Galatiya 1:6 - Sabahagiꞌ Kitab Tawrat: Panagnaan ni Awwal Jaman maka Kitab Injil

⁶ Ngkon ku tu nuwat batnaa batan tud jayip ku ningkaam. Tud bay siglaꞌ kam nikutan Tuhan. Mingkan, iya gi silay bay ngaliyun kaam pa jawom okoman na man sabapan aseꞌ Almasi. Pag-anu, tatammu bi na baw ga mmeꞌ ni umanat sarī man umanat mahap ma ndang lay na kinapitsayaan meꞌ bi.

Galatiya 1:6 ပူးပေါင်းရင်းမြစ်များ

Yahiya 9:30

Pag tampung lalla looy siꞌ ma bay buta, “Kainu-inu baw bilay la. Lay na takoleꞌ na mata ku inulian, masi yaꞌ katoonan bi bong lakka man ninggai ya!

Salsila siga Rasul 15:11

Mingkan, man sabapan aseꞌ-tabang Papuꞌ Isa, batnaa ilooy du tinaat ningkitabi siga Yahudi yana pitsayaꞌ niiya. Sangkon sapatut na, subay meꞌ looy jaꞌ du ni siga bangsa saꞌ Yahudi.”

Suwat si Pol pa mman Baanan Sukuꞌ si Isa ndooy ni Rom 10:3

Ni kaawam da, yaꞌ sila kuhi mmeꞌ ni jalan bahau man manusiyaꞌ initung meꞌ Tuhan intong. Ninsila, ilooy ya patangge da jalan sibuwa, yana hāl meꞌ da magtuyuꞌ mogbogan saraꞌ Nabi Musa.

Suwat si Pol pa mman Baanan Sukuꞌ si Isa ndooy ni Rom 5:2

Lagiꞌ na, sabapan si Isa Almasi maka pangando tabi niiya, tattap na sina kitabi koleꞌ aseꞌ ka tabang man Tuhan. Boꞌ tud gāk sina kitabi batan luu na holat tabi tumabeꞌ ni ehe kabantugan Tuhan.

Suwat si Pol pa mman Baanan Sukuꞌ si Isa ndooy ni Rom 8:28

Na kitabi itu, katoonan tabi du, bong kitabi maaseꞌ ni Tuhan, san gi oy katuwaꞌ ningkitabi, pinakoy jaꞌ du sina meꞌ Tuhan pa kaayaran ningkitabi. Batan lay na kitabi lliyun meꞌ na binuwat limbang na majatu garaꞌ na.

Suwat si Pol pa mman Baanan Sukuꞌ si Isa ndooy ni Rom 8:30

Na sagannap ma bay pineneꞌ meꞌ Tuhan binuwat sukuꞌ na, lay doꞌ silay sila duhuꞌ lliyun meꞌ Tuhan. Lay jaꞌ sila takoleꞌ lliyun, lay na pinuwasan dusa da. Puwas jaꞌ siꞌ dusa da, lay na baw sila pinatabeꞌ meꞌ Tuhan ni kabantugan na labba man junyaꞌ sampay pa ahirat.

1 Korin 4:15

San ina meka bay pingkaꞌ ngayaran kaam mari kam yaꞌ magsiꞌ man Almasi, aku du tabilang mmaꞌ bi. Batan poonan bi bay pitsayaꞌ ni si Isa Almasi sabap aku bay masampay umanat mahap ningkaam.

2 Korin 11:4

Gampang ku la ningkaam. Bong luu jama pilu moo tōꞌ sarī pasal si Isa ma yaꞌ magbēꞌ ka tōꞌ kami, kuhi-kuhi jaꞌ kam pitsayaꞌ. Damikiyan, bong luu noan kaam pasal Rū Sutsiꞌ atawa pasal umanat mahap, kuhi-kuhi jaꞌ du kam pitsayaꞌ san yaꞌ sikatuwaꞌ tōꞌ da ka ningkami.

2 Korin 2:17

Kahapan, man tabang Tuhan, takaya kami na. Salla na, meka na batnaa yaꞌ kanaalla masaplag umanat Tuhan. Ilooy du puhung da sīn. Boꞌ ningkami itu, yaꞌ baw tapiki kami meꞌ naa. Ilu na Tuhan pakale-kale, tud hilas situ meꞌ kami masaplag. Meꞌ kami itu sosohoan Tuhan sampay tibuuk ka Almasi, mastiꞌ kanaalla sadjaꞌ umanat kami.

Galatiya 1:11

Siga danganakan, indanan bi. Inawnan umanat mahap ma bay pasaplag ku ningkaam, yaꞌ sina bay tinulun-tulun jaꞌ meꞌ manusiyaꞌ.

Galatiya 1:15

Sugaꞌ pag taabut gantaan Tuhan, lay na ku lliyun meꞌ na binuwat sosohoan na ni kaehe timbang na niyaku. Boꞌ ko hati, niyaꞌ gi san ku bay pōꞌ man jawom kūn induꞌ ku, ndang lay na ku peneꞌ Tuhan.

Galatiya 1:7

Mingkan, disu du sina umanat mahap, yaꞌ luu sarī. Salla na, luu na pin nnaa ngalingu kaam. Bbuwatan da ina nabid umanat mahap pasal Almasi.

Galatiya 2:14

Dari pag ndaꞌ ku bbuwatan da yaꞌ sikatuwaꞌ ka kabanahan ni umanat mahap, ilooy ma yuk ku ni si Pitel ni pag-awpan sikamimon, “Kau tu, hallang-hallangan tuu, yaꞌ na ko bay mogbogan saraꞌ agama bangsa ta Yahudi. Pag batnaa, sarī na la tikmas nu. Sat nu saꞌ māꞌ, subay na pin siga jama ma saꞌ Yahudi mean saraꞌ agama ta boꞌ da tahasi nu danganakan.”

Galatiya 2:2

Ngkon ku bay pabeleng sabap ilooy kahandak Tuhan bay pinalahil niyaku. Takka ndooy, lay ku nammuhan siga pa-mmean sukuꞌ si Isa ndooy. Dari sasang kami-kami du ndooy, lay na bakka ku ninsila isi umanat mahap ma pinasaplag meꞌ ku ni kabangsa-bangsahan ma saꞌ Yahudi. Maksud ku ilay siꞌ masā bong tud magbēꞌ du umanat ku ka ninsila. Batan bong ilay bay niyaꞌ, taggahaꞌ senseng jaꞌ bay hulas-sangsāꞌ ku masaplag. Kahapan, pag bāꞌ ku ninsila isi umanat ku,

Galatiya 2:5

Sangkon yaꞌ kami bay kuhi mmeꞌ ninsila samasakali taggahaꞌ kasakotan na baw umanat mahap ma kinapitsayaan meꞌ bi ka tōꞌ palsu.

Galatiya 2:7

Dari tabista du meꞌ siga pa-mmean ndooy sibuꞌ du kami ka si Pitel bay kawakilan leꞌ Tuhan masaplag umanat mahap pasal si Isa. Sat na jaꞌ niyaku, pa kabangsa-bangsahan ma saꞌ Yahudi. Kuwan niiya, pa bangsa Yahudi.

Galatiya 5:14

Batan mimon ina saraꞌ Nabi Musa, lay na tinikmod pa disu panohoan sa, ilooy ma yuk Tuhan, “Kaasean bi pagkahi bi manusiyaꞌ sibuꞌ du ka aseꞌ bi ni dī bi.”

Galatiya 5:4

Lagiꞌ na, bong luu nnaa doman mangasa ni sangsāꞌ da mogbogan saraꞌ man da initung intong, sibuꞌ du sina sila ka bay palabba man si Isa Almasi. Maka tinuwak gi meꞌ da aseꞌ-tabang Tuhan ninsila.

2 Tesaloneka 2:14

Magsuku kami sabap lay na pakoy Tuhan umanat mahap lakka man kami man ngaliyun kaam supaya kam tumabeꞌ na ni kabantugan Papuꞌ tabi si Isa Almasi.

1 Timuti 1:14

Tud biddaꞌ na sina ehe aseꞌ Papuꞌ ta si Isa Almasi! Bistahun doꞌ, lay gi bukaꞌ na puad ku pitsayaꞌ niiya. Sampay lay gi ku buwanan na aseꞌ ni pagkahi ku manusiyaꞌ!

1 Timuti 1:3

Na Timuti, intomun bay halap ku ningkau waktu ku bay palakka man naa lān ku bay pitu pa Masidunya. Ngkon nu ilay bay sohoꞌ ku tamban nnaa ni Epesus supaya tasohoꞌ nu patagong sagannap ma mōꞌ tōꞌ palsu njawom baanan sukuꞌ si Isa. Sugaꞌ batnaa tu, luhud ku gi ngahalap ningkau pabalik.

2 Timuti 1:9

Maka ndang-ndang, iya du bay nalamat kita sampay ngaliyun kita supaya kita dari sukuꞌ na ma sutsiꞌ halloman ta llum. Sugaꞌ iya ilay bay nalamat kita, saꞌ baw ga man sabapan ni lilingan na mahap arat-tabiat ta. Arapun kon na ilay bay nalamat kita sabap ndang inaa garaꞌ na yaꞌ gi san junyaꞌ bay pinapayak. Ndang luu na garaꞌ na makitahan manusiyaꞌ aseꞌ-tabang na njataꞌ pabuwatan si Isa Almasi.

2 Timuti 2:1

Na Timuti, anak, mangasa jaꞌ ko ni aseꞌ-tabang si Isa Almasi nganggaosan kau.

1 Pitel 1:15

Sugaꞌ batnaa, yana meꞌ Tuhan ma bay ngaliyun kaam sutsiꞌ, subay du kam sutsiꞌ ni mimon tangge-tingkōꞌ bi.

2 Pitel 1:3

Ni kaehe kawasa Tuhan, luu na bay dean na kitabi kaallum bahau sampay mimon ma gunahan ningkitabi man ngikut arat-tabiat na. Lay na dean na kitabi ilooy siꞌ sikamimon pag lay jaꞌ tabi lungbid ka iya. Maka lay na kitabi liyun na pa jawom okoman na supaya kitabi tumabeꞌ ni kabantugan na ka kaayaran na.

Siga Pakaradjaan bay Pinalahil 22:21

Dambuli man inaa, barakat man Papuꞌ Isa ningkaam sikamimon. Wassalam