.

Epesus 5:25

Na kuwan kaam baw siga kalallahan ma ndahan, subay kam maasean nda bi. Akigun bi jaꞌ aseꞌ Almasi ningkitabi ma pitsayaꞌ niiya. Tandaꞌ aseꞌ na, lay na ga ya bay nongan umu na kalnaꞌ kitabi

Pilipi 1:21

Batan bong niyaku, yaꞌ luu maksud ku llum ni junyaꞌ tuu sarī man moo kabantugan ni Almasi. Bong sawpama ku matoy, paluntungan mehe du situ niyaku sabap magti ku pilay pa mman na.

Pilipi 4:13

batan man sabapan Papuꞌ Isa nganggaosan aku, yaꞌ luu saꞌ yaꞌ takaya ku.

Kolossa 1:27

Umanat Tuhan ina, yana pasal garaꞌ na matabeꞌ kaam ma saꞌ Yahudi ni ladjikiꞌ lakka man iya. Ladjikiꞌ looy ilay yana Almasi patannaꞌ njawom baran bi. Boꞌ iya na sina poonan bi ngaholat ngabut arat-tabiat na.

1 Tesaloneka 1:10

Maka lay gi sila māꞌ ngagad na kam ni Anak na, yana si Isa, pabeleng pa junyaꞌ man sulgaꞌ. Maka yuk da, pitsayaꞌ kam pus si Isa bay pinapatoy, lay na ya pinakallum meꞌ Mmaꞌ na Tuhan. Maka pitsayaꞌ na du kam iya tukang maddusan siga sukuꞌ na man mulkaꞌ Tuhan ma takka bbos-bbos.

1 Tesaloneka 5:10

Si Isa ilay, atas na bay nongan umu na kalnaꞌ kitabi supaya pag beleng na, kapagdambuwaꞌ na kitabi ka iya saumu-umu, labba man siga sukuꞌ na ma masi llum sampay sagannap ma lay na matoy.

Taytus 2:14

Iya ilay, lay na ga bay nongan umu na kalnaꞌ kitabi supaya tapaddusan na na kitabi man tabiat tabi buwat dusa, maka supaya tapasutsiꞌ na kitabi. Batan kahandak na ina, luu na sukuꞌ na ma tinagi buwat mahap, ma pabiddaꞌ man kasohean manusiyaꞌ.

Hibrani 8:3

Dari pagka ndang tinaat ni soysoy panghuluꞌ imam nong siga jakat ka ga kulban pa Tuhan, malaingkan subay du luu sinongan pa Tuhan meꞌ panghuluꞌ imam ma asahan tabi.

1 Pitel 1:8

Minsan ina kam yaꞌ bay pingkaꞌ ngita si Isa ngabut sampay batnaa, maaseꞌ du kam niiya maka tattap du pangando bi niiya. Sangkon pannoꞌ atay bi meꞌ kagakan saꞌ alang-alang,

1 Yahiya 1:7

Sugaꞌ bong itu kitabi tattog njawom dantaꞌ meꞌ karuha Tuhan, dambuwaꞌ atay na kitabi. Maka puwas na dusa tabi sabapan lahaꞌ Anak Tuhan, yana si Isa. Sangkon sutsiꞌ na kitabi.

1 Yahiya 4:14

Kami situ mismu bay ngita Anak Tuhan. Sangkon kabāꞌ kami tud mawjud Mmaꞌ na bay mapitu iya nohoꞌ nalamat manusiyaꞌ.

1 Yahiya 5:20

Damikiyan, katoonan tabi na du luu na bay pitu Anak Tuhan pa junyaꞌ. Maka lay na ya muwanan kitabi pangahati supaya dari na kitabi lungbid ka Tuhan sabanna. Pag batnaa tibuuk na kitabi ka Tuhan sabanna sabap meꞌ tabi tibuuk na ka Anak na si Isa Almasi. Iya ina Tuhan sabanna maka poonan kasampulnaan nyawa ma yaꞌ luu katapusan na.

Siga Pakaradjaan bay Pinalahil 1:5

Maka kamura-murahan binuwanan na pin kam kasannangan ka barakat meꞌ si Isa Almasi, ilooy ma kanaalla masampay kabanahan pasal Tuhan. Iya ilay bay duhuꞌ pinakallum pabalik ka baran ma yaꞌ na kuhi matoy. Maka iya du marintahan mimon panghuluꞌ ni sikaliput junyaꞌ. Ni kaehe aseꞌ na ningkitabi, atas na man lahaꞌ na bay tumpa supaya tapaddusan na kitabi man hisab ni dusa tabi.

Siga Pakaradjaan bay Pinalahil 3:20

“Aku itu meꞌ sapantun jama nangge ni poan lawang bi nugtug kawu-kawu binukisan. Na soysoy ina bay kale suwara ku sampay nohoꞌ aku paasok, malaingkan paasok du ku pa mman na sampay mmeꞌ na ku pasawu mangan niiya.