Galatiya 2:2 - Sabahagiꞌ Kitab Tawrat: Panagnaan ni Awwal Jaman maka Kitab Injil

² Ngkon ku bay pabeleng sabap ilooy kahandak Tuhan bay pinalahil niyaku. Takka ndooy, lay ku nammuhan siga pa-mmean sukuꞌ si Isa ndooy. Dari sasang kami-kami du ndooy, lay na bakka ku ninsila isi umanat mahap ma pinasaplag meꞌ ku ni kabangsa-bangsahan ma saꞌ Yahudi. Maksud ku ilay siꞌ masā bong tud magbēꞌ du umanat ku ka ninsila. Batan bong ilay bay niyaꞌ, taggahaꞌ senseng jaꞌ bay hulas-sangsāꞌ ku masaplag. Kahapan, pag bāꞌ ku ninsila isi umanat ku,

Galatiya 2:2 ပူးပေါင်းရင်းမြစ်များ

Matiyu 10:16

“Paayad-ayad kam batan sohoꞌ ta na kam patabbaꞌ pa jawom jama jahat. Sibuꞌ du sina mintu karuha bi ka siga bili-bili njawom baanan idoꞌ tawun ma doman jaꞌ nokob. Sangkon pakoyun bi honaꞌ-honaꞌ bi meꞌ ndang tabiat jama halul-akka maka subay lammaꞌ jaꞌ pangatayan bi ni jama.

Salsila siga Rasul 15:12

Na pag lupus jaꞌ siꞌ tu si Pitel mitsala, yaꞌ na luu bay nammu halling ndooy. Pag-anu si, lay na baw sila pakale ni ga si Pol ka si Balnabas nuntut pabalik pasal siga pakaradjaan kahaylan-haylan bay pabuwat Tuhan njataꞌ da para ni siga bangsa saꞌ Yahudi.

Salsila siga Rasul 15:2

Sugaꞌ pag takale si Pol ka si Balnabas tōꞌ da, lay sinulang meꞌ da. Boꞌ tud bay mehe pagjawapan da ka siga Yahudi looy. Dari honaꞌ-honaꞌ baanan sukuꞌ si Isa ndooy subay luu sohoꞌ da pilay pa Jerusalem mangaruha ni siga rasul ka siga pagkahi da pa-mmean pasal bay pagjawapan da siꞌ. Dari lay peneꞌ da ga si Pol ka si Balnabas sampay kasohean ndooy nohoꞌ pilay.

Salsila siga Rasul 15:4

Pag takka ga si Pol pa Jerusalem, lay du sila hinasi meꞌ siga rasul ka siga pagkahi da pa-mmean sampay mimon ma mmeꞌ ni si Isa ndooy. Pag-anu siꞌ, nuntut na ga si Pol ilooy ma bay pabuwat da man tabang Tuhan sasang da bay ngalataan kalahat-lahatan masaplag.

Salsila siga Rasul 18:9

Pag-anu, luu disu sangom, lay na baw si Pol pinakitahan pandapat meꞌ Papuꞌ Isa. Njawom pandapat na, halling Papuꞌ, “Daa na ko tawu masaplag. Luu du ku ngunungan kau. Yaꞌ du sina luu makaat kau ntuu. Daa ko diyam-diyam, basta masaplag jaꞌ ko batan meka na sina mintu ni daira tuu pitsayaꞌ niyaku.”

Salsila siga Rasul 23:11

Na pag sangom, luu na baw Papuꞌ Isa nammuhan si Pol, nangge ni bihing na. Yuk Papuꞌ niiya, “Pahallotun na pin ba tawakka nu. Yana meꞌ nu bay masaplag kabanahan pasal aku ntuu ni Jerusalem, subay du meꞌ naa meꞌ nu buwat pag mintu ndooy ni Rom.”

Salsila siga Rasul 5:34

Sugaꞌ luu gi baw ndooy disu Parisi njawom baanan da inawnan si Gamaliyel bay ngawalan sila. Iya ilay guru lahal ni saraꞌ agama boꞌ pinagmaltabatan lagi meꞌ sikamimon. Dari lay doꞌ sohoꞌ na binoo ga rasul looy pa poan samantalaꞌ.

Suwat si Pol pa mman Baanan Sukuꞌ si Isa ndooy ni Rom 9:16

Dari mandooy tahati tabi san gi oy karomanan manusiyaꞌ atawa san gi pooy meꞌ da magtuyuꞌ, isu-isu Tuhan, Sukup Timbang, magbayaꞌ bong soy peneꞌ na man majatu garaꞌ na.

1 Korin 1:23

Boꞌ kami baw itu, bbuwatan kami masaplag pasal si Isa Almasi bay pinapatoy llansang taꞌ tehang kalnaꞌ manusiyaꞌ. Sugaꞌ bila takale meꞌ siga Yahudi, sarī parasahan da. Kuwan siga bangsa saꞌ Yahudi baw, bila takale da, baꞌ-bāꞌ da na baw karupangan jaꞌ.

1 Korin 2:2

Batan ilooy du ilay bay hagaan niyaku bong pin tapasaplag ku jaꞌ umanat pasal Almasi sampay kapatoy na taꞌ tehang.

1 Korin 9:24

Kitabi itu ma mmeꞌ ni si Isa, subay pupusan tabi basag tabi makutuꞌ kahandak na meꞌ karuha jama maglumbaꞌ sonse mupusan basag da pin koleꞌ jaꞌ haddiya numbul satu. Na tiyap-tiyap jama maglumbaꞌ ina, disu du koleꞌ haddiya numbul satu. Sangkon subay kam kanaalla makutuꞌ kahandak Papuꞌ mari takoleꞌ bi haddiya ma puhung bi.

1 Korin 9:26

Sangkon yana meꞌ jama lalumbaan mulan basag na mari kaā, aku pun pulan ku du basag ku kalnaꞌ Tuhan. Ibaratan jama panuntuk, yaꞌ ku nuntuk baliyu sadjaꞌ.

2 Korin 12:1

Na inawnan magpabantug, san katoonan ku yaꞌ luu pūs na, gam pin talpaksaꞌ darahan ku gi sabapan bi. Sangkon tuntutan ta doꞌ kam siga pakaradjaan bay pinalahil meꞌ Papuꞌ niyaku

Galatiya 1:12

Damikiyan, yaꞌ du bay takoleꞌ ku man manusiyaꞌ. Yaꞌ sina luu guru bay noan aku. Arapun umanat looy ilay bay pinalahil niyaku meꞌ si Isa Almasi mismu.

Galatiya 1:16

Lay na palahil Tuhan Anak na niyaku supaya tapasampay ku na umanat mahap pasal iya ni kabangsa-bangsahan ma saꞌ Yahudi. Dari yaꞌ na san ku bay mangaruha ni soy maka soy na bong oy subay pabuwat ku.

Galatiya 1:6

Ngkon ku tu nuwat batnaa batan tud jayip ku ningkaam. Tud bay siglaꞌ kam nikutan Tuhan. Mingkan, iya gi silay bay ngaliyun kaam pa jawom okoman na man sabapan aseꞌ Almasi. Pag-anu, tatammu bi na baw ga mmeꞌ ni umanat sarī man umanat mahap ma ndang lay na kinapitsayaan meꞌ bi.

Galatiya 2:6

Na san meꞌ looy kadarihan kasohean, bong siga pa-mmean sukuꞌ si Isa ndooy, yaꞌ san luu bay tatammu da njawom umanat kami ma subay na pin sinaup atawa pun sinampunan. Boꞌ na, minsan sila tanyag jama langkaw ntan da, yaꞌ du ku bay loman ninsila batan ndang katoonan ku Tuhan yaꞌ magsitingka manusiyaꞌ.

Galatiya 2:9

Dari sila siꞌ tu ma ndang tanyag pa-mmean sukuꞌ si Isa, yana ga si Yaꞌkub, si Pitel, ka si Yahiya, tabista da na lay du ku pineneꞌ leꞌ Tuhan binuwat rasul si Isa. Sangkon gāk na sila ngaku kami ka si Balnabas limbang da. Batan magtaayun na pamiki kami ni hāl meꞌ kami masaplag. Dari pagsulutan kami, kuwan kami ka si Balnabas pa kabangsa-bangsahan ma saꞌ Yahudi. Kuwan sila, pa bangsa Yahudi.

Galatiya 5:7

Kaam la maruhuꞌ, tud bay mahap meꞌ bi mmeꞌ ni kabanahan. Sugaꞌ pag batnaa, soy na baw ina bay moo-moo kaam magsiꞌ?

Pilipi 2:16

Labi na bong pasampay bi lagi umanat ma kabuwan kaallum bahau ninsila. Dari pag ina mintu taabut llaw Almasi pabeleng, tud mehe na meꞌ ku gāk, batan kaam na sina buktiꞌ yaꞌ bay lopas hulas-sangsāꞌ ku noan jama kabanahan.

Pilipi 2:29

Pag mintu ya takka pilu, hasiyun bi ya njawom kagakan batan ndang inaa pataꞌ ningkitabi jama danganakan njawman Papuꞌ Isa. Jama meꞌ iya itu subay pinagmaltabatan.

1 Tesaloneka 3:5

Sangkon, pagka yaꞌ na bay tasaggaꞌ ku gampang ku ningkaam, lay na bay sohoꞌ ku si Timuti pilu ngandaꞌ bong masi hallot pangando bi ni Papuꞌ. Ilooy kagampangan kami, taggahaꞌ senseng jaꞌ bay hulas-sangsāꞌ kami bong mintu lay na baw kam patatak sabapan sasat Ibilis.

2 Timuti 4:7

Sugaꞌ san situ ku matoy na, ndang-ndang lay na du ku bay magtuyuꞌ matangge kabanahan san du pooy meꞌ bay naggaꞌ aku. Ibaratan sundalu ni bonoꞌ mehe, lay na du pupusan ku basag ku ngatu. Ibaratan jama maglumbaꞌ sonse, lay na pulan ku basag ku sampay lay na taabut ku tōng lumbaan. Tud lay na silay bogbogan ku kabanahan ma kinapitsayaan meꞌ tabi.

Hibrani 12:1

Na pagka meka jama mattoꞌ bay dari suntuan ayad ningkitabi sabap meꞌ da mangando pa Tuhan, sabuli-buli tabi ngakig sila. Maka labbahan tabi na dusa tabi sampay oy-oy na pin ma kasanggalang ningkitabi buwat kahandak Tuhan. Bong dalil ta pa jama maglumbaꞌ sonse, subay lakkahan tabi oy-oy kahabo ningkitabi supaya kitabi katatas sonse ni lān ma bay sinukuꞌ meꞌ Tuhan ningkitabi.