Epesus 4:29 - Sabahagiꞌ Kitab Tawrat: Panagnaan ni Awwal Jaman maka Kitab Injil

²⁹ Timanan bi na mimon bitsala maat atawa lakaꞌ-lakaꞌ. Ilooy ya poun bi yana bitsala ma katabang atawa ma kasambu ni nyawa sagannap ma kale.

Epesus 4:29 ပူးပေါင်းရင်းမြစ်များ

Matiyu 5:16

Kaam pun ina, subay du kam yaꞌ napuk dantaꞌ bi ni manusiyaꞌ. Hati na, subay kam makitahan jama kawul-piil ayad supaya mudji na sila Mmaꞌ bi Tuhan ni sulgaꞌ sabapan bi.

Lukas 4:22

Pag-anu, siga jamaa ndooy baw siꞌ tu, bbuwatan da nanglitan iya. Tud bay inu-inu sila ni kaayad bitsala na. Sugaꞌ kasohean baw sila kaawran pitsayaꞌ niiya sampay yuk da, “Saꞌ ba, anak si Yusup jaꞌ ya?”

Yahiya 1:37

Pag takale jaꞌ meꞌ siga mulit na halling na, ilooy ma lay na baw sila patuhut ni si Isa.

Suwat si Pol pa mman Baanan Sukuꞌ si Isa ndooy ni Rom 14:19

Sangkon, pagbuli-bulihan bi meꞌ bi wā njawom kasalassayan ka siga pagkahi bi. Maka sipaintom-paintom kam supaya pataggu na pin iman bi dambaanan.

Suwat si Pol pa mman Baanan Sukuꞌ si Isa ndooy ni Rom 15:2

Arapun subay tabi ngagak dī tabi mari yaꞌ lingog kōk siga pagkahi tabi sabapan tabi. Meꞌ naa ina, katabang kitabi ninsila supaya pabasag pangando da.

1 Korin 14:19

Sugaꞌ bong baw sasang ku njawom baanan siga jamaa, gam na ku makoy san lasa lima kabtang jaꞌ ma tahati mari pasōng pangahati jama man ku nnaa mōꞌ sapū libu kabtang ni pallun ma yaꞌ tahati. Boꞌ kaam baw ina, ilooy ya ladjikiꞌ patingkat ningkaam yana mitsala ni siga pallun ag-agan.

Epesus 4:12

Sila ilay bay binuwanan ladjikiꞌ meꞌ looy man da malangkapan siga sukuꞌ Tuhan majatu oy-oy sinukuꞌ meꞌ Tuhan ninsila, maka supaya pasōng na pin hāp sambuhan nyawa sikamimon ma binilang baran Almasi.

Epesus 4:16

Kuwan kitabi ma pitsayaꞌ niiya meꞌ karuha baran na. Na tiyap-tiyap baran manusiyaꞌ, mimon kalangkapan na langkit ka tibuuk. Maka baran ina, bong siga kalangkapan na saliꞌ-saliꞌ buwat ilooy ma bay sinukuꞌ ninsila, mastiꞌ paehe jaꞌ sina maka pabasag na pin. Damikiyan, meꞌ naa du sina baran si Isa bong kitabi sikaaseꞌ-kaaseꞌ ka sama-sama buwat ilooy ma bay sinukuꞌ meꞌ na ningkitabi.

Kolossa 4:6

Bila kam magbitsala ka sila, subay kam magmaltabat ninsila maka makoy bitsala mahap. Maka miha kam lawang man bi matabeꞌ bitsala ma kasambu ni nyawa da. Maka subay kam saddiya ka tampung ayad bong luu nual kaam. Bong siꞌ ina kam kabitsala meꞌ looy siꞌ, sibuꞌ du kam ka bay nongan sila lawuk tabaan.

1 Tesaloneka 5:11

Sangkon sipaintom-paintom kam mari kagamgaman pamiki bi saliꞌ-saliꞌ. Maka patagguhun bi iman pagkahi bi meꞌ ndang kabiyasahan bi.

1 Pitel 2:12

Tamūd ina, sagannap ma yaꞌ pitsayaꞌ ni si Isa mitsala kaam pa kalaatan san yaꞌ luu dusa bi. Sangkon, amay-amay subay kam mogbogan kawul-piil ayad ni pag-awpan da. Kawu-kawu bukaꞌ na puad da pitsayaꞌ hangat sila ngita hāp tangge-tingkōꞌ bi. Dari pag taabut masa man Tuhan marantaan pamiki da, pudji da na du sina ya.

1 Pitel 3:1

Na kuwan kaam karandahan, subay kam maglillaꞌ ni lla bi. Meꞌ naa ina, san sawpama lla bi nuwak umanat mahap pasal si Isa, balangkali taboo bi na sila pitsayaꞌ sabapan hāp arat-tabiat bi. Minsan ina kam yaꞌ na mitsalahan sila, kawu-kawu pitsayaꞌ na du sila ni si Isa

2 Pitel 2:18

Basag sila ngabbu saula-ula pandoy sila, boꞌ ko, karupangan jaꞌ bitsala da. Baꞌ-bāꞌ da, san gi oy kinanapsuhan meꞌ jama, dari jaꞌ nduwan. Sabapan tōꞌ da meꞌ looy, kasohean jama ma bahau jaꞌ pitsayaꞌ ni Papuꞌ Isa, ma bahau jaꞌ bay ngalabbahan napsu da ma maat, lay na baw taboo-boo bbeleng pabalik pa bay kalaatan da.