Epesus 5:3 - Sabahagiꞌ Kitab Tawrat: Panagnaan ni Awwal Jaman maka Kitab Injil

³ Sangkon meꞌ kaam anak Tuhan na, daa na kam buwat oy maka oy na man bi kaawnan lamud ni hāl jina, kasabuhan atawa napsu mulakab.

Epesus 5:3 ပူးပေါင်းရင်းမြစ်များ

Matiyu 15:19

Batan luu du lakka man jawom atay jama pamiki maat ma moo jama mapatoy maka magjina, buwat kasabuhan danda-lalla, nangkaw, ngandustaꞌ maka mitna.

Lukas 12:15

Pag-anu siꞌ, yuk si Isa ninsila sikamimon ndooy, “Iyakin kam. Ilagan bi napsu mulakab ni altaꞌ. San du ina dangoy eka altaꞌ manusiyaꞌ, yaꞌ du kasampulnaꞌ ni nyawa da.”

Lukas 16:14

Pag takale meꞌ siga Parisi bitsala si Isa meꞌ looy, gam pin lay ya inudjuꞌ meꞌ da batan meꞌ punu njawom atay da sīn.

Salsila siga Rasul 15:20

Sugaꞌ subay du baw sina sila pokonan tabi suwat nohoꞌ ngilagan kasohean pabuwatan ma sinipin meꞌ bangsa Yahudi. Intong na, subay sila ngilagan sumbalian ma bay sinongan meꞌ siga kapil ni ga tuhan-tuhan da. Batan para ni bangsa Yahudi, makanan meꞌ looy ilay katamak ni manusiyaꞌ. Maka subay du sila inamay-amayan yaꞌ nohoꞌ ubay ka jama bong saꞌ lla da atawa nda da. Maka subay du sila yaꞌ nginum lahaꞌ atawa mangan sumbalian ma yaꞌ bay tiis lahaꞌ na.

Salsila siga Rasul 20:33

“Na,” yuk si Pol lagi, “meꞌ kaam ina pa-mmean ni siga sukuꞌ Tuhan, akigun bi jaꞌ ku. Halloman tabi bay samod, yaꞌ ku bay pingkaꞌ magkainagon ni pilak bi, mmas bi atawa pamakoy bi.

Suwat si Pol pa mman Baanan Sukuꞌ si Isa ndooy ni Rom 1:29

Pannoꞌ atay da leꞌ jinisan kalaatan ka kabingkokan ka napsu mulakab. Dahulakaꞌ sila maka dangkiꞌ sila. Inaa jaꞌ jawom atay da, doman sila mapatoy jama, sasaꞌ, ngalilu, ka makaat jama. Pangalimut sila maka

Suwat si Pol pa mman Baanan Sukuꞌ si Isa ndooy ni Rom 16:2

Na bong mintu ya takka pa lahat bi, hasiyun bi sa ya paayad sabap tibuuk du sina ya ka Papuꞌ Isa. Bong luu kulang na, daa kam paagak nulung iya. Iya ilay, meka na bay tatabangan na sampay na aku.

Suwat si Pol pa mman Baanan Sukuꞌ si Isa ndooy ni Rom 6:13

Amay-amay daa na pakoy tabi baran tabi buwat dusa. Gam pin paglillaꞌ tabi na baran tabi labbasakayi pa Tuhan supaya tapakoy man buwat kaintongan. Batan pagkajama tabi maruhuꞌ ma baldusa lay na matoy, pag batnaa, luu na kaallum tabi bahau.

1 Korin 10:8

Maka daa na kitabi ngikut sila kasohean bay magjina. Bistahun bi doꞌ, sabapan kalaatan da meꞌ looy, njawom dangallaw du, duwampuꞌ-tallu libu sila bay matoy.

1 Korin 5:1

Siga danganakan, magpaꞌ-pāꞌ na sina habal luu konoꞌ nnaa ni baanan bi disu lalla jina ka nda mmaꞌ na. Doꞌ kam la, san bina siga laanat yaꞌ du buwat meꞌ naa!

1 Korin 6:13

Luu gi sina kasohean halling, “Kinakan halliꞌ man ngisihan battong, kuwan battong, halliꞌ man ngisi kinakan. Maka hinansu jaꞌ du sina mintu sikaduwa meꞌ Tuhan bbos-bbos.” Na hantak bitsala da ilay siꞌ, dari san lalla ka danda magjina, batan inawnan baran da, mahap-maat bay pakoy da, mastiꞌ hansu jaꞌ du pag patoy da maka yaꞌ du konoꞌ nakka ahirat. Sugaꞌ yaꞌ san tabista da kon ta magbaran, saꞌ ga man ta magjina, arapun man ta moo kabantugan ni Papuꞌ Isa. Papuꞌ Isa pun ina moo kabantugan du ni baran ta.

1 Korin 6:18

Sangkon bong kinawnan magjina, amay-amay ilagan bi. Dusa meꞌ looy ilay pabiddaꞌ man dusa kasohean sabap sagannap ma magjina, ndusa sila sampay ni baran da mismu.

2 Korin 12:21

Bong ina sipais, meꞌ naa na pin kadarihan bi pag takka ku pilu, mehe meꞌ ku hinaꞌ pa Tuhan sabapan bi. Maka mehe sina mintu meꞌ ku magkasusahan bong luu gi nnaa yaꞌ gi bay nawbatan dusa da sampay masi buwat jinisan kalalamaan ka kasabuhan sampay kajinahan.

Epesus 5:12

Tandaꞌ ina ehe laat pabuwatan da ma sinipuk, san sinabbut, kaiyaꞌ-iyaꞌ.

Epesus 5:5

Katoonan bi na du sina, sagannap ma magjina atawa buwat kasabuhan yaꞌ tumabeꞌ ni pamarinta Almasi ka Tuhan. Damikiyan, sagannap ma magnapsu mulakab ni altaꞌ yaꞌ du tumabeꞌ, batan bbuwatan ma kinanapsuhan meꞌ da subay ga papuꞌ da sinumba meꞌ da.

Pilipi 1:27

Sugaꞌ san gi oy katuwaꞌ niyaku, inaa puntukan banahan, basta subay pataꞌ jaꞌ kawul-piil bi ka kaam jama ma mmeꞌ ni umanat mahap pasal Almasi. Meꞌ naa ina, luu-yaꞌ ku luu nnaa, taaka ku du sina mintu kaam sama-sama magtuyuꞌ kalnaꞌ Almasi. Maka sibuꞌ-sibuꞌ kam magmaksud maka dambuwaꞌ atay bi nanggehan umanat mahap mari jama pitsayaꞌ ni si Isa.

Kolossa 3:5

Sangkon, timanan bi na mimon kalaatan meꞌ sapantun jina ka mimon jinisan kasabuhan sampay pamiki maat. Maka daa na kam magnapsu mulakab ni altaꞌ. Batan bong ina inaa tabiat bi, sibuꞌ du kam ka numba altaꞌ.

1 Tesaloneka 4:3

Kahandak Tuhan ina subay kitabi sutsiꞌ. Sangkon bong kinawnan jina, basta palawak kam.

1 Tesaloneka 4:7

Kitabi ilay bay lliyun meꞌ Tuhan pa jawom okoman na supaya kitabi mōꞌ kawul-piil sutsiꞌ, saꞌ ga buwat kalalamaan.

1 Timuti 2:10

Arapun ilooy ya pataꞌ pakutuꞌ da meꞌ da buwat kaayaran ni jama. Inaa ya sina arat tawop ni karandahan ma ngingat dī da ngisbat Tuhan.

1 Timuti 3:3

Subay ya yaꞌ palalango maka subay yaꞌ bangis. Gam pin subay lammaꞌ pangatayan na maka subay ya pandoy ngilagan pagjawapan. Maka subay ya yaꞌ magnapsu mulakab ni sīn.

1 Timuti 6:10

Batan napsu mulakab ina ni sīn yana poonan jinisan pabuwatan maat. Kasohean jama, sabap ehe napsu da ni sīn, lay na sila magsiꞌ man tōꞌ si Isa ma kinapitsayaan meꞌ tabi. Sampay meka na kasusahan bay uwan da njataꞌ da.

2 Timuti 3:2

Batan kaekahan na sina mintu manusiyaꞌ, dī da du kaasean da. Maka magnapsu mulakab na sila ni sīn. Pangabbu gi sila ni kalangkaw atay da. Boꞌ meka gi sina yaꞌ paagak mitsala jama pa kalaatan. Yaꞌ sila ngasip ni induꞌ-mmaꞌ da, yaꞌ ngintom buddi maka yaꞌ tawu pa Tuhan.

Taytus 1:11

Tud subay sila yaꞌ padari nu noan siga jamaa nnaa sabap meka na paglūng magsiꞌ sabapan tōꞌ da. Isi tōꞌ da ina yaꞌ san pataꞌ sinabbut. Sugaꞌ amu-amu sila nōꞌ meꞌ looy sabapan eka sīn takoleꞌ da.

Taytus 1:7

Tiyap-tiyap pa-mmean ina, meꞌ halling sambat ku na siꞌ, subay yaꞌ luu sutsutan njataꞌ da. Tangge-tingkōꞌ da ndang subay sikatawop ka sila limbang Tuhan ngayaran siga sukuꞌ na. Subay yaꞌ langkaw atay da atawa pasuꞌ kōk da. Maka yaꞌ dari palalango. Subay sila yaꞌ bangis maka subay yaꞌ magnapsu mulakab ni sīn.

Taytus 2:3

Damikiyan baan nu du sagannap matatoa ma danda, arat-tabiat da subay moo kabantugan pa Tuhan. Subay sila yaꞌ mitna maka subay yaꞌ minarat ni inuman kalango. Subay sila noan

Hibrani 12:16

Maka iyakin kam taggahaꞌ ubay na baw kam mintu ka jama ma saꞌ lla bi atawa nda bi. Maka daa pondok pamiki bi meꞌ kadari bay jaman si Esaw yaꞌ ngisbat Tuhan. Bistahun bi doꞌ, subay siꞌ pagka si Esaw anak siyaka, lay na labuꞌ pa iya siga supaat ma bay njanjiꞌ meꞌ Tuhan ni mmaꞌ na. Salla na, lay jaꞌ sambian na supaat pagkasiyaka na ka lawuk sakayi kakan du.

1 Pitel 5:2

basta ayaran bi banahan siga sukuꞌ Tuhan ma njawman bi. Ipatun bi sila paayad meꞌ karuha baanan bili-bili inayaran meꞌ tukang ngipat sila. Daa kam magmaksud ngayaran sila supaya meka sīn takoleꞌ bi atawa man sabapan bay jaꞌ kam llogos. Meꞌ bi ngayaran sila, subay man gasad bayaꞌ bi ni kagāk bi saltaꞌ na ni katagi bi nulut kahandak Tuhan.

2 Pitel 2:10

Maka tud bohat sina pidjalaꞌ na ni sagannap ma amu-amu nganduwan napsu da buwat jinisan kasabuhan sampay ni sagannap ma yaꞌ kuhi lillaꞌ ni kapatut na. Boꞌ meꞌ looy na du silay bana kadari siga guru palsu ma bay sabbut ku siꞌ. Tud takabbu sila sampay nawakka buwat oy-oy karomanan da san tagga pa Tuhan. Yaꞌ san sila tawu madiyoꞌ sagannap ma ngantanan kawasa-kapatut mehe, ma subay pinaehe.

2 Pitel 2:14

Bila sila ngita danda, lanji jaꞌ njawom pamiki da. Tud yaꞌ luu dohong da buwat dusa. Bbuwatan da ngaliboy jama ma kulang iman mmeꞌ ni kalaatan da. Maka alistu sila ngulihal altaꞌ jama ni kamulakab napsu da. Jama meꞌ sila ilay minulkaan meꞌ Tuhan.

2 Pitel 2:3

Ni kamulakab napsu ga guru meꞌ looy ilay, bbuwatan da ina mintu nulun-nulun siga dustaꞌ bong pin koleꞌ jaꞌ sila sīn mman bi. Sugaꞌ jama meꞌ sila ina, man maruhuꞌ lagi ndang bay sinukuꞌ meꞌ Tuhan minulkaan. Boꞌ kabinasahan da ina mintu, ndang luu na bay sinaddiya.

Siga Pakaradjaan bay Pinalahil 2:14

Sugaꞌ luu gi du baw ina man ku kasallahan ningkaam. Kasohean kam nnaa, bbuwatan bi ngikut akka si Balaam mattoꞌ ma bay magpandoyan Sultan Balak bong pooy meꞌ na magsian bangsa Israil. Sabapan palbiatan si Balaam, lay na ga bay taboo-boo siga sukuꞌ Tuhan mangan sumbalian ma bay pingkaꞌ sinongan pa siga tuhan-tuhan, boꞌ lay gi sila taboo-boo magjina.

Siga Pakaradjaan bay Pinalahil 2:21

Hallom na situ ku bay paagad-agad, kawu-kawu tawbatan danda looy na kajinahan na, sugaꞌ yaꞌ du ya kuhi nawbat.

Siga Pakaradjaan bay Pinalahil 21:8

Sugaꞌ kuwan sagannap ma nuwak aku sabap tawu sila bininsanaꞌ sampay sagannap ma yaꞌ kuhi pitsayaꞌ niyaku, saꞌ sila sukuꞌ ku. Sila ina ka sagannap ma buwat kasabuhan, ma mapatoy jama, ma magjina, ma makoy ilmuꞌ seytan, ma numba siga tuhan-tuhan, sampay mimon ma ngandustaꞌ, ilooy du sukuꞌ da yana danaw looy ma pannoꞌ leꞌ api ka manilang ngereꞌ. Boꞌ ilooy na silay inawnan kapatoy ni kaduwa na.”

Siga Pakaradjaan bay Pinalahil 22:15

Sugaꞌ kuwan sagannap ma jahallis, meꞌ sapantun jama ma makoy ilmuꞌ seytan, ma magjina, ma mapatoy jama, ma numba siga tuhan-tuhan, ma tigiꞌ ngandustaꞌ ka ngalilu, yaꞌ dari paasok pa jawom daira looy.”

Siga Pakaradjaan bay Pinalahil 9:21

Ga jama looy ilay siꞌ masi yaꞌ kuhi nawbatan dusa da mapatoy jama, makoy ilmuꞌ seytan, nangkaw sampay magjina.