Galatiya 1:18 - Sabahagiꞌ Kitab Tawrat: Panagnaan ni Awwal Jaman maka Kitab Injil

¹⁸ Paddus tallun taun halloman ku ndooy, bohoꞌ ku bay pilay pa Jerusalem sabap doman ku sikakila ka si Pitel. Dari lay doꞌ ku ndooy mman na sapu-lima ngallaw.

Galatiya 1:18 ပူးပေါင်းရင်းမြစ်များ

Yahiya 1:42

Pag-anu, lay na boo na si Saymon pa mman si Isa. Pag takita ya meꞌ si Isa, yuk na, “Kau na bitu hati si Saymon, anak si Yahiya. Sugaꞌ batnaa, awnan ta na ko si Sipas.” (Ni pallun Yahudi hatiyan Sipas sibuꞌ du ka hatiyan Pitel ni pallun Greek. Hatiyan da sikaduwa yana “batu.”)

Galatiya 2:11

Na hallom maka hallom na, kuwan si Pitel, lay pa Antiyok ngandaꞌ-ngandaꞌ kami. Sugaꞌ sasang na ndooy, tud bay magsāꞌ ya. Dari lay ya sahawi ku balharapan.

Galatiya 2:14

Dari pag ndaꞌ ku bbuwatan da yaꞌ sikatuwaꞌ ka kabanahan ni umanat mahap, ilooy ma yuk ku ni si Pitel ni pag-awpan sikamimon, “Kau tu, hallang-hallangan tuu, yaꞌ na ko bay mogbogan saraꞌ agama bangsa ta Yahudi. Pag batnaa, sarī na la tikmas nu. Sat nu saꞌ māꞌ, subay na pin siga jama ma saꞌ Yahudi mean saraꞌ agama ta boꞌ da tahasi nu danganakan.”

Galatiya 2:7

Dari tabista du meꞌ siga pa-mmean ndooy sibuꞌ du kami ka si Pitel bay kawakilan leꞌ Tuhan masaplag umanat mahap pasal si Isa. Sat na jaꞌ niyaku, pa kabangsa-bangsahan ma saꞌ Yahudi. Kuwan niiya, pa bangsa Yahudi.

Galatiya 2:9

Dari sila siꞌ tu ma ndang tanyag pa-mmean sukuꞌ si Isa, yana ga si Yaꞌkub, si Pitel, ka si Yahiya, tabista da na lay du ku pineneꞌ leꞌ Tuhan binuwat rasul si Isa. Sangkon gāk na sila ngaku kami ka si Balnabas limbang da. Batan magtaayun na pamiki kami ni hāl meꞌ kami masaplag. Dari pagsulutan kami, kuwan kami ka si Balnabas pa kabangsa-bangsahan ma saꞌ Yahudi. Kuwan sila, pa bangsa Yahudi.