Epesus 4:31 - Sabahagiꞌ Kitab Tawrat: Panagnaan ni Awwal Jaman maka Kitab Injil

³¹ Sangkon sapatut na, labbahan tabi na mimon kato tabbuk tabi ka lasu tabi sampay lammis tabi. Ddong na tabi ngalebeꞌ-lebean jama atawa mitna. Intong na, mimon kalaatan tabi ni pagkahi tabi manusiyaꞌ, labbahan tabi na.

Epesus 4:31 ပူးပေါင်းရင်းမြစ်များ

Panagnaan 27:41

Dari labba man llaw looy na siꞌ, lammis na si Esaw ni si Yaꞌkub sabap supaat man mmaꞌ na para niiya, lay na takoleꞌ meꞌ si Yaꞌkub. Dari siꞌ jawom atay si Esaw, “Biyahun na, yaꞌ na du situ hallom, matoy na du Simmaꞌ. Pag mintu lay na ya limbu, papatoy ku sa si Yaꞌkub.”

Panagnaan 37:21

Lipara, pag takale meꞌ si Ruben, lay ya miha jalan man na nabang si Yusup. Dari yuk na, “Daa ba papatoyun bi.

Panagnaan 37:4

Pag liling ga siyaka na pabiddaꞌ aseꞌ mmaꞌ da ni siyali da, ilooy ma kinagigitan na ya. Dari pagpōꞌ-pagpōꞌ bitsala da ni si Yusup, kasla na jaꞌ.

Panagnaan 4:8

Na disu llaw, yuk si Kayin ni si Habil, “Hongan teꞌ ku Diꞌ pilay pa huma.” Takka da ndooy, lay pinapatoy meꞌ si Kayin ariꞌ na.

Salsila siga Rasul 21:30

Na yaꞌ hallom, hiluhalaꞌ na ni sikaliput Jerusalem. Maka meka na bahuklud pilay pa haman langga mehe. Pag-anu, boꞌ da ngangguyud-guyud si Pol pa poan. Lay jaꞌ siꞌ sila ni poan, magti kinunsiꞌ lawang haman langga looy mari yaꞌ na luu kahiposan njawom.

Suwat si Pol pa mman Baanan Sukuꞌ si Isa ndooy ni Rom 3:14

Sigi-sigi pōꞌ sumpaꞌ ka bitsala gigit man jawom behe da.

1 Korin 14:20

Siga danganakan, kaam ina ma bay kaladjikian mitsala ni siga pallun ag-agan, sibuꞌ du karuha bi ka anak-anak luu kuli-kulihan na bahau tud kinasengan meꞌ na. Sugaꞌ ddong na kam ngakig pamiki anak-anak. Akigun bi na siga matatoa patong pamiki da. Luu baw beꞌ disu pakaradjaan ma pataꞌ man bi ngantanan pamiki anak-anak dikiꞌ, yana hāl meꞌ da yaꞌ kapiki nulun-nulun kalaatan.

1 Korin 5:8

Sangkon daa na takupan tabi kapatoy si Isa kalnaꞌ kitabi. Tikutan tabi na mimon kalaatan ka pabuwatan ma makaat pagkahi tabi manusiyaꞌ. Bogbogan tabi na kasutsian tabi. Maka subay kitabi wā mitsala kabanahan.

2 Korin 12:20

Ituu baw tu kahanggawan ku taggahaꞌ pag takka ku pilu, sarī holat ku, sarī na baw kadarihan bi. Boꞌ yaꞌ du sina mintu kam kamahapan bong subay na pin ku nahawi kaam. Ilooy kagampangan ku taggahaꞌ luu na pin kam nnaa sasaꞌ-manasaꞌ, sikadangkiꞌ-kadangkiꞌ, sikalasu-kalasu sampay yaꞌ ngaddoꞌ-ngaddoꞌ pa lassa. Maka gampang ku taggahaꞌ bbuwatan bi mitna, ngalimut, maglangkaw-langkawan sampay buwat kahiposan nnaa.

Galatiya 5:20

numba kajinisan sarī man Tuhan, ka makoy ilmuꞌ seytan. Boꞌ na, daran sila lammis, sasaꞌ, dangkiꞌ ka pasuꞌ kōk da. Tabiat da ina ngulihal kaayaran ni dī da sadjaꞌ. Maka mōꞌ sila pagsaggaan atawa magsisasaꞌ pagkahi da dambaanan.

Epesus 4:22

Maka ndang lay na kam binaan ni hāl pagkajama bi maruhuꞌ, bong ibaratan badjuꞌ lamaꞌ, urusan bi na, batan kabinasa sina ni kaallum bi. Maruhuꞌ ilay, bay jaꞌ kam taboo-boo meꞌ napsu bi buwat jinisan kalaatan.

Epesus 4:25

Sangkon ddong na kitabi ngandustaꞌ. Arapun subay kabanahan sadjaꞌ bitsala tabi ni pagkahi tabi. Batan tibuuk na kitabi bilang siga kalangkapan baran Almasi.

Epesus 4:26

Bong luu lasu bi, njawom iman kam taggahaꞌ dapat dusa na baw kam. Sangkon lasu batnaa, daa na pinagsumawung lagi,

Kolossa 3:19

Kuwan kaam, kalallahan, subay kaasean bi nda bi. Daa kabangisan bi.

Kolossa 3:8

Sugaꞌ batnaa, timanan bi na mimon kalaatan meꞌ looy. Gigit njawom atay pun, ka lasu, timanan bi na du. Damikiyan, pabuwatan ma makaat pagkahi bi sampay pitna ka bitsala lakaꞌ-lakaꞌ labbahan bi na du.

1 Timuti 3:11

Damikiyan, kuwan nda tukang nabang, subay du hatu maka subay yaꞌ pandoy mitna. Subay ya pandoy ngagak dī na sampay taasahan buwat mimon ma sinukuꞌ niiya.

1 Timuti 3:3

Subay ya yaꞌ palalango maka subay yaꞌ bangis. Gam pin subay lammaꞌ pangatayan na maka subay ya pandoy ngilagan pagjawapan. Maka subay ya yaꞌ magnapsu mulakab ni sīn.

1 Timuti 5:13

Lagiꞌ na, bong ina patabeꞌ bi sila ni listahan, adakala ngahūk na baw sila buwat. Ilooy ilagan ta taggahaꞌ maglanyawan na jaꞌ sila padisu-padisu lumaꞌ ngusiat kahalan jama atawa ngalimut sampay mōꞌ jinisan bitsala ma yaꞌ pataꞌ sinabbut.

2 Timuti 2:23

Maka daa ko palamud ni pagjawapan ma yaꞌ luu kapuspusan na meꞌ ilooy ma pinaabak meꞌ jama awam ni kabanahan. Tasayu nu du sina, inaa na poonan jama sasaꞌ-manasaꞌ.

2 Timuti 3:3

Bbos-bbos meka na sina yaꞌ manimbang ni jama atawa pun yaꞌ kuhi miha kasalassayan, maka yaꞌ kuhi ngampun. Gam pin sipitna-pitna gi sila. Meka na sina mintu yaꞌ pandoy ngagak dī da. Maka meka na dahulakaꞌ sampay yaꞌ na luu dawom da ni kaintongan.

Taytus 1:7

Tiyap-tiyap pa-mmean ina, meꞌ halling sambat ku na siꞌ, subay yaꞌ luu sutsutan njataꞌ da. Tangge-tingkōꞌ da ndang subay sikatawop ka sila limbang Tuhan ngayaran siga sukuꞌ na. Subay yaꞌ langkaw atay da atawa pasuꞌ kōk da. Maka yaꞌ dari palalango. Subay sila yaꞌ bangis maka subay yaꞌ magnapsu mulakab ni sīn.

Taytus 2:3

Damikiyan baan nu du sagannap matatoa ma danda, arat-tabiat da subay moo kabantugan pa Tuhan. Subay sila yaꞌ mitna maka subay yaꞌ minarat ni inuman kalango. Subay sila noan

Yaꞌkub 1:19

Na siga danganakan, kakasi ku, indanan bi. Kitabi itu subay badja pakale. Daa hangat kitabi na jaꞌ mitsala. Maka daa kitabi os-os lasu.

Yaꞌkub 3:14

Sugaꞌ bong ina luu dangkiꞌ atawa gigit njawom atay bi atawa pun isu-isu parasahan bi du pinaruli meꞌ bi, daa na kam ngabbu saula-ula luu pangahati bi lawom. Yaꞌ du sina luu kabanahan ni bitsala bi.

Yaꞌkub 4:11

Siga danganakan, daa kam mitsala pagkahi bi pa kalaatan. Bong ina kam buwat meꞌ naa atawa pun os-os manding pagkahi bi pa kalaatan, sat bi saꞌ māꞌ yaꞌ luu pūs saraꞌ Tuhan pasal meꞌ sikaaseꞌ-kaaseꞌ. Sibuꞌ du karuha bi ka bay buwat dī bi magpandoy-pandoy manding saraꞌ Tuhan bong tuwaꞌ atawa niyaꞌ. Boꞌ saꞌ sina sukuꞌ bi manding saraꞌ na. Kaam ina, sukuꞌ bi tinggal ngasip jaꞌ.

1 Pitel 2:1

Na pagka luu na kaallum bi bahau, timanan bi na mimon pabuwatan maat maka mimon dustaꞌ. Daa dan jinis bitsala bi, boꞌ sarī na baw pabuwat bi. Daa na kam dangkiꞌ atawa mitnahan pagkahi bi manusiyaꞌ.

1 Yahiya 3:12

Daa na kitabi mmeꞌ meꞌ uwahan jaman si Kain. Iya ilay sukuꞌ Ibilis, boꞌ tumatandaꞌ du ni buwatan na bay mapatoy ariꞌ na si Habil. Kon na ilay bay buwat meꞌ looy sabap nabiat ya buwat kalaatan, boꞌ dugahan ya ni ariꞌ na buwat kaintongan.

1 Yahiya 3:15

Boꞌ na, soysoy ina lammis ni pagkahi na, initung meꞌ Tuhan pamonoꞌ. Boꞌ katoonan bi na du, tiyap-tiyap ina pamonoꞌ, yaꞌ luu kasampulnaan nyawa na.

Siga Pakaradjaan bay Pinalahil 12:10

Pag-anu siꞌ, kale na baw ku suwara haddo lakka man sulgaꞌ, yuk na, “Batnaa luu na takka kasalamatan ka kawasa man Tuhan tabi ddas ka pamarinta na. Maka luu na takka kawasa-kapatut Almasi, ilooy ma bay pineneꞌ meꞌ Tuhan marinta. Batan lai na Ibilis pinōꞌ man sulgaꞌ, panumbung looy ma sangom-llaw malaat siga pagkahi tabi sukuꞌ Almasi pa Tuhan.