Galatiya 2:14 - Sabahagiꞌ Kitab Tawrat: Panagnaan ni Awwal Jaman maka Kitab Injil

¹⁴ Dari pag ndaꞌ ku bbuwatan da yaꞌ sikatuwaꞌ ka kabanahan ni umanat mahap, ilooy ma yuk ku ni si Pitel ni pag-awpan sikamimon, “Kau tu, hallang-hallangan tuu, yaꞌ na ko bay mogbogan saraꞌ agama bangsa ta Yahudi. Pag batnaa, sarī na la tikmas nu. Sat nu saꞌ māꞌ, subay na pin siga jama ma saꞌ Yahudi mean saraꞌ agama ta boꞌ da tahasi nu danganakan.”

Galatiya 2:14 ပူးပေါင်းရင်းမြစ်များ

Salsila siga Rasul 10:28

Dari yuk na ninsila, “Kaam ma luntuu, katoonan bi du, tagga ni saraꞌ agama kami Yahudi maglaw-lamud atawa paasok pa jawom lumaꞌ bangsa sarī. Sugaꞌ bahau jaꞌ situ bay pinakitau meꞌ Tuhan niyaku subay ku yaꞌ ngitung soy maka soy na manusiyaꞌ haram.

Salsila siga Rasul 15:1

Na ni waktu looy du siꞌ, luu na baw takka pa Antiyok siga Yahudi man Yahudiya. Bbuwatan da lay noan siga sukuꞌ si Isa ma saꞌ Yahudi, yuk da, “Bong ina kam yaꞌ bay inislam meꞌ ndang bay tinaat ni saraꞌ Nabi Musa, masi du kam yaꞌ salamat.”

Salsila siga Rasul 15:24

“Lay silay taaka kami luu konoꞌ siga pagkahi kami lay luꞌ pilu lakka mantuu. Bbuwatan da konoꞌ ngalingog kaam ka pangadjiꞌ da sampay ilooy na man gundalaꞌ pamiki bi. Sugaꞌ subay katoonan bi, saꞌ du kami bay nohoꞌ sila.

Salsila siga Rasul 15:5

Na ndooy siꞌ, luu du kasohean sukuꞌ si Isa ni baanan looy ma bay pingkaꞌ tabeꞌ ni palhimpunan Parisi. Pag takale da luu na du jama saꞌ Yahudi pitsayaꞌ na ni si Isa, yuk da, “Wajib du baw bilay ninsila inislam maka subay du sila sinohoꞌ mogbogan saraꞌ Nabi Musa.”

Suwat si Pol pa mman Baanan Sukuꞌ si Isa ndooy ni Rom 14:14

Kamasaꞌ meꞌ aku itu disu jama tibuuk ka Papuꞌ Isa, basta katoonan ku baw tu, yaꞌ luu lawuk hinaram meꞌ Tuhan. Sugaꞌ bong baw luu pagkahi tabi mista luu lawuk haram niiya, malaingkan subay yaꞌ kakan na. Bong ilay ya bay mangan, dari dusa niiya batan nulang ni honaꞌ-honaꞌ na.

Galatiya 1:18

Paddus tallun taun halloman ku ndooy, bohoꞌ ku bay pilay pa Jerusalem sabap doman ku sikakila ka si Pitel. Dari lay doꞌ ku ndooy mman na sapu-lima ngallaw.

Galatiya 1:6

Ngkon ku tu nuwat batnaa batan tud jayip ku ningkaam. Tud bay siglaꞌ kam nikutan Tuhan. Mingkan, iya gi silay bay ngaliyun kaam pa jawom okoman na man sabapan aseꞌ Almasi. Pag-anu, tatammu bi na baw ga mmeꞌ ni umanat sarī man umanat mahap ma ndang lay na kinapitsayaan meꞌ bi.

Galatiya 2:3

tabista da du tud bay sikatuwaꞌ isi umanat kami. Tandaꞌ yaꞌ luu man kami magsulemaꞌ, minsan katoonan da na soheꞌ ku si Taytus saꞌ bangsa Yahudi, yaꞌ na san ya bay llogos meꞌ da inislam. Katoonan da du tud tabeꞌ du ya ni sukuꞌ Tuhan san yaꞌ bogbogan na saraꞌ agama Yahudi.

Galatiya 2:5

Sangkon yaꞌ kami bay kuhi mmeꞌ ninsila samasakali taggahaꞌ kasakotan na baw umanat mahap ma kinapitsayaan meꞌ bi ka tōꞌ palsu.

Galatiya 2:7

Dari tabista du meꞌ siga pa-mmean ndooy sibuꞌ du kami ka si Pitel bay kawakilan leꞌ Tuhan masaplag umanat mahap pasal si Isa. Sat na jaꞌ niyaku, pa kabangsa-bangsahan ma saꞌ Yahudi. Kuwan niiya, pa bangsa Yahudi.

Galatiya 2:9

Dari sila siꞌ tu ma ndang tanyag pa-mmean sukuꞌ si Isa, yana ga si Yaꞌkub, si Pitel, ka si Yahiya, tabista da na lay du ku pineneꞌ leꞌ Tuhan binuwat rasul si Isa. Sangkon gāk na sila ngaku kami ka si Balnabas limbang da. Batan magtaayun na pamiki kami ni hāl meꞌ kami masaplag. Dari pagsulutan kami, kuwan kami ka si Balnabas pa kabangsa-bangsahan ma saꞌ Yahudi. Kuwan sila, pa bangsa Yahudi.

Galatiya 6:12

INDANAN BI, SAGANNAP MA MOGOS KAAM NOHOꞌ INISLAM, INAA DU INA PUHUNG DA SINANGLITAN SABAP MEꞌ DA MOGBOGAN SARAꞌ. YAꞌ SILA DOMAN MANGAKU ISU-ISU KAPATOY SI ISA ALMASI TAꞌ TEHANG YANA JALAN MAN JAMA INITUNG INTONG. ILOOY ILAGAN DA, TAGGAHAꞌ NILAUGAN NA BAW SILA MEꞌ SIGA PAGKAHI DA YAHUDI.

Kolossa 1:5

Sabapan kabanahan bay takale bi, yana umanat mahap pasal si Isa, ilooy na poonan bi ngaholat koleꞌ mimon supaat ma bay hinallian kaam ni sulgaꞌ. Maka ilooy na kon bi mangando ni si Isa ka maasean pagkahi bi manusiyaꞌ.

1 Timuti 5:20

Sugaꞌ bong mintu ya bay kamattanan, subay ya sinaggong ni pag-awpan baanan jamaa nnaa supaya tawu na du ilooy kasohean buwat dusa meꞌ iya.

Hibrani 12:13

Nūs jaꞌ kam lān intong supaya luu inuru meꞌ pagkahi bi ma yaꞌ gi takkoꞌ pangando da. Meꞌ looy ilay, yaꞌ sila magsiꞌ, gam pin pabasag pangando da sabapan bi.

Hibrani 9:10

Sarī gi, siga aturan ma bay bogbogan da ilay tuwaꞌ pa hāl ma yaꞌ ngotab pa jawom atay, meꞌ sapantun aturan hāl makanan ka inuman sampay jinisan pandihan. San pooy meꞌ mogbogan siga aturan meꞌ looy, yaꞌ du kasutsiꞌ ni atay. Sugaꞌ talpaksaꞌ baw ninsila mogbog ngkod-ngkoran yaꞌ gi bay pinasampay pagsulutan bahau.