Epesus 6:9 - Sabahagiꞌ Kitab Tawrat: Panagnaan ni Awwal Jaman maka Kitab Injil

⁹ Na kaam pun baw siga papuꞌ, subay du mahap meꞌ bi ka ata bi. Daa sila pasuan bi batan Papuꞌ da ina ni sulgaꞌ yana Papuꞌ bi du. Boꞌ yaꞌ du sina ya magsitingka manusiyaꞌ.

Epesus 6:9 ပူးပေါင်းရင်းမြစ်များ

Matiyu 22:10

Dari lai na siꞌ tu ga tindog na ngalataan lahat boꞌ da ngaddoꞌ mimon ma takita da mahap-maat. Sampay pannoꞌ na pangawinan looy meꞌ jama.

Matiyu 22:8

“Pag-anu, lay na baw sultan looy nawag siga tindog na, yuk na, ‘Pangawinan ku itu sakap na, sugaꞌ ga jama looy ma bay kinaddoꞌ yaꞌ na tawop mmeꞌ ni pangawinan tuu.

Matiyu 24:48

Sugaꞌ bong ilay ya ata maat, bbuwatan na minsanaꞌ pagkahi na ata maka nginum-mangan jaꞌ ya ka jama palalango. Njawom honaꞌ-honaꞌ na, hallom gi du takka papuꞌ na.

Matiyu 24:51

Dari pinidjalaꞌ ya pabasag saꞌ alang-alang sampay inannaꞌ gi ni lugar sagannap ma magbawuꞌ-bawuꞌ jaꞌ sutsiꞌ. Boꞌ ndooy na sila mag-ulawi sampay magkattop naggaan paddi.”

Matiyu 7:12

“Pooy-pooy karomanan bi meꞌ jama buwat kaam, subay meꞌ naa du meꞌ bi buwat sila. Bong siꞌ ina inaa na bean bi, malaingkan sibuꞌ du ka lay na bogbogan bi mimon saraꞌ Nabi Musa sampay siga tōꞌ kanabi-nabihan.”

Lukas 6:31

Pooy-pooy karomanan bi meꞌ jama buwat kaam, subay meꞌ naa du meꞌ bi buwat sila.

Yahiya 13:13

Pahatiyan ta doꞌ kam. Saꞌ ba, meꞌ bi ngawnan aku, ‘Tuwan Guru’ maka ‘Papuꞌ’? Katuwaꞌ du silay kam sabap bana du.

Salsila siga Rasul 10:34

Pag-anu, ilooy ma mitsala na si Pitel, yuk na, “Batnaa bohoꞌ tabista ku Tuhan yaꞌ magsitingka manusiyaꞌ.

Suwat si Pol pa mman Baanan Sukuꞌ si Isa ndooy ni Rom 2:11

Batan Tuhan ina yaꞌ magsitingka manusiyaꞌ.

1 Korin 1:2

pa mman bi ma pitsayaꞌ ni si Isa nnaa ni Korin. Kaam ina, lay na lliyun meꞌ Tuhan pa jawom okoman na sampay lay na sinutsiꞌ sabapan pagkatibuuk bi ka si Isa Almasi. Dari lay na kam dari sukuꞌ Tuhan tabeꞌ ni sikamimon jama nnoy-nnoy lahat ma ngisbat si Isa Almasi, yana Papuꞌ da sampay na ningkitabi labbasakayi.

1 Korin 7:22

Ituu jaꞌ kannahun bi: San ina kam ata, pagka lay na kam lliyun mmeꞌ ni Almasi, malaingkan luu na kaadaan bi bahau. Batan luu na kasumunsayaan bi ma yaꞌ tasayu jama. Damikiyan, kaam pun ma saꞌ ata, luu na du sina kaadaan bi bahau. Batan pag taabut bi bay lliyun mmeꞌ ni Almasi, lay na kam dari ata na.

Kolossa 3:25

Sugaꞌ soysoy buwat maat, mastiꞌ luu jaꞌ du sina mintu hisab ni jataꞌ da magtūk ka bay kalaatan da san gi soy sila, batan Tuhan ina yaꞌ minig.

Kolossa 4:1

Kuwan kaam baw siga papuꞌ, subay mahap du meꞌ bi buwat siga ata bi ni lanan ma pataꞌ ka intong. Intomun bi, kaam pun ina, luu du Papuꞌ bi ni sulgaꞌ.

Yaꞌkub 2:13

Batan pag ina mintu taabut llaw hukuman, soysoy yaꞌ bay manimbang ni pagkahi na manusiyaꞌ, yaꞌ du ya pinanimbangan meꞌ Tuhan. Sugaꞌ sagannap ma bay manimbang, yaꞌ na luu katawuhan da ni llaw hukuman.

Yaꞌkub 2:8

Sangkon sapatut na subay bogbogan bi na panohoan Tuhan njawom kitab ma puntukan banahan, ilooy ma yuk na, “Kaasean bi pagkahi bi manusiyaꞌ sibuꞌ ka aseꞌ bi ni dī bi.” Na bong siꞌ ina tabogbog bi meꞌ naa, katuwaꞌ na kam.

Yaꞌkub 5:4

Kaam ina, saꞌ ba, yaꞌ san pinōꞌ meꞌ bi gadji sagannap jama ma bay buwat ni tanaꞌ bi, labba man siga ilooy ma ngalabas pa ilooy ma ngattom? Daa kam mista ga yaꞌ takale Tuhan Sangat Kawasa bitsala da magdubduban kaam.