Epesus 6:8 - Sabahagiꞌ Kitab Tawrat: Panagnaan ni Awwal Jaman maka Kitab Injil

⁸ Katoonan bi du sina, oy-oy jaꞌ kaayaran pabuwat tabi, mastiꞌ tinungbasan du meꞌ Papuꞌ Isa, saꞌ biddaꞌ bong kitabi ata atawa ssaꞌ.

Epesus 6:8 ပူးပေါင်းရင်းမြစ်များ

Matiyu 16:27

Ni sinōng, pabeleng du situ Anak Manusiyaꞌ ka ga malaikat na pa junyaꞌ liput meꞌ sahayaꞌ Mmaꞌ na. Pag-anu, boꞌ na nungbasan mimon manusiyaꞌ ni oy-oy bay pabuwat da, mahap-maat.

Matiyu 20:7

“Pag halling da, ‘Yaꞌ ba la kami nammu buwatan.’ “Dari yuk na ninsila, ‘Bong meꞌ looy, pilay na kam buwat ni kabbun ku.’

Matiyu 5:12

Bila ina mintu kam lumangga na meꞌ naa, pagakun bi atay bi batan luu sina mintu tungbas bi mehe ni sulgaꞌ. Intomun bi, ngkon ilay siga kanabi-nabihan pinaehe banahan sabap meꞌ da bay kanaalla natasan jinisan kabinsanaan kalnaꞌ Tuhan.”

Matiyu 6:1

Yuk si Isa lagi, “Paayad-ayad kam. Bila kam magtaat, daa sabtanan bi subay na pin sasang meka jama ngita. Bong ina meꞌ naa maksud bi, yaꞌ sina luu tungbas takoleꞌ bi man Mmaꞌ bi Tuhan ni sulgaꞌ.

Matiyu 6:4

supaya yaꞌ tasayu jama. Ndang-ndang takita du leꞌ Mmaꞌ bi Tuhan ni sulgaꞌ, maka iya sa nungbasan kaam.

Lukas 14:14

Bong siꞌ ina ko buwat meꞌ naa, mastiꞌ sinupaatan sina ko. Batan minsan gantaan yaꞌ tatungbasan da buddi nu njataꞌ da, Tuhan sa nungbasan kau ni llaw man na makallum sagannap ma intong ni mata na.”

Lukas 6:35

“Sangkon, bong kam bana-bana mulit ku, subay kaasean bi sagannap ma manta kaam. Maka buwat jaꞌ kam mahap ninsila. Mautang kam ni jama san kam yaꞌ ngaholat binayaran. Bong bean bi inaa, luu du sina mintu tungbas mehe takoleꞌ bi. Boꞌ na, tumatandaꞌ na sina anak Tuhan Mahatinggi na kam sabap meꞌ bi nutu arat-tabiat na. Intomun bi, Tuhan ina buwat mahap san ni jama maat sampay ni sagannap ma yaꞌ kaintom buddi.

1 Korin 12:13

Lay na kitabi tinibuuk meꞌ Tuhan pa disu baran sa batan lay na kitabi saliꞌ-saliꞌ pinaasokan disu Rū, yana Rū Sutsiꞌ. Kasohean kitabi bangsa Yahudi, kasohean ssaꞌ, kasohean ata, kasohean ssaꞌ, sugaꞌ saliꞌ-saliꞌ kitabi bay pinaasokan Rū Sutsiꞌ.

2 Korin 5:10

Batan ndang bay sina ginantaꞌ ningkitabi sikamimon pinaawop ni Almasi hinukum. Pag-anu, boꞌ tabi tinungbasan na sabapan mimon ma bay pabuwat tabi mahap-maat.

Galatiya 3:28

Sangkon yaꞌ na kitabi magsitingka jama bong sila Yahudi atawa ssaꞌ, bong sila ata atawa ssaꞌ, bong sila danda atawa lalla. Sibuꞌ-sibuꞌ na kitabi sabap tibuuk na du kitabi saliꞌ-saliꞌ ka si Isa Almasi.

Kolossa 3:11

Dari pagka tibuuk na kitabi ka Almasi saliꞌ-saliꞌ, yaꞌ na situ kitabi minig jama. Yaꞌ na kitabi magsibiddaꞌ bong jama bangsa Yahudi atawa ssaꞌ, bong jama bay inislam atawa niyaꞌ, iskulan atawa niyaꞌ, bong ata atawa ssaꞌ. Isu-isu Almasi pandang tabi. Boꞌ iya ina luu na patannaꞌ njawom atay tabi sikamimon ma pitsayaꞌ niiya.

Kolossa 3:24

Maka katoonan bi na du sina, pagka kam maghulas-sangsāꞌ kalnaꞌ Papuꞌ Isa, mastiꞌ luu jaꞌ sina mintu tungbas ayad ningkaam. Tungbas ningkaam yana mimon kaayaran ma bay hinalliꞌ ni sukuꞌ na.

Kolossa 3:25

Sugaꞌ soysoy buwat maat, mastiꞌ luu jaꞌ du sina mintu hisab ni jataꞌ da magtūk ka bay kalaatan da san gi soy sila, batan Tuhan ina yaꞌ minig.

Hibrani 10:35

Sangkon daa na labbahan bi pangando bi ni Papuꞌ, batan pangando bi ina, inaa na poonan man bi koleꞌ tungbas ayad saꞌ alang-alang.

Hibrani 11:26

Maka honaꞌ-honaꞌ na, gam na ya natas pinadiyoꞌ sabapan holat na ni katakka Almasi bbos-bbos man na nnaa lakkop leꞌ mimon altaꞌ ni Ejip. Batan ilooy ya pandang na supaat man Tuhan ni sinōng.