Epesus 4:24 - Sabahagiꞌ Kitab Tawrat: Panagnaan ni Awwal Jaman maka Kitab Injil

²⁴ Sangkon ni hāl pagkajama bi ma bahau, ndang lay na du kam binaan, bong ibaratan badjuꞌ sutsiꞌ, patukun bi na. Batan lay na kam buwanan Tuhan kaallum bahau supaya kam meꞌ karuha iya na du sabana-bana intong ka sutsiꞌ.

Epesus 4:24 ပူးပေါင်းရင်းမြစ်များ

Panagnaan 5:1

Na balik ta pa jaman Tuhan bay mapayak manusiyaꞌ, yana si Adam ka si Hawa, lay pinabuwat meꞌ na ni limbagan arat-tabiat na. Pag-anu, boꞌ da sinupaatan meꞌ na sampay inawnan “manusiyaꞌ”. Na ituu batnaa yana listahan ga panubuꞌ si Adam.

Lukas 1:75

maka supaya kitabi sutsiꞌ ka intong ni awpan na halloman tabi llum.”

Yahiya 17:17

Paku ku ningkau, sutsiun na pin sila ka palman nu, pagka palman nu yana kabanahan.

Suwat si Pol pa mman Baanan Sukuꞌ si Isa ndooy ni Rom 12:2

Daa na kam mmeꞌ meꞌ uwahan jama ma yaꞌ pitsayaꞌ ni Almasi. Halinun bi na pamiki bi mari sikatuwaꞌ na ka pamiki Almasi. Meꞌ looy ilay, tapabahauwan na leꞌ Tuhan pangatayan bi supaya katoonan bi na kahandak na sampay tapabuwat bi na. Boꞌ inawnan kahandak Tuhan ina, mastiꞌ mahap jaꞌ, boꞌ kagak-gāk lagi maka yaꞌ luu salla na.

Suwat si Pol pa mman Baanan Sukuꞌ si Isa ndooy ni Rom 13:12

Waktu itu batnaa, ibaratan sangom, agon katis na dambahangi, maka tapit na pakallat mataallaw. Sangkon, mimon pabuwatan maat, ibaratan badjuꞌ, urusan tabi na. Boꞌ saynan tabi na ka kaintongan. Batan kaintongan tabi ina, yana pakakas man tabi nalloban kalaatan.

Suwat si Pol pa mman Baanan Sukuꞌ si Isa ndooy ni Rom 13:14

Akig tabi arat-tabiat Papuꞌ tabi si Isa Almasi. Maka paayad-ayad kitabi mari yaꞌ taduwan tabi oy-oy pamiki magnapsu ni kalaatan.

Suwat si Pol pa mman Baanan Sukuꞌ si Isa ndooy ni Rom 6:4

Sangkon meꞌ tabi ngingat, lay na du kitabi kinubu tabeꞌ ni Almasi waktu tabi bay pinandi. Dari yana meꞌ Almasi bay pinakallum pabalik man kawasa Mmaꞌ na, kitabi pun lay na du binuwanan kaallum bahau mari kitabi kapōꞌ kawul-piil bahau.

Suwat si Pol pa mman Baanan Sukuꞌ si Isa ndooy ni Rom 7:6

Kahapan batnaa, pagka lay na kitabi tabeꞌ ni kapatoy Almasi, paddus na kitabi man jawman sakup saraꞌ. Dari pagka luu na kaallum tabi bahau, yaꞌ na kitabi makutuꞌ meꞌ mogbogan saraꞌ man tabi maehe Tuhan. Ilooy ya man tabi maehe Tuhan batnaa, yana meꞌ tabi ngasip ni Rū Sutsiꞌ ma patannaꞌ njawom atay tabi.

Suwat si Pol pa mman Baanan Sukuꞌ si Isa ndooy ni Rom 8:29

Labba man sibuwa, ndang katoonan Tuhan na bong soy tumabeꞌ ni sukuꞌ na. Boꞌ ndang luu na silay garaꞌ na ngahalin arat-tabiat da supaya sumibuꞌ na du ka arat-tabiat Anak na, yana si Isa. Kon na ilay buwat meꞌ looy supaya sila pataꞌ inawnan siyali si Isa ma ginalla Anak Siyaka.

1 Korin 15:53

Batan baran tabi itu ma kuhi gi matoy sampay ngahaluꞌ mastiꞌ ginantian na ka ilooy ma yaꞌ na kuhi matoy ka yaꞌ na ngahaluꞌ saumu-umu.

2 Korin 3:18

Dari kitabi itu batnaa, pagka lai na kinaddoan tambun ni pamiki tabi, tumampak na ningkitabi ehe kaayaran Papuꞌ. Maka hangat kinanna meꞌ tabi kaayaran na, hinalin na pin sina pagkajama tabi leꞌ Rū na ngabut sampay sumibuꞌ na kitabi ka arat-tabiat na.

2 Korin 4:16

Sangkon yaꞌ kami kuhi jamu maghulas-sangsāꞌ kalnaꞌ Tuhan. Kami itu, san palamma na pin anggawtaꞌ baran kami, magsasōng na pin baw taggu iman kami llaw pa dangallaw.

2 Korin 5:17

Pag batnaa, tabista tabi na, soysoy tibuuk ka Almasi, sibuꞌ du karuha da ka jama bahau bay pinapayak. Pagkajama da maruhuꞌ ma nabiat nulut dī da, yaꞌ na luu. Yaꞌ na sibuꞌ ka maruhuꞌ batan luu na pagkajama da bahau ka kaallum da bahau.

Galatiya 3:27

Maka pag lay jaꞌ kam pinandi tandaꞌ bi mmeꞌ na ni Almasi, sibuꞌ na du kam ka lay na nibuuk dī bi ka iya. Arat Almasi ina bong nnaꞌ ta pa juba, lay na patuk bi.

Galatiya 6:15

Meꞌ kitabi itu mmeꞌ ni Almasi, yaꞌ na puntukan bong kitabi bay inislam atawa niyaꞌ. Ilooy ya puntukan bong luu na pagkajama tabi bahau.

Epesus 2:10

Sugaꞌ saꞌ baw ina ga yaꞌ na puntukan hāl meꞌ buwat mahap. Arapun Tuhan bay muwanan kitabi kaallum bahau njawman si Isa Almasi supaya tabi buwat siga pabuwatan mahap. Batan ndang inaa bay garaꞌ na ningkitabi.

Epesus 6:11

Yana meꞌ sundalu makoy jinisan kalangkapan man na ngatuhan banta na njawom bonoꞌ, kaam pun, subay pakoyun bi du mimon kalangkapan pamuwan Tuhan man bi ngatuhan banta bi Ibilis ma wā ngulihal meꞌ na magsian kaam.

Taytus 2:14

Iya ilay, lay na ga bay nongan umu na kalnaꞌ kitabi supaya tapaddusan na na kitabi man tabiat tabi buwat dusa, maka supaya tapasutsiꞌ na kitabi. Batan kahandak na ina, luu na sukuꞌ na ma tinagi buwat mahap, ma pabiddaꞌ man kasohean manusiyaꞌ.

Hibrani 1:8

Boꞌ ni Anak na ina, yuk Tuhan, “Meꞌ kau ina Tuhan, mastiꞌ natas saumu-umu pagkasultan nu. Maka intong jaꞌ meꞌ nu marintahan siga raayat nu.

Hibrani 12:14

Pagbuli-bulihan bi miha kasalassayan ka mimon manusiyaꞌ. Maka subay kam sutsiꞌ. Batan yaꞌ sina mintu luu sikita ka Papuꞌ bong ya yaꞌ sutsiꞌ.

1 Pitel 2:2

Pagka lay na takissa bi kaayaran Tuhan, kannahun bi na palman na. Yana meꞌ anak-anak bahau pinamaddihan magkainagon ni boheꞌ duruꞌ, kaam pun subay du meꞌ naa kainagon bi ni palman Tuhan. Batan palman Tuhan ina balanjaꞌ pulnaꞌ para ni nyawa bi. Sangkon kannahun bi na supaya magsasōng na pin meꞌ bi ngikut arat-tabiat Tuhan ngabut sampay magjatu na kasalamatan bi.

2 Pitel 1:4

Dari man sabapan ehe kabantugan na ka kaayaran na, lay na kitabi buwanan na siga supaat tud hagaan ka ayad banahan ma ndang bay janjiꞌ na. Maksud Tuhan ilay bay ngandean siga supaat meꞌ looy supaya taikut tabi arat-tabiat na. Maka maksud na supaya yaꞌ na tabi pinagbayaan meꞌ napsu tabi buwat dusa ma kabinasa ningkitabi.