Galatiya 2:1 - Sabahagiꞌ Kitab Tawrat: Panagnaan ni Awwal Jaman maka Kitab Injil

¹ Na ni bay kalakka ku man Jerusalem jaman looy, noy bay na pingkaꞌ sapu-mpat taun boꞌ ku bay pabeleng pabalik. Pag beleng ku pilay, haboy na kami ka si Balnabas. Maka luu gi si Taytus bay boo kami.

Galatiya 2:1 ပူးပေါင်းရင်းမြစ်များ

Salsila siga Rasul 11:25

Song hallom, lay na baw pilay si Balnabas pa Tarsus miha si Sol.

Salsila siga Rasul 11:30

Luu jaꞌ siꞌ kumpo tulung da, lay na sohoꞌ da tinuhiyan ni ga si Balnabas ka si Sol pa mman ga pa-mmean sukuꞌ si Isa ndooy ni Jerusalem.

Salsila siga Rasul 12:25

Balik ta pa ga si Balnabas ka si Sol, lay jaꞌ tapasampay da tulung looy siꞌ ni ga pa-mmean siga sukuꞌ si Isa ndooy ni Jerusalem, lay na sila pabeleng pa Antiyok. Sampay lay gi binoo meꞌ da si Yahiya Malkus.

Salsila siga Rasul 13:2

Na luu disu llaw, sasang da numba Tuhan sampay puwasa, yuk Rū Sutsiꞌ ninsila, “Pasarihun bi niyaku si Balnabas ka si Sol. Luu situ pabuwatan sukuꞌ ku ninsila.”

Salsila siga Rasul 13:50

Sugaꞌ kasohean Yahudi baw ndooy, gam pin bbuwatan da ngoyo-ngoyohan ga pa-mmean ni daira looy ka ga karandahan balkanan ma bay paasok ni agama Yahudi nohoꞌ nulang ga si Pol ka si Balnabas. Dari lay du nilaugan meꞌ da ga si Pol sampay lay na ga pinalahi man lahat da.

Salsila siga Rasul 14:12

Dari lay na ga awnan da si Balnabas si Zus, yana disu tuhan-tuhan da. Kuwan si Pol, pagka iya tukang mitsala, lay na awnan da si Helmes, disu tuhan-tuhan da du.

Salsila siga Rasul 15:25

Sangkon lay kami magtaayun mokonan kaam suwat. Dari itu na sohoꞌ kami pinasampay ni duwa lalla bay peneꞌ kami yana ga si Judas ka si Saylas. Sila sa mahatiyan kaam mimon pasal bay pag-isunan kami. Maka luu na du bay sohoꞌ kami pahaboy ninsila siga kakasi tabi yana ga si Balnabas ka si Pol. Ga lalla tuu itu bay na pingkaꞌ narapan umu da kalnaꞌ Papuꞌ tabi si Isa Almasi.

1 Korin 9:6

Salla na, kuwan kasohean, pag ndaꞌ da kami ka si Balnabas amu-amu ngusahān dī kami sasang kami noan sila, kanna da pataꞌ na san kami yaꞌ binalanjaan meꞌ da. Boꞌ ko, yaꞌ baw lay sikatuwaꞌ meꞌ looy.

2 Korin 2:13

Sugaꞌ san meꞌ looy, gampang na pin ku sabap danganakan tabi si Taytus yaꞌ bay kaluwa ni waktu man kami bay tugun. Dari lay na ku muwan salam duwaa ni siga pagkahi ku ndooy ni Troas, boꞌ ku lay na pawus pa Masidunya miha iya.

2 Korin 8:16

Magsuku kami pa Tuhan batan lay ya muwanan si Taytus kainagon ngayaran kaam meꞌ karuha ningkami du.

2 Korin 8:23

Na bong sawpama luu pakiyaka bong soy si Taytus, baan bi sila iya limbang ku ngayaran kaam. Maka kuwan siga danganakan tabi ilooy siꞌ sikaduwa ma song mmeꞌ pilu ni si Taytus, baan bi jama nnaa sila ina wakil siga baanan sukuꞌ si Isa Almasi luntuu. Ni lilingan kami, arat-tabiat da ina mōꞌ kabantugan ni Almasi.

Galatiya 1:18

Paddus tallun taun halloman ku ndooy, bohoꞌ ku bay pilay pa Jerusalem sabap doman ku sikakila ka si Pitel. Dari lay doꞌ ku ndooy mman na sapu-lima ngallaw.

Galatiya 2:13

Dari pag takita siga Yahudi kasohean ndooy ni Antiyok kadarihan si Pitel, bbuwatan da ngakig na du yaꞌ paharung mangan ni siga danganakan da ma saꞌ Yahudi. Sampay si Balnabas, lay na du ga taboo-boo meꞌ da san katoonan na na yaꞌ tuwaꞌ pabuwatan meꞌ looy.

Galatiya 2:3

tabista da du tud bay sikatuwaꞌ isi umanat kami. Tandaꞌ yaꞌ luu man kami magsulemaꞌ, minsan katoonan da na soheꞌ ku si Taytus saꞌ bangsa Yahudi, yaꞌ na san ya bay llogos meꞌ da inislam. Katoonan da du tud tabeꞌ du ya ni sukuꞌ Tuhan san yaꞌ bogbogan na saraꞌ agama Yahudi.

Galatiya 2:9

Dari sila siꞌ tu ma ndang tanyag pa-mmean sukuꞌ si Isa, yana ga si Yaꞌkub, si Pitel, ka si Yahiya, tabista da na lay du ku pineneꞌ leꞌ Tuhan binuwat rasul si Isa. Sangkon gāk na sila ngaku kami ka si Balnabas limbang da. Batan magtaayun na pamiki kami ni hāl meꞌ kami masaplag. Dari pagsulutan kami, kuwan kami ka si Balnabas pa kabangsa-bangsahan ma saꞌ Yahudi. Kuwan sila, pa bangsa Yahudi.

Kolossa 4:10

Sarī man naa, luu ntuu si Aristalkus, disu soheꞌ ku ntuu njawom jīl, lay nohoꞌ masampay salam duwaa na ningkaam. Si Malkus pun, yana kaki si Balnabas, lay du nohoꞌ masampay salam duwaa na ningkaam. Bong mintu ya bay pilu, meꞌ ndang bay tugun ku na maruhuꞌ, hasiyun bi sa ya paayad.