Galatiya 1:7 - Sabahagiꞌ Kitab Tawrat: Panagnaan ni Awwal Jaman maka Kitab Injil

⁷ Mingkan, disu du sina umanat mahap, yaꞌ luu sarī. Salla na, luu na pin nnaa ngalingu kaam. Bbuwatan da ina nabid umanat mahap pasal Almasi.

Galatiya 1:7 ပူးပေါင်းရင်းမြစ်များ

Matiyu 24:24

batan luu sina mintu pōꞌ siga pangandustaꞌ māꞌ bahasa sila na Almasi atawa nabi. Boꞌ pandoy gi sina mintu mōꞌ siga pabuwatan kahaylan-haylan bong pin meka jaꞌ jama takoleꞌ da binoo magsiꞌ. Bong siꞌ ilay mintu takaya da, kainagon da sampay sagannap ma bay peneꞌ Tuhan sukuꞌ na taboo da du magsiꞌ.

Salsila siga Rasul 13:10

“Anak Ibilis bina ko! Mimon kaintongan saggaꞌ nu jaꞌ. Njawom atay nu pannoꞌ meꞌ dustaꞌ. Maka nabiat ko moo jama magsiꞌ. Wā tabid nu kabanahan pasal Papuꞌ.

Salsila siga Rasul 15:24

“Lay silay taaka kami luu konoꞌ siga pagkahi kami lay luꞌ pilu lakka mantuu. Bbuwatan da konoꞌ ngalingog kaam ka pangadjiꞌ da sampay ilooy na man gundalaꞌ pamiki bi. Sugaꞌ subay katoonan bi, saꞌ du kami bay nohoꞌ sila.

Salsila siga Rasul 20:30

Minsan ina kaam, luu na du sina mintu kasohean ni baanan bi nabid umanat kabanahan. Bbuwatan da ina mintu moo-moo siga pagkahi bi magsiꞌ. Kainagon da ina mintu, luu na jama taboo-boo da mmeꞌ ni ntan da.

2 Korin 11:13

Sila ina rasul palsu. Pandoy sila ngandustaꞌ sampay buwat dī da subay ga rasul Almasi.

2 Korin 2:17

Kahapan, man tabang Tuhan, takaya kami na. Salla na, meka na batnaa yaꞌ kanaalla masaplag umanat Tuhan. Ilooy du puhung da sīn. Boꞌ ningkami itu, yaꞌ baw tapiki kami meꞌ naa. Ilu na Tuhan pakale-kale, tud hilas situ meꞌ kami masaplag. Meꞌ kami itu sosohoan Tuhan sampay tibuuk ka Almasi, mastiꞌ kanaalla sadjaꞌ umanat kami.

2 Korin 4:2

Lay na labbahan kami mimon pabuwatan kaiyaꞌ-iyaꞌ ma subay na pin tinapuk. Dari yaꞌ situ kami ngandupang jama atawa pun nabid isi umanat mahap ma bay hinalap ningkami meꞌ Tuhan. Isu-isu kabanahan pasampay kami. Bong siꞌ ina jama bonto, basta tabista da jaꞌ situ bana bitsala kami. Lagiꞌ na, katoonan Tuhan du sina.

Galatiya 1:6

Ngkon ku tu nuwat batnaa batan tud jayip ku ningkaam. Tud bay siglaꞌ kam nikutan Tuhan. Mingkan, iya gi silay bay ngaliyun kaam pa jawom okoman na man sabapan aseꞌ Almasi. Pag-anu, tatammu bi na baw ga mmeꞌ ni umanat sarī man umanat mahap ma ndang lay na kinapitsayaan meꞌ bi.

Galatiya 2:4

Sugaꞌ luu du baw kasohean pasalluk ndooy yaꞌ kasulutan ni umanat ku. Kahandak da, mimon ma pitsayaꞌ ni si Isa subay llogos nohoꞌ mogbogan saraꞌ agama Yahudi. Sugaꞌ tabistu kami na du saꞌ sila danganakan kami sabanna. Lay jaꞌ sila pasalluk ni baanan kami mayu-mayu bong kami mogbogan saraꞌ agama atawa niyaꞌ. Sugaꞌ tabista kami du bong pamiki da binean, mastiꞌ kalangkat jaꞌ ni kasumunsayaan tabi njawman si Isa Almasi.

Galatiya 4:17

Bong siꞌ ina bay tasayu bi, kuwan siga jama nnaa ma ngalogos kaam mogbogan saraꞌ Yahudi, san bantuk doman sila ngayaran kaam, bong niyat atay da, basta sarī sina. Kainagon da ina yaꞌ na kam palamud ningkami mari kam tiggo nanggehan sila.

Galatiya 5:10

Kamasaꞌ, pagka ina kam ndang luu na njawman Papuꞌ Isa, tatantu ku mastiꞌ pabeleng du sina kam pa kabanahan ma bay tōꞌ ku ningkaam. Boꞌ ga jama looy ilay ma ngalingog pamiki bi ka tōꞌ palsu, soy maka soy na, basta kalabuan jaꞌ sina sila hukuman meꞌ Tuhan.

Galatiya 5:12

Bong para niyaku, kuwan sila ma ngalingog kōk bi nnaa nanggehan hāl meꞌ ngislam, gam na sohoꞌ da na kinehetan sampay awpan da labbasakayi.

Galatiya 6:17

Katapusan bitsala ku, kainagon ku yaꞌ na kam kagundalaꞌ ni pamiki ku. Yaꞌ sina sikatuwaꞌ bong luu nnaa māꞌ yaꞌ ku bay buwanan Almasi kapatut noan jama. Aku tu, tandaꞌ ku sosohoan Almasi, lapat na baran ku meꞌ pawut hangat llagpiꞌ sampay hiniyak ka batu sabap meꞌ ku nanggehan kabanahan pasal iya.

2 Timuti 2:18

Tud lay na silay sila magsiꞌ man kabanahan. Baꞌ-bāꞌ da, lai na bay pingkaꞌ masa jama matoy pinakallum pabalik. Dari sabapan tōꞌ da, lay na ga jadjuꞌ pangando kasohean sukuꞌ si Isa.

1 Yahiya 2:26

Na kon itu ku siꞌ nuwatan kaam supaya kam iyakin ni jama ma doman moo-moo kaam pitsayaꞌ ni tōꞌ da palsu.

1 Yahiya 4:1

Siga kakasi ku, daa kam os-os pitsayaꞌ sukat jama mangaku bahasa tōꞌ na lakka man Rū Tuhan. Arapun pindogahan bi doꞌ duhuꞌ tōꞌ na mari katoonan bi bong mattan ya sosohoan Tuhan atawa niyaꞌ. Batan meka na sina guru palsu njawom junyaꞌ.

2 Yahiya 1:10

Na bong luu jama pilu pa mman bi nōꞌ sarī man tōꞌ Almasi, daa na padutaihun bi maka daa san gallakun bi.

2 Yahiya 1:7

Batnaa tu, meka na guru palsu ni junyaꞌ magsian jama. Baꞌ-bāꞌ da, si Isa saꞌ Almasi bay pitu pa junyaꞌ magbaran manusiyaꞌ. Pangandustaꞌ sila maka tukang nguntra Almasi.

Suwat Lakka man si Jūd 1:4

Kon ku itu ngawalan kaam sabap luu na sina nnaa bay pasalluk ni siga baanan bi ga jama yaꞌ mahap. Yaꞌ san luu tawu da pa Tuhan. Boꞌ tinabid lagi meꞌ da kabanahan pasal aseꞌ Tuhan ni manusiyaꞌ. Baꞌ-bāꞌ da, dari na konoꞌ san kitabi buwat oy-oy kasabuhan ma kinanapsuhan meꞌ tabi. Ndang-ndang mehe du konoꞌ aseꞌ Tuhan ngampun. Na man sabapan laat kawul-piil da ina, tumatandaꞌ yaꞌ sila kuhi mangaku isu-isu si Isa Almasi yana Papuꞌ sikamimon. Sugaꞌ ndang luu na sina mulkaꞌ hinalliꞌ ninsila meꞌ ndang bay tinunaꞌ jawom kitab maruhuꞌ-ruhuꞌ.

Siga Pakaradjaan bay Pinalahil 12:9

Sampay lay na sila hiniyakan pa junyaꞌ. Na naga mehe looy ilay siꞌ, yana sō looy na ni awwal jaman ma pinag-awnan Ibilis atawa panghuluꞌ seytan. Iya ilay tukang magsian manusiyaꞌ ni sikaliput junyaꞌ.

Siga Pakaradjaan bay Pinalahil 13:14

Dari man sabapan siga sipat kawasa bay tapabuwat sattuwa looy ma dambuli kalnaꞌ sattuwa looy ma duhuꞌ, lay takoleꞌ na inakkahan mimon manusiyaꞌ ni junyaꞌ ma saꞌ sukuꞌ Tuhan. Sampay lay gi sila sohoꞌ na buwat jama-jama ni limbagan sattuwa looy ma duhuꞌ, ilooy ma lay na kaulian, dak bay matoy meꞌ bakat kataliꞌ.

Siga Pakaradjaan bay Pinalahil 19:20

Sugaꞌ yaꞌ bay luu dapat sattuwa looy sabap lay ya tasungkub haboy ka nabi palsu looy ma bay mōꞌ siga sipat kahaylan-haylan kalnaꞌ sattuwa looy. Sabapan siga sipat bay pōꞌ na, lay takoleꞌ na inakkahan sagannap ma bay sinapan ka sāp sattuwa looy, sampay mimon ma bay numba jama-jama looy ma bay pinabuwat ni limbagan na. Dari siꞌ, hisab ni sattuwa looy ka nabi palsu looy, lay hiniyakan, kaallum-llum da, pa jawom danaw looy ma pannoꞌ leꞌ api ka manilang ngereꞌ.

Siga Pakaradjaan bay Pinalahil 2:2

“Kaam ina, katoonan ku du kadarihan bi nnaa. Ndaꞌ ku, basag kam maghulas-sangsāꞌ kalnaꞌ awon ku sampay basag kam natasan jinisan kamalasahiyan. Maka katoonan ku du nulang kam jama maat. Sampay lay na tatongkad bi niyat atay siga jama nnaa ma buwat dī da rasul ku, maka tabistu bi na ngandustaꞌ jaꞌ sila.

Siga Pakaradjaan bay Pinalahil 2:20

Sugaꞌ luu gi du baw situ man ku kasallahan ningkaam. Bbuwatan bi mabiya si Jesebel magsian sagannap ma ngisbat aku. Iya ilay danda jahallis, bahasa iya tukang masampay palman Tuhan. Boꞌ ko, njawom tōꞌ na, yaꞌ du konoꞌ dari hāl na san jama buwat kajinahan atawa pun mangan sumbalian ma bay pingkaꞌ sinongan pa siga tuhan-tuhan.

Siga Pakaradjaan bay Pinalahil 2:6

Sugaꞌ luu du baw tu sanglit ku ningkaam sabap meꞌ aku du kam lammis ni kalaatan siga jama ma mmeꞌ ni tōꞌ ga si Nikolay.