Galatiya 1:1 - Sabahagiꞌ Kitab Tawrat: Panagnaan ni Awwal Jaman maka Kitab Injil

^1-2 Ituu itu aku, yana si Pol, disu rasul si Isa Almasi. Itu suwat ku pa mman bi siga baanan sukuꞌ si Isa nnaa ni sikaliput Galatiya. Ni kapasal pagkarasul ku itu, saꞌ manusiyaꞌ bay nguwakilan aku nohoꞌ masaplag. Ilooy ya bay nguwakilan aku yana si Isa Almasi mismu ka Mmaꞌ tabi Tuhan ma bay makallum iya pabalik. Duhuꞌ-duhuꞌ bitsala ku, salam duwaa ningkaam man kami ka mimon soheꞌ ku ntuu ma pitsayaꞌ ni si Isa.

Galatiya 1:1 ပူးပေါင်းရင်းမြစ်များ

Yahiya 10:30

Kami tu ka Mmaꞌ ku tibuuk.”

Yahiya 20:21

Pag-anu siꞌ, lay na baw si Isa halling pabalik, “Kasannangan ningkaam. Yana meꞌ Mmaꞌ ku bay mapitu aku nohoꞌ masaplag umanat mahap, damikiyan, sohoꞌ ta na du kam ngalataan lahat masaplag.”

Yahiya 5:19

Dari yuk si Isa lagi ninsila, “Baan ta kam banahan, bong itu dangan-dangan ku sadjaꞌ, yaꞌ situ luu tapabuwat ku, batan ilooy du pabuwat ku ma takita ku pinabuwat meꞌ Mmaꞌ ku. Dari oy-oy pinabuwat meꞌ Mmaꞌ ku, damikiyan meꞌ aku Anak na, inaa du pabuwat ku.

Salsila siga Rasul 22:10

“Pag-anu siꞌ, tilaw ku niiya, ‘Papuꞌ, oy tu la pataꞌ subay pabuwat ku?’ “Yuk Papuꞌ niyaku, ‘Nangge na ko, boꞌ nu pawus na pa Damaskus. Ndooy sa boꞌ nu binaan mimon ma bay sinukuꞌ ningkau pinabuwat.’

Salsila siga Rasul 3:15

Boꞌ ilooy ma poonan kaallum ma yaꞌ luu katapusan na, iya ya bay papatoy bi. Lipara luu du Tuhan bay makallum iya. Kami itu, kon kami kabāꞌ mattan llum na ya pabalik batan kami mismu bay kasakup.

Salsila siga Rasul 9:6

Nangge na ko, boꞌ nu pawus na pa daira looy. Ndooy sa mintu, boꞌ nu binaan bong oy subay pabuwat nu.”

Suwat si Pol pa mman Baanan Sukuꞌ si Isa ndooy ni Rom 1:1

Suwat tuu itu lakka man aku, yana si Pol, disu ata si Isa Almasi. Aku itu bay lliyun meꞌ Tuhan binuwat rasul nohoꞌ masaplag umanat mahap pasal kasalamatan.

Suwat si Pol pa mman Baanan Sukuꞌ si Isa ndooy ni Rom 10:9

“Bong kam māꞌ ni pagkahi bi manusiyaꞌ si Isa yana Papuꞌ sampay bana-bana kam pitsayaꞌ lay ya pinakallum meꞌ Tuhan pabalik, salamat na sina kam.

Suwat si Pol pa mman Baanan Sukuꞌ si Isa ndooy ni Rom 14:9

Batan kon ilay Almasi bay matoy sampay pinakallum pabalik supaya ya dari Papuꞌ sikamimon ma pitsayaꞌ niiya, sagannap ma lay na matoy sampay na sagannap ma masi llum.

1 Korin 1:1

Ituu itu aku, yana si Pol, bay pineneꞌ leꞌ Tuhan binuwat disu rasul si Isa Almasi. Itu suwat kami ka danganakan tabi si Sostinis

2 Korin 1:1

Ituu itu aku, yana si Pol, disu rasul si Isa Almasi man kahandak Tuhan. Suwat tuu lakka man kami ka danganakan tabi si Timuti pa mman bi ma mmeꞌ ni si Isa, yana sukuꞌ Tuhan nnaa ni Korin sampay ni sikaliput Akaya.

Galatiya 1:15

Sugaꞌ pag taabut gantaan Tuhan, lay na ku lliyun meꞌ na binuwat sosohoan na ni kaehe timbang na niyaku. Boꞌ ko hati, niyaꞌ gi san ku bay pōꞌ man jawom kūn induꞌ ku, ndang lay na ku peneꞌ Tuhan.

Galatiya 1:17

San luu jama ndooy ni Jerusalem ma bay pineneꞌ meꞌ Tuhan binuwat siga rasul si Isa duhuꞌ man aku, yaꞌ na san ku bay pilay maku palbiatan ninsila. Gam pin, lay ku magti pilay pa Arabiya. Song hallom, lay na baw ku pabeleng pa Damaskus.

Epesus 3:8

Sabana na, ni mimon sukuꞌ Tuhan, aku ya labi yaꞌ tawop inawnan sukuꞌ na. Lipara, lay gi baw ku tapeneꞌ nohoꞌ masaplag ni siga bangsa saꞌ Yahudi pasal siga supaat mehe saꞌ taangan-angan ma takoleꞌ da bong sila tibuuk na ka Almasi.

2 Timuti 1:1

Ituu itu aku, yana si Pol, disu rasul si Isa Almasi man kahandak Tuhan. Aku itu bay sinohoꞌ meꞌ Tuhan masaplag pasal kaallum bahau ma bay njanjiꞌ meꞌ Tuhan ni soysoy ma tibuuk ka si Isa Almasi.

Hibrani 13:20

Tuhan ina poonan kasannangan. Ni kaehe kawasa na, lay ya makallum Papuꞌ tabi si Isa. Dari si Isa na sina numbul satu tukang ngipat kitabi ma awnan na siga bili-bili na. Man sabapan lahaꞌ na bay tumpa, inaa na kasāhan ni pagsulutan bahau ma yaꞌ luu katapusan na antaraꞌ Tuhan ka sukuꞌ na.

1 Pitel 1:21

Dari sabapan pabuwatan Almasi, pitsayaꞌ na kam pa Tuhan ma bay makallum Almasi pabalik sampay lay muwanan iya kabantugan mehe. Dari tattog na pangando bi pa Tuhan maka luu na pag-asa bi koleꞌ mimon ma bay janjiꞌ Tuhan ni sukuꞌ na.

Siga Pakaradjaan bay Pinalahil 1:18

Aku na situ ginalla ‘Ilooy ma Llum.’ Bay baw ku situ pingkaꞌ matoy, sugaꞌ ndaun na, itu na ku llum pabalik, boꞌ saumu-umu na situ kaallum ku. Aku na situ ngantanan kawasa-kapatut maddusan manusiyaꞌ man kapatoy sampay man tahanan jama matoy.

Siga Pakaradjaan bay Pinalahil 1:5

Maka kamura-murahan binuwanan na pin kam kasannangan ka barakat meꞌ si Isa Almasi, ilooy ma kanaalla masampay kabanahan pasal Tuhan. Iya ilay bay duhuꞌ pinakallum pabalik ka baran ma yaꞌ na kuhi matoy. Maka iya du marintahan mimon panghuluꞌ ni sikaliput junyaꞌ. Ni kaehe aseꞌ na ningkitabi, atas na man lahaꞌ na bay tumpa supaya tapaddusan na kitabi man hisab ni dusa tabi.

Siga Pakaradjaan bay Pinalahil 2:8

Pasunuꞌ, yuk na niyaku, “Nuwat gi ko pilay pa mman pa-mmean looy ma ngantanan baanan sukuꞌ ku ndooy ni Ismirna. Bong ko nuwat, yuk nu meꞌ tuu, “Bitsala tuu lakka man ilooy ma panagnaan ka katapusan ni mimon-mimon, yana ilooy ma bay pingkaꞌ matoy boꞌ lay du llum pabalik. Yuk na meꞌ tuu,