Epesus 5:9 - Sabahagiꞌ Kitab Tawrat: Panagnaan ni Awwal Jaman maka Kitab Injil

⁹ Batan tiyap-tiyap ina jama njawom karantaan, mastiꞌ tumatandaꞌ ni tangge-tingkōꞌ na kaayaran, kaintongan ka kabontohan.

Epesus 5:9 ပူးပေါင်းရင်းမြစ်များ

Matiyu 3:8

Bong bana tawbatan bi na dusa bi, subay kam mōꞌ buktiꞌ ni kawul-piil bi.

Yahiya 1:47

Pag ndaꞌ si Isa luu na si Natanyel pasōng pa mman na, yuk na, “Atu na disu lalla tud pulnaꞌ bangsa Israil, yaꞌ pandoy ngandustaꞌ.”

Suwat si Pol pa mman Baanan Sukuꞌ si Isa ndooy ni Rom 15:14

Na siga danganakan, manganna situ ku kaam tud jama mahap maka lawom pangahati bi ni kabanahan pasal Tuhan. Sangkon, bistahan ku pandoy du sina kam sipaintom-paintom.

Suwat si Pol pa mman Baanan Sukuꞌ si Isa ndooy ni Rom 2:4

Sangka bi mareꞌ sukat mehe aseꞌ Tuhan maka tahaꞌ pasensiya na ningkaam, ga yaꞌ dari oy na niiya san kam amu-amu buwat kalaatan. Maka yaꞌ gi mareꞌ tabista bi ngkon na amu-amu manimbang ningkaam, kawu-kawu tawbatan bi na dusa bi.

Epesus 4:15

Gam pin mmeꞌ jaꞌ kitabi ni tōꞌ sabanna ka maaseꞌ ni jama ngabut sampay sumibuꞌ na du mimon arat-tabiat tabi ka Almasi. Iya ina takōk tabi.

Epesus 4:25

Sangkon ddong na kitabi ngandustaꞌ. Arapun subay kabanahan sadjaꞌ bitsala tabi ni pagkahi tabi. Batan tibuuk na kitabi bilang siga kalangkapan baran Almasi.

Epesus 6:14

Na siga kalangkapan man bi ngatuhan siga seytan ina meꞌ tuu: Duhuꞌ-duhuꞌ subay kam wā nanggehan kabanahan. Batan kabanahan ina bong dalil ta pa kalangkapan sundalu, yana kambot bi. Pasunuꞌ, subay kam wā paintong. Batan kaintongan bi ina binilang ampi bassi para dakan bi.

Pilipi 1:11

Kamura-murahan tattap na pin kam buwat kaintongan man tabang si Isa Almasi ni jataꞌ bi, pamaehe sanglit ka kabantugan pa Tuhan.

Kolossa 3:18

Na kaam, siga karandahan, subay kam ngasip ni lla bi batan ndang inaa pataꞌ ningkaam sukuꞌ Papuꞌ Isa.

1 Timuti 6:11

Sangkon Timuti, meꞌ kau disu lalla pinakoy meꞌ Tuhan, amay-amay palawak ko man kalaatan meꞌ looy. Iya pakutuun meꞌ nu buwat na pin kaintongan, meꞌ nu ngikut arat-tabiat Tuhan, sampay meꞌ nu mangando niiya ka maaseꞌ ni jama. Maka bila ko njawom kabinsanaan, tatasan nu na jaꞌ maka poun na pin lammaꞌ pangatayan nu.

Hibrani 1:8

Boꞌ ni Anak na ina, yuk Tuhan, “Meꞌ kau ina Tuhan, mastiꞌ natas saumu-umu pagkasultan nu. Maka intong jaꞌ meꞌ nu marintahan siga raayat nu.

Hibrani 11:33

Ga jama looy ilay, sabapan pangando da pa Tuhan, jinisan bay takaya da. Luu na bay maā siga sultan ka sundalu da man kalahat-lahatan. Maka luu du bay tanyag matangge kaintongan ni lahat da sampay koleꞌ jinisan supaat ma bay njanjiꞌ meꞌ Tuhan. Maka luu du bay hiniyakan pa jawom baanan halimaw, boꞌ yaꞌ san bay kongoy-kongoy.

1 Yahiya 2:29

Almasi ina, ndang katoonan tabi du, wā intong. Sangkon tatantu tabi soysoy buwat kaintongan, malaingkan anak Tuhan du ya.

3 Yahiya 1:11

Bagay ku, kakasi ku, daa kita ngakig kalaatan jama meꞌ looy, arapun iya pakutuꞌ ta kaayaran. Batan soysoy ina buwat kaayaran, tumatandaꞌ sukuꞌ Tuhan sila. Boꞌ sagannap ma buwat maat, yaꞌ katoonan da Tuhan.