Galatiya 2:11 - Sabahagiꞌ Kitab Tawrat: Panagnaan ni Awwal Jaman maka Kitab Injil

¹¹ Na hallom maka hallom na, kuwan si Pitel, lay pa Antiyok ngandaꞌ-ngandaꞌ kami. Sugaꞌ sasang na ndooy, tud bay magsāꞌ ya. Dari lay ya sahawi ku balharapan.

Galatiya 2:11 ပူးပေါင်းရင်းမြစ်များ

Matiyu 16:23

Pag-anu, ilooy ma paawop si Isa ni si Pitel sambayan na halling, “Lakka na ko man bihing ku Ibilis! Pamiki nu ina kahandak manusiyaꞌ, saꞌ ga kahandak Tuhan.”

Yahiya 1:42

Pag-anu, lay na boo na si Saymon pa mman si Isa. Pag takita ya meꞌ si Isa, yuk na, “Kau na bitu hati si Saymon, anak si Yahiya. Sugaꞌ batnaa, awnan ta na ko si Sipas.” (Ni pallun Yahudi hatiyan Sipas sibuꞌ du ka hatiyan Pitel ni pallun Greek. Hatiyan da sikaduwa yana “batu.”)

Salsila siga Rasul 11:19

Na balik ta pa waktu si Esteben bay pinapatoy, meka na sukuꞌ si Isa bay maglahiyan man Jerusalem batan biddaꞌ na basag laug njataꞌ da. Kasohean lay pilay pa Pinisiya, kasohean pa nusa Kiprus. Kuwan kasohean lay pilay pa daira Antiyok. Sila siꞌ tu, nnoy-nnoy jaꞌ man da tumiluꞌ, bbuwatan da masaplag umanat mahap pasal si Isa. Sugaꞌ ilooy du bay pasaplagan da yana pagkahi da Yahudi.

Salsila siga Rasul 11:20

Sarī man sila, luu du kasohean sukuꞌ si Isa man Kiprus maka man daira Sayrin lay du pilay pa Antiyok. Sugaꞌ kuwan ninsila, pag taabut da masaplag umanat mahap pasal Papuꞌ Isa, lay na du lapis da sampay siga bangsa saꞌ Yahudi.

Salsila siga Rasul 11:22

Na pag taaka ga sukuꞌ si Isa ndooy ni Jerusalem luu na du jama saꞌ Yahudi pitsayaꞌ ni si Isa ndooy ni Antiyok, lay sohoꞌ da si Balnabas pilay.

Salsila siga Rasul 11:27

Na sasang ga si Balnabas ka si Sol masi ni Antiyok, luu na baw siga sukuꞌ si Isa man Jerusalem takka luꞌ pilay. Sila ilay siꞌ tukang masampay siga umanat ma pinalahil meꞌ Rū Sutsiꞌ ninsila.

Salsila siga Rasul 15:1

Na ni waktu looy du siꞌ, luu na baw takka pa Antiyok siga Yahudi man Yahudiya. Bbuwatan da lay noan siga sukuꞌ si Isa ma saꞌ Yahudi, yuk da, “Bong ina kam yaꞌ bay inislam meꞌ ndang bay tinaat ni saraꞌ Nabi Musa, masi du kam yaꞌ salamat.”

Salsila siga Rasul 15:5

Na ndooy siꞌ, luu du kasohean sukuꞌ si Isa ni baanan looy ma bay pingkaꞌ tabeꞌ ni palhimpunan Parisi. Pag takale da luu na du jama saꞌ Yahudi pitsayaꞌ na ni si Isa, yuk da, “Wajib du baw bilay ninsila inislam maka subay du sila sinohoꞌ mogbogan saraꞌ Nabi Musa.”

2 Korin 11:5

Sugaꞌ bistahan ku, san gi soy guru bi nnaa ma kanna bi rasul si Isa ninggi taꞌ mimon rasul, basta yaꞌ baw tu ku tamban leꞌ da.

2 Korin 12:11

Na man sabapan kadarihan bi, lay na ga ku talpaksaꞌ mōꞌ dupang ku magpabantug. Subay siꞌ bay ku dapitan bi tuktuk ku pinitnahan. Minsan yaꞌ luu pūs ku, yaꞌ baw tu ku samasakali tamban meꞌ sagannap ma buwat dī da subay ga rasul si Isa patingkat man kasohean.

2 Korin 5:16

Sangkon batnaa, pagka pakutuꞌ tabi na kahandak Almasi, yaꞌ na sibuꞌ meꞌ tabi manding jama ka bay jaman tabi yaꞌ gi pitsayaꞌ ni Almasi. Jaman looy ilay, sampay Almasi sarī du bandingan tabi niiya.

Galatiya 1:18

Paddus tallun taun halloman ku ndooy, bohoꞌ ku bay pilay pa Jerusalem sabap doman ku sikakila ka si Pitel. Dari lay doꞌ ku ndooy mman na sapu-lima ngallaw.

Galatiya 2:14

Dari pag ndaꞌ ku bbuwatan da yaꞌ sikatuwaꞌ ka kabanahan ni umanat mahap, ilooy ma yuk ku ni si Pitel ni pag-awpan sikamimon, “Kau tu, hallang-hallangan tuu, yaꞌ na ko bay mogbogan saraꞌ agama bangsa ta Yahudi. Pag batnaa, sarī na la tikmas nu. Sat nu saꞌ māꞌ, subay na pin siga jama ma saꞌ Yahudi mean saraꞌ agama ta boꞌ da tahasi nu danganakan.”

Galatiya 2:5

Sangkon yaꞌ kami bay kuhi mmeꞌ ninsila samasakali taggahaꞌ kasakotan na baw umanat mahap ma kinapitsayaan meꞌ bi ka tōꞌ palsu.

Galatiya 2:7

Dari tabista du meꞌ siga pa-mmean ndooy sibuꞌ du kami ka si Pitel bay kawakilan leꞌ Tuhan masaplag umanat mahap pasal si Isa. Sat na jaꞌ niyaku, pa kabangsa-bangsahan ma saꞌ Yahudi. Kuwan niiya, pa bangsa Yahudi.

Galatiya 2:9

Dari sila siꞌ tu ma ndang tanyag pa-mmean sukuꞌ si Isa, yana ga si Yaꞌkub, si Pitel, ka si Yahiya, tabista da na lay du ku pineneꞌ leꞌ Tuhan binuwat rasul si Isa. Sangkon gāk na sila ngaku kami ka si Balnabas limbang da. Batan magtaayun na pamiki kami ni hāl meꞌ kami masaplag. Dari pagsulutan kami, kuwan kami ka si Balnabas pa kabangsa-bangsahan ma saꞌ Yahudi. Kuwan sila, pa bangsa Yahudi.

1 Timuti 5:20

Sugaꞌ bong mintu ya bay kamattanan, subay ya sinaggong ni pag-awpan baanan jamaa nnaa supaya tawu na du ilooy kasohean buwat dusa meꞌ iya.

Yaꞌkub 3:2

Kamasaꞌ kitabi itu manusiyaꞌ, meka jaꞌ du jalan man tabi magsāꞌ, labi na ni bitsala tabi. Bong siꞌ ina luu jaꞌ jama yaꞌ kuhi magsāꞌ mitsala, malaingkan iya jama yaꞌ luu sutsutan niiya. Batan bong ina takaya na ngagak behe na, mastiꞌ takaya na du ngagak baran na labbasakayi.

Suwat Lakka man si Jūd 1:3

Siga kakasi ku, sibuwa ilay, tud doman ku nuwat ningkaam pasal kasalamatan ma lay na takoleꞌ tabi saliꞌ-saliꞌ. Sugaꞌ bistahan ku gam na ku nuwat nohoꞌ kaam ngandapitan siga tōꞌ ayad ma kinapitsayaan meꞌ tabi. Batan siga tōꞌ naa ina, si Isa mismu bay masampay ni siga sukuꞌ na. Boꞌ saumu na sina yaꞌ na baluba samasakali.