Epesus 5:26 - Sabahagiꞌ Kitab Tawrat: Panagnaan ni Awwal Jaman maka Kitab Injil

²⁶ supaya kitabi dari sukuꞌ na. Pag batnaa, lay na baw kitabi sinutsiꞌ meꞌ na sabap meꞌ tabi bay pitsayaꞌ ni umanat na sampay bay pinandi.

Epesus 5:26 ပူးပေါင်းရင်းမြစ်များ

Yahiya 13:10

Pag tampung si Isa siꞌ tu, “Tiyap-tiyap jama lay na mandi, sutsiꞌ na du baran na labbasakayi. Battis na jaꞌ subay kinosoan balik. Kuwan kaam ina, sutsiꞌ kam, sugaꞌ saꞌ baw tu kam mimon.”

Yahiya 15:3

Na kuwan siga engas looy ilay siꞌ ma bay pingkaꞌ llassahan, tuwaꞌ pa kaam. Kon meꞌ looy batan sutsiꞌ na kam sabap lay na kam pitsayaꞌ ni umanat ma bay bāꞌ ku ningkaam.

Yahiya 15:8

Bong ina kam buwat kahandak Mmaꞌ ku, malaingkan sibuꞌ du karuha bi ka engas buwaꞌ paeka. Boꞌ na, kaboo gi kam kabantugan mehe niiya, maka tumatandaꞌ na kaam siga mulit ku.

Yahiya 17:7

Dari pag batnaa katoonan da na mimon pabuwatan ku ka tōꞌ ku lakka mman nu.

Yahiya 3:5

Pag tampung si Isa, “Baan ta ko banahan, yaꞌ sina jama kapatabeꞌ ni pamarinta Tuhan bong yaꞌ doꞌ duhuꞌ bay pinamaddihan meꞌ boheꞌ ka Rū Sutsiꞌ.

Salsila siga Rasul 22:16

“Maka yuk si Ananiyas lagi niyaku, ‘Oy gi agad nu? Subay sina ko maku na kaampunan man Papuꞌ Isa, boꞌ nu pinandi mari puwas na mimon dusa nu.’ Dari siꞌ, lay du ya bay asip ku.

Salsila siga Rasul 26:18

makallat mata da supaya sila kapōꞌ na man jawom lindom pa jawom dantaꞌ. Man sabapan pangahati ma pasampay nu ninsila, kapōꞌ na sina mintu sila man jawom sakup Ibilis pa jawom sakup Tuhan. Maka sabapan pangando da ina mintu niyaku, puwas na mimon dusa da, boꞌ da kapatabeꞌ na ni siga sukuꞌ Tuhan.’

Suwat si Pol pa mman Baanan Sukuꞌ si Isa ndooy ni Rom 10:8

Dari pagka umanat mahap pasal pitsayaꞌ ka pangando ni Almasi pinasaplag na pin, yaꞌ na sina kaawran manusiyaꞌ nammu kasalamatan. Boꞌ magtuntun du ka suwat njawom kitab, ilooy ma yuk na, “Umanat Tuhan ina luu na pin mman bi. Luu na njawom behe bi sampay njawom atay bi.” Na mimon ma bay sabbut ku ilay siꞌ tabeꞌ du silay ni umanat ma pinasaplag meꞌ kami pasal pangando ni si Isa. Dari tuktuk kami masaplag, yuk kami,

1 Korin 6:11

Kaam pun ina maruhuꞌ, meꞌ naa du bay kadarihan bi kasohean. Lipara, lay na kam sinutsiꞌ, maka lay na kam binuwat sukuꞌ Tuhan sampay initung intong. Na mimon kaayaran looy siꞌ, yaꞌ silay bay takoleꞌ bi bong saꞌ sabapan pabuwatan Papuꞌ tabi si Isa Almasi ka Rū Tuhan.

2 Korin 11:2

Aku itu, meꞌ Tuhan na du sēng ningkaam. Batan meꞌ ku ka kaam, sibuꞌ du kam ka budjang bay pinagsitunang meꞌ ku ka disu lalla, yana Almasi. Sangkon subay kam jagahan ku paayad.

Epesus 6:17

Pasunuꞌ, pahamun bi paayad kabanahan pasal kasalamatan bi mari kam yaꞌ magsiꞌ. Batan pangahati bi ina ni kasalamatan bi binilang saruk bassi bi ma namingan kōk bi. Maka kannahun bi palman Tuhan ma ndean meꞌ Rū Sutsiꞌ ningkaam. Batan palman Tuhan ina, yana kataliꞌ bi man bi ngatuhan banta bi.

Kolossa 3:16

Kannahun bi banahan mimon tōꞌ Almasi. Maka pakoyun bi na pangahati ma bay dean Tuhan ningkaam man bi sitoꞌ-tōꞌ atawa pun sipaintom-paintom. Maka ngalang kam siga kalangan pudji pa Tuhan meꞌ sapantun kalangan man jawom Kitab Jabul atawa kalangan sarī ma kasulut ni Tuhan tandaꞌ mehe meꞌ bi magsuku niiya.

Taytus 2:14

Iya ilay, lay na ga bay nongan umu na kalnaꞌ kitabi supaya tapaddusan na na kitabi man tabiat tabi buwat dusa, maka supaya tapasutsiꞌ na kitabi. Batan kahandak na ina, luu na sukuꞌ na ma tinagi buwat mahap, ma pabiddaꞌ man kasohean manusiyaꞌ.

Hibrani 10:10

Dari pagka lay na si Isa Almasi nongan umu na man na nganduwan kahandak Tuhan, ilooy na bay poonan tabi initung sutsiꞌ pa Tuhan. Boꞌ kapatoy na ilay, san yaꞌ na binalikan, batan tasakup na na saumu-umu para muwasan dusa manusiyaꞌ.

Hibrani 10:14

Dari siꞌ, man sabapan Almasi bay nongan umu na sakayi labba du, puwas na dusa sagannap ma sinutsiꞌ meꞌ na. Boꞌ tasakup na na sina saumu-umu.

Hibrani 10:22

Patapit na kitabi pa Tuhan ni kahilas atay tabi ka ni kabasag pangando tabi niiya. Tatantu tabi na hinasi jaꞌ kitabi meꞌ Tuhan batan lay na sinutsiꞌ atay tabi ka lahaꞌ si Isa. Baran tabi pun, lay na du bay pinandi ka boheꞌ sutsiꞌ. Maka yaꞌ na du luu jawom honaꞌ-honaꞌ tabi ga masi kitabi dusahan pa Tuhan.

Hibrani 10:29

Na bong meꞌ naa bohat pidjalaꞌ ni jama ma bay nuwak saraꞌ, labi na saꞌ bohat pidjalaꞌ ni sagannap ma nikutan Anak Tuhan saula-ula puus boboꞌ sadjaꞌ ya. Sat da saꞌ māꞌ yaꞌ na luu kapansahaliyan lahaꞌ si Isa bay pinaduwai. Padahal, lahaꞌ na ilay bay man da pingkaꞌ sinutsiꞌ sampay muwan kasāhan ni pagsulutan bahau antaraꞌ Tuhan ka manusiyaꞌ. Ga jama meꞌ looy ilay, sibuꞌ du sila ka bay mahinaꞌ Rū Sutsiꞌ ma bay masampayan sila aseꞌ.

Hibrani 13:12

Damikiyan si Isa pun, lay du bay binoo pa poan daira. Maka ndooy na ya bay naggaan paddi sampay makkat. Maka sabapan lahaꞌ na bay pinaduwai, ilooy na man na nutsiꞌ atay siga sukuꞌ na.

Hibrani 4:12

Na palman Tuhan ina kawasahan boꞌ kabuwan gi kaallum bahau. Dari ko ngawon, palman na tawom gi man kataliꞌ batan ngassob sina pa jawom atay tabi sampay pa nyawa tabi. Maka palman na ina, inaa na man tabi mindoga bong mahap atawa maat pamiki tabi ka niyat atay tabi.

Hibrani 9:14

Na bong lahaꞌ hayop kasutsiꞌ, labi na bong lahaꞌ Almasi saꞌ kasutsiꞌ. Batan lahaꞌ Almasi ina kasutsiꞌ sampay ni honaꞌ-honaꞌ tabi ma bay tamakan sabap meꞌ tabi bay maabak jinisan ma katiksaꞌ ni nyawa tabi. Dari man kawasa Rū Sutsiꞌ ma luu saumu-umu, lay na Almasi nongan umu na pa Tuhan bilang kulban ma yaꞌ luu salla na. Kon na buwat meꞌ looy supaya bean tabi na kahandak Tuhan.

Yaꞌkub 1:18

Man kahandak na, lay na ya muwanan kitabi kaallum bahau sabap meꞌ tabi pitsayaꞌ ni umanat kabanahan pasal Almasi. Maksud na supaya tumatandaꞌ na kitabi patingkat niiya man mimon-mimon ma bay pinapayak meꞌ na.

1 Pitel 1:2

Halloman tabi yaꞌ gi bay lahil pa junyaꞌ, ndang katoonan Tuhan na pitsayaꞌ kitabi ni si Isa bbos-bbos. Dari man gantaan Tuhan, lay na kitabi sinutsiꞌ meꞌ Rū na. Maksud na supaya kitabi ngasip ni si Isa Almasi, maka supaya puwas na dusa tabi sabapan lahaꞌ si Isa bay pinaduwai kalnaꞌ kitabi. Kamura-murahan lipat man lipat na pin kasannangan ningkaam ka barakat man Tuhan.

1 Pitel 3:21

Kasalamatan da ilay ni boheꞌ dunuk looy mattoꞌ, tadalil tabi pa boheꞌ man tabi bay pinandi tandaꞌ tabi lay na salamat man hukuman Tuhan. Kitabi ilay bay pinandi, saꞌ ga pandihan man ngalakkahan lumut ni baran tabi. Arapun pandihan tabi ina yana sipat lay na kitabi maku ampun man Tuhan mari hayang na pamiki tabi. Boꞌ kasalamatan tabi itu mawjud na batan lay na pinakallum pabalik si Isa Almasi.

2 Pitel 1:9

Sugaꞌ sagannap ma yaꞌ mogbogan arat-tabiat meꞌ naa, sibuꞌ du sina karuha da ka jama buta ni kaawam da. Tumatandaꞌ landuꞌ pondok pamiki da batan yaꞌ na san taintom da mimon dusa da lay na pinuwasan maka pangatayan da bay sinutsiꞌ.

1 Yahiya 5:6

Na si Isa ilay, luu buktiꞌ man tabi toon iya Anak Tuhan bay pinapitu pa junyaꞌ. Disu buktiꞌ yana jaman na bay tasakup meꞌ jama pinandi ka boheꞌ. Kaduwa na, jaman lahaꞌ na bay pinaduwai. Dari siꞌ, sarī man jaman si Isa bay pinandi, kapatoy na pun, buktiꞌ du iya yana Anak Tuhan. Katallu na, luu gi Rū Sutsiꞌ makitau ningkitabi. Boꞌ mimon ina ma pinakitau meꞌ Rū Sutsiꞌ, mastiꞌ bana sadjaꞌ.

Suwat Lakka man si Jūd 1:1

Aku itu si Jūd, disu ata si Isa Almasi. Maka aku itu danganakan si Yaꞌkub. Itu suwat ku pa mman bi, sagannap ma bay lliyun meꞌ Mmaꞌ tabi Tuhan binuwat sukuꞌ na, yana kaam ma kinaasean meꞌ na sampay inayaran meꞌ si Isa Almasi.