Galatiya 1:13 - Sabahagiꞌ Kitab Tawrat: Panagnaan ni Awwal Jaman maka Kitab Injil

¹³ Sugaꞌ saꞌ du baw lay ni kaayad ku. Saꞌ ba, lay na du bay taaka bi kadarihan ku jaman ku bay mogbogan agama Yahudi? Biddaꞌ na bay basag ku ngalaugan sukuꞌ si Isa. Wā ku bay magtuyuꞌ-tuyuꞌ minsanaꞌ sila pin labbahan da jaꞌ pangando da ni si Isa.

Galatiya 1:13 ပူးပေါင်းရင်းမြစ်များ

Salsila siga Rasul 8:1

Pag-anu siꞌ, lay na kinubu si Esteben meꞌ siga jama ma ngisbat Tuhan. Boꞌ tud bay mag-ulawi sila. Sugaꞌ kuwan si Sol siꞌ tu, gam pin nanglitan sagannap ma bay mapatoy si Esteben. Boꞌ lay gi ya magtuyuꞌ-tuyuꞌ mabinasa baanan sukuꞌ si Isa. Bbuwatan na, padisu-padisu lumaꞌ ngangguyud-guyud sila pa poan, danda lalla, boꞌ da inisi njawom jīl. Dari siꞌ, labba man llaw kapatoy si Esteben, magdaruhun na pin basag laug sampay kabinsanaan njataꞌ mimon ma mmeꞌ ni si Isa ndooy ni Jerusalem. Na hangat sila bininsanaꞌ, meka na sila bay maglahiyan man Jerusalem, sampay lay na sila magsaw-simpāk pa kakawum-kawman ni sikaliput Yahudiya ka Samariya. Ilooy sa bay tamban ni Jerusalem yana siga rasul si Isa.

Salsila siga Rasul 9:21

Dari siꞌ mimon ma bay kale bitsala si Sol, tud bay inu-inu sampay kapanilaw na ga sila, yuk da, “Saꞌ gi kina inaa jama ma bay basag ngalaugan sagannap ma magpapuꞌ ni si Isa ndooy ni Jerusalem? Maka saꞌ ba, maksud na luꞌ pitu nungkuban ga sukuꞌ si Isa sampay musas sila, boꞌ binoo pabeleng pa mman siga imam langkaw ni Jerusalem?”

Salsila siga Rasul 9:26

Pag-anu, lay na si Sol pabeleng pa Jerusalem. Takka jaꞌ siꞌ, doman na ya palamud ni siga sukuꞌ si Isa, sugaꞌ masi sila tawu niiya. Yaꞌ na pin sila manganna ga mmeꞌ na du ya ni si Isa.

1 Korin 10:32

Sangkon, iyakinan bi dī bi mari kam yaꞌ kapabuwat oy maka oy na ma kaboo jama yaꞌ doman pitsayaꞌ ni si Isa. Bangsa Yahudi atawa ssaꞌ, sukuꞌ si Isa atawa ssaꞌ, daa kam buwat man da nuwak si Isa.

1 Korin 15:9

Meꞌ ku ngingat, aku na pinakadiyoꞌ ni rasul si Isa sikamimon. Yaꞌ san ku tawop inawnan rasul na sabap bay ku ngalaugan sagannap ma pitsayaꞌ niiya.

Pilipi 3:6

Tandaꞌ ku bay ngamasag mogbogan agama Yahudi, lay na ga ku bay pingkaꞌ ngalaugan sukuꞌ si Isa. Kanna ku ilay, ilooy na bay numan ni kahandak Tuhan. Sangkon, bong ilay siꞌ jama taawnan intong sabap meꞌ da mogbogan saraꞌ, labi na aku saꞌ intong. Tud yaꞌ bay luu sutsutan njataꞌ ku ni hāl mogbogan saraꞌ.

1 Timuti 1:13

Lay ku peneꞌ na minsan ku bay pingkaꞌ malaat iya maruhuꞌ. Sarī gi, daran ku bay ngalaugan siga sukuꞌ na. Boꞌ yaꞌ luu pag-agak bila ku minsanaꞌ sila na. Lipara, yaꞌ du baw ku bay tuwaꞌ mulkaꞌ. Gam pin lay gi ku panimbangan Papuꞌ Isa, batan halloman ku yaꞌ gi bay pitsayaꞌ niiya, kalaatan bay pabuwat ku ni kaawam ku sadjaꞌ.

1 Timuti 1:14

Tud biddaꞌ na sina ehe aseꞌ Papuꞌ ta si Isa Almasi! Bistahun doꞌ, lay gi bukaꞌ na puad ku pitsayaꞌ niiya. Sampay lay gi ku buwanan na aseꞌ ni pagkahi ku manusiyaꞌ!