Galatiya 2:13 - Sabahagiꞌ Kitab Tawrat: Panagnaan ni Awwal Jaman maka Kitab Injil

¹³ Dari pag takita siga Yahudi kasohean ndooy ni Antiyok kadarihan si Pitel, bbuwatan da ngakig na du yaꞌ paharung mangan ni siga danganakan da ma saꞌ Yahudi. Sampay si Balnabas, lay na du ga taboo-boo meꞌ da san katoonan na na yaꞌ tuwaꞌ pabuwatan meꞌ looy.

Galatiya 2:13 ပူးပေါင်းရင်းမြစ်များ

Panagnaan 27:24

nilaw na baw ya pabalik, yuk na, “Tud bana kina kau na si Esaw?” Pag tampung na baw siꞌ tu, “Ohoꞌ Maꞌ, aku na bitu.”

Matiyu 23:28

Bong ndaꞌ mata, kaam jama intong, sugaꞌ njawom atay bi pannoꞌ leꞌ dustaꞌ ka dusa.

Salsila siga Rasul 4:36

Na disu jama ma bay maballihan tanaꞌ na yana si Yusup, lalla man nusa Kiprus, disu panubuꞌ si Libay. Meꞌ siga rasul ngawnan iya si Balnabas, hatiyan na, “tukang magamgam.” Dari luu jaꞌ siꞌ ballihan tanaꞌ na, lay na du pa-ntan na pa mman siga rasul.

1 Korin 12:2

Batan bay jaman bi ina yaꞌ gi pitsayaꞌ ni si Isa Almasi, katoonan bi du, bay jaꞌ kam taboo-boo numba siga tuhan-tuhan yaꞌ san kabitsala.

1 Korin 15:33

Sugaꞌ daa kam ngandupang dī bi ngakig pamiki meꞌ looy. Arapun ituu kannahun bi: Bong ina tabi samod ka jama maat, song hallom kalakkotan du tabi meꞌ kadarihan da.

1 Korin 5:6

Bong ina luu na pin lamud kalalamaan meꞌ naa ni baanan bi, yaꞌ sina sikatuwaꞌ bong kam ngabbu lagi bahasa kaam jama kanaalla mmeꞌ ni kahandak Papuꞌ. Subay siꞌ katoonan bi na bong kinawnan dusa pinabiya, kalamin ni sikamimon. Bong dalil ta pa pasulig, san ina dangkitiꞌ du, lataꞌ na sina man na ngassob.

1 Korin 8:9

Sugaꞌ san ina kita sumunsayaꞌ na mangan oy maka oy na, subay du kita paayad-ayad taggahaꞌ ndusa siga danganakan ta ma kulang pangahati sabapan ta.

Galatiya 2:1

Na ni bay kalakka ku man Jerusalem jaman looy, noy bay na pingkaꞌ sapu-mpat taun boꞌ ku bay pabeleng pabalik. Pag beleng ku pilay, haboy na kami ka si Balnabas. Maka luu gi si Taytus bay boo kami.

Galatiya 2:9

Dari sila siꞌ tu ma ndang tanyag pa-mmean sukuꞌ si Isa, yana ga si Yaꞌkub, si Pitel, ka si Yahiya, tabista da na lay du ku pineneꞌ leꞌ Tuhan binuwat rasul si Isa. Sangkon gāk na sila ngaku kami ka si Balnabas limbang da. Batan magtaayun na pamiki kami ni hāl meꞌ kami masaplag. Dari pagsulutan kami, kuwan kami ka si Balnabas pa kabangsa-bangsahan ma saꞌ Yahudi. Kuwan sila, pa bangsa Yahudi.

Epesus 4:14

Bong ina kitabi sukup iman na, yaꞌ na kitabi meꞌ anak-anak os-os pitsayaꞌ ni oy-oy bitsala jama. Yaꞌ na kitabi meꞌ sapantun kumpit umatung kuhi jaꞌ tinuran leꞌ lamba ka baliyu. Intong na, yaꞌ na kitabi takoleꞌ llingu meꞌ siga guru palsu ma alistu moo-moo jama magsiꞌ.

Hibrani 13:9

Sangkon, daa na kam kuhi binoo magsiꞌ ka jinisan tōꞌ ma yaꞌ sikatuwaꞌ ka kabanahan bay hasi bi. Kasohean ina nōꞌ luu lawuk haram. Tōꞌ meꞌ looy ilay yaꞌ du luu paluntungan na ninsila ma mogbog. Batan hāl makanan ina yaꞌ du kasambu ni nyawa tabi. Arapun iya kasambu yana aseꞌ-tabang Tuhan ningkitabi.