Epesus 5:11 - Sabahagiꞌ Kitab Tawrat: Panagnaan ni Awwal Jaman maka Kitab Injil

¹¹ Daa kam mmeꞌ-mmeꞌ meꞌ uwahan jama njawom kalindoman buwat jinisan ma yaꞌ pataꞌ pinabuwat. Arapun pakitahan bi sila kaintongan kawul-piil bi mari tumatandaꞌ kalaatan da.

Epesus 5:11 ပူးပေါင်းရင်းမြစ်များ

Panagnaan 20:16

Maka yuk na ni si Sara, “Buwanan ku na kakaꞌ nu dalibu dublun pilak porol ni pag-awpan soheꞌ bi sikamimon. Maksud ku nambunan oy-oy bay kasaan ku ningkau sampay man ku makitahan jama yaꞌ luu kasaan nu samasakali.”

Matiyu 18:15

Pag-anu, yuk si Isa lagi, “Bong luu disu jama ma pitsayaꞌ niyaku bay buwat maat ningkau, pilay ko pa mman na. Baan nu ya bong oy kasaan na. Sugaꞌ subay duwang-duwangan jaꞌ kam. Bong ina ya pakale sampay mangaku sāꞌ na, malaingkan sikahāp na sina kam pabalik.

Lukas 3:19

Pus mandooy, lay gi si Yahiya nahawi Gubnul Herod Antipas pasal dusa na bay ngagaw ipa na si Herodiyas binuwat nda na. Boꞌ meka gi jinisan kalaatan na bay binungka meꞌ si Yahiya.

Salsila siga Rasul 26:18

makallat mata da supaya sila kapōꞌ na man jawom lindom pa jawom dantaꞌ. Man sabapan pangahati ma pasampay nu ninsila, kapōꞌ na sina mintu sila man jawom sakup Ibilis pa jawom sakup Tuhan. Maka sabapan pangando da ina mintu niyaku, puwas na mimon dusa da, boꞌ da kapatabeꞌ na ni siga sukuꞌ Tuhan.’

Suwat si Pol pa mman Baanan Sukuꞌ si Isa ndooy ni Rom 13:12

Waktu itu batnaa, ibaratan sangom, agon katis na dambahangi, maka tapit na pakallat mataallaw. Sangkon, mimon pabuwatan maat, ibaratan badjuꞌ, urusan tabi na. Boꞌ saynan tabi na ka kaintongan. Batan kaintongan tabi ina, yana pakakas man tabi nalloban kalaatan.

Suwat si Pol pa mman Baanan Sukuꞌ si Isa ndooy ni Rom 16:17

Siga danganakan, junjung ku na ningkaam, iyakin kam ni siga jama ma moo pagsaggaan ni baanan bi sabap meꞌ da nulang kabanahan ma bay tinōꞌ ningkaam. Ilagan bi sila

Suwat si Pol pa mman Baanan Sukuꞌ si Isa ndooy ni Rom 6:21

Sugaꞌ yaꞌ silay luu paluntungan bay takoleꞌ tabi ni pamiki meꞌ looy. Gam pin lay gi kitabi koleꞌ katiksaan nyawa. Sarī gi, iyaꞌ na kitabi tuktuk taintom tabi bay kadarihan tabi.

Galatiya 6:8

Na hantak bitsala ku ilay siꞌ, bong kita nganduwan napsu ta, pag toklas na, binasa kita. Sugaꞌ bong kita mmeꞌ ni kahandak Rū Sutsiꞌ, sampulnaꞌ nyawa ta saumu-umu.

Epesus 4:22

Maka ndang lay na kam binaan ni hāl pagkajama bi maruhuꞌ, bong ibaratan badjuꞌ lamaꞌ, urusan bi na, batan kabinasa sina ni kaallum bi. Maruhuꞌ ilay, bay jaꞌ kam taboo-boo meꞌ napsu bi buwat jinisan kalaatan.

Epesus 5:12

Tandaꞌ ina ehe laat pabuwatan da ma sinipuk, san sinabbut, kaiyaꞌ-iyaꞌ.

Epesus 5:7

Sangkon, daa na kam mmeꞌ ninsila palamud ni kalaatan da.

Kolossa 1:12

Maka kamura-murahan tattap du meꞌ bi muwan pagsukuhan ni Mmaꞌ tabi Tuhan sabap meꞌ na bay matawop kaam tumabeꞌ ni mimon kaayaran ma ndang bay hinalliꞌ ni sukuꞌ na ma njawom dantaꞌ.

2 Tesaloneka 3:14

Bong ndaꞌ bi luu nnaa yaꞌ maruli ni pituwa kami jawom suwat tuu, indanan bi. Daa na kam palamud ninsila supaya tabista da na yaꞌ tuwaꞌ pabuwatan da, boꞌ da iyaꞌ ni dī da.

2 Tesaloneka 3:6

Na siga danganakan, ni kapatut bay ndean kami meꞌ Papuꞌ tabi si Isa Almasi, luu gi situ panohoan ku ningkaam. Bong luu pagkahi bi sukuꞌ si Isa nnaa ma hūk buwat maka yaꞌ mean bay tōꞌ kami ningkaam, daa kam palamud ninsila.

1 Timuti 5:20

Sugaꞌ bong mintu ya bay kamattanan, subay ya sinaggong ni pag-awpan baanan jamaa nnaa supaya tawu na du ilooy kasohean buwat dusa meꞌ iya.

1 Timuti 5:22

Na ni hāl meꞌ nu meneꞌ jama binuwat pa-mmean nnaa, daa ko os-os. Subay doꞌ duhuꞌ bay pingkaꞌ liling nu paayad arat-tabiat da boꞌ nu nappak bumbunan da nguwakilan sila. Paayad-ayad ko meneꞌ taggahaꞌ luu gi kalaatan da ma yaꞌ tasayu. Batan bong ina masi luu, boꞌ mintu lay na bungka, taggahaꞌ talapay na baw ko. Sarī man naa, bogbogan nu na pin kasutsian nu.

1 Timuti 6:5

Ga guru meꞌ naa ina mōꞌ jaꞌ kalingogan. Bingkok pamiki da maka magsiꞌ sila man kabanahan. Bong ninsila, agama yana lanan man da magkadayahan.

2 Timuti 3:5

Bong ndaꞌ mata, meꞌ bantuk ngisbat sila Tuhan. Sugaꞌ sabana na, tuwak da Tuhan ka kawasa na ngahalin pangatayan da. Sangkon daa ko samod ka ga jama meꞌ looy.

2 Timuti 4:2

masaplag umanat Tuhan. Pagbuli-bulihan nu na noan jama kabanahan, doman-yaꞌ sila doman mmeꞌ. Paintoman nu na pin sagannap ma magsāꞌ atawa amu-amu buwat dusa. Bitsalahan nu sila nohoꞌ nawbat. Patagguhun na pin iman da. Maka bila ko noan sila, subay tahaꞌ jaꞌ pasensiya nu.

Taytus 2:15

Na Taytus, ituu siꞌ sikamimon ma bay suwat ku ningkau, pasampayun sa ni siga baanan sukuꞌ si Isa nnaa. Buwansangan nu sila mmeꞌ ni tōꞌ tuu. Bong luu pagkahi nu yaꞌ doman mmeꞌ ni tōꞌ tuu, daa pabiyahun. Ndang-ndang luu du kapatut nu naup sila.

Siga Pakaradjaan bay Pinalahil 18:4

Pus meꞌ looy, kale na baw ku suwara pōꞌ man sulgaꞌ, yuk na, “Kaam, siga sukuꞌ ku, palawak na kam man Babilon supaya kam yaꞌ kalakkotan meꞌ dusa na maka supaya kam yaꞌ talapay ni siga balaꞌ ma song takka pa jataꞌ na.