Epesus 5:25 - Sabahagiꞌ Kitab Tawrat: Panagnaan ni Awwal Jaman maka Kitab Injil

²⁵ Na kuwan kaam baw siga kalallahan ma ndahan, subay kam maasean nda bi. Akigun bi jaꞌ aseꞌ Almasi ningkitabi ma pitsayaꞌ niiya. Tandaꞌ aseꞌ na, lay na ga ya bay nongan umu na kalnaꞌ kitabi

Epesus 5:25 ပူးပေါင်းရင်းမြစ်များ

Panagnaan 2:24

Sangkon na ina, bila lalla ndahan na, pasakkat na ya man induꞌ-mmaꞌ na, boꞌ na nibuuk dī na na ka nda na. Dari bay duwa gi sila, lay na dari disu baran sa.

Panagnaan 24:67

Dari siꞌ, lay na si Ribeka boo si Isahak pa lumaꞌ imuwa nneꞌ na si Sara sampay lay na sila kinawin. Boꞌ tud maaseꞌ ya banahan ni si Ribeka. Dari labba mandooy, lay na pakulang karukkaan na ni bay kapatoy nneꞌ na.

Matiyu 20:28

Minsan aku, Anak Manusiyaꞌ, yaꞌ du ga kon ku bay pitu muhung inintu. Arapun kon ku itu bay pitu mari ku kaintu manusiyaꞌ sampay nongan umu ku mari meka na jama pinaddusan man hukuman ni dusa da.”

Yahiya 6:51

Boꞌ aku na situ makanan looy ma luu na bay duwai man sulgaꞌ. Aku itu makanan llum. Bong jama bay kakakan, malaingkan llum sila saumu-umu ni okoman Tuhan. Makanan ma awnan ku tu yana isi baran ku ma pinaglillaꞌ meꞌ ku kalnaꞌ mimon manusiyaꞌ supaya sila koleꞌ kasampulnaan nyawa saumu-umu.”

Salsila siga Rasul 20:28

Pag-anu, yuk si Pol lagi ni ga pa-mmean looy, “Ilagan bi dī bi. Maka ayaran bi mimon sukuꞌ si Isa ma bay hinalap meꞌ Rū Sutsiꞌ ningkaam. Tud kinasengan sina sila meꞌ Tuhan. Sila ilay meꞌ sapantun altaꞌ Tuhan ma bay binalli meꞌ na ka lahaꞌ Anak tungga na.

Galatiya 1:4

ma bay nongan umu na man muwasan dusa tabi. Maksud na supaya kitabi tapaddusan na man jawom sakup kalaatan ntuu ni junyaꞌ. Boꞌ ndang ituu na situ bay garaꞌ Mmaꞌ tabi Tuhan man maruhuꞌ-ruhuꞌ lagi.

Galatiya 2:20

Pag batnaa, Almasi na llum ni baran ku, saꞌ na aku. Sangkon kahandak na jaꞌ bean ku, saꞌ na kahandak ku. Maka batnaa, halloman ku llum, mangando jaꞌ ku ni Anak Tuhan. Batan maaseꞌ ya niyaku sampay lay na ga paglillaꞌ na dī na pinapatoy kalnaꞌ aku.

Epesus 5:2

Subay kitabi wā maasean pagkahi tabi manusiyaꞌ meꞌ karuha Almasi bay maasean kitabi. Tandaꞌ aseꞌ na, lay na ga ya nongan umu na kalnaꞌ kitabi. Yana meꞌ jama bay numbaliꞌ bili-bili man ngulban maruhuꞌ, Almasi pun lay na du bay pinapatoy binuwat kulban kalnaꞌ kitabi. Bay pabuwatan Almasi ilay nulut ni kahandak Tuhan. Bong ibaratan bawu, tud kahamutan ya.

Epesus 5:28

Sangkon, yana meꞌ Almasi maasean kitabi, damikiyan kalallahan pun, subay du maasean nda da sibuꞌ ka aseꞌ da ni dī da. Soysoy ina maasean nda na, sibuꞌ du ya ka maasean dī na.

Epesus 5:33

Sugaꞌ ayat looy ilay tuwaꞌ pa kaam du baw silay ma sitampu. Sangkon kaam, siga kalallahan, pooy-pooy aseꞌ bi ni baran bi, subay meꞌ naa du aseꞌ bi ni nda bi. Kuwan kaam baw, siga karandahan, amay-amay subay kam magmaltabat ni lla bi.

Kolossa 3:19

Kuwan kaam, kalallahan, subay kaasean bi nda bi. Daa kabangisan bi.

1 Timuti 2:6

Iya ilay, atas na bay nongan umu na supaya tatanggung na dusa manusiyaꞌ sikamimon mari sila kapaddus man hukuman ni dusa da. Boꞌ ituu na situ masa bay ginantaꞌ man umanat pasal iya pinasaplag.

1 Pitel 3:7

Na bitsala tuu ma pasunuꞌ para ningkaam kalallahan. Subay kam pandoy mogbogan kasalassayan ka nda bi. Maka isbatun bi meꞌ bi nabangan sila batan yaꞌ sibuꞌ anggawtaꞌ da ka lalla. Magmaltabat kam ninsila, batan sibuꞌ-sibuꞌ du kam bay kapusakahan ladjikiꞌ man Tuhan, yana kasampulnaan nyawa saumu-umu. Bong ina yaꞌ mahap meꞌ bi buwat nda bi, malaingkan yaꞌ du kinabbul duwaa bi meꞌ Tuhan.

Siga Pakaradjaan bay Pinalahil 1:5

Maka kamura-murahan binuwanan na pin kam kasannangan ka barakat meꞌ si Isa Almasi, ilooy ma kanaalla masampay kabanahan pasal Tuhan. Iya ilay bay duhuꞌ pinakallum pabalik ka baran ma yaꞌ na kuhi matoy. Maka iya du marintahan mimon panghuluꞌ ni sikaliput junyaꞌ. Ni kaehe aseꞌ na ningkitabi, atas na man lahaꞌ na bay tumpa supaya tapaddusan na kitabi man hisab ni dusa tabi.

Siga Pakaradjaan bay Pinalahil 5:9

Maka bbuwatan da ngalang kalangan bahau man mudji Bili-bili looy, yuk da, “Kau du tawop ngaddoꞌ suwat naa sampay ngalukap siga kanjiꞌ na sabap lay ko bay nongan umu nu man maddusan manusiyaꞌ man komkoman Ibilis. Lahaꞌ nu bay pinaduwai supaya dari sukuꞌ Tuhan na jama ni mimon kalahat-lahatan ka mimon kabangsa-bangsahan, kaniya-kaniya ka jinisan pallun da.