Epesus 4:21 - Sabahagiꞌ Kitab Tawrat: Panagnaan ni Awwal Jaman maka Kitab Injil

²¹ Saꞌ ba, lay na takale bi umanat mahap sampay lay na kam tinoan kabanahan lakka man si Isa?

Epesus 4:21 ပူးပေါင်းရင်းမြစ်များ

Matiyu 17:5

Pag-anu, sasang si Pitel siꞌ mitsala, liput na sila meꞌ tayiꞌ baliyu poteꞌ malaas, ninag na. Maka luu gi suwara pōꞌ man jawom tayiꞌ baliyu looy, yuk na, “Inaa ina Anak ku, kakasi ku. Kasulutan ku banahan niiya. Indanan bi bitsala na.”

Lukas 10:16

“Na kuwan kaam siga mulit ku, soysoy ina mintu ngahasi bitsala bi, saliꞌ du sila ka bay ngahasi bitsala ku. Soysoy nuwak kaam, saliꞌ du ka aku bay tuwak da. Maka soysoy nuwak aku, saliꞌ du sila ka nuwak ilooy ma bay mapitu aku.”

Yahiya 1:17

Maruhuꞌ, bay pamuwan Tuhan yana saraꞌ ma bay pinasampay meꞌ Nabi Musa. Pag batnaa, ilooy na baw pamuwan na yana aseꞌ ka kabanahan pinasampay meꞌ si Isa Almasi.

Yahiya 10:27

Batan bong ina siga sukuꞌ ku, mastiꞌ pakale jaꞌ ni suwara ku. Lungbid kami ka sila maka mmeꞌ na jaꞌ sila niyaku.

Yahiya 14:17

Awnan ku ilay siꞌ yana Rū Sutsiꞌ, tukang malahil kabanahan. Sugaꞌ kuwan sagannap ma yaꞌ pitsayaꞌ niyaku, yaꞌ sina sila ngahasi Rū Sutsiꞌ sabap yaꞌ sila ngita atawa kakila iya. Boꞌ kaam ina, takila bi ya sabap luu na pin ya ngunungan kaam sampay patattog na sina ya mintu njawom atay bi.

Yahiya 14:6

Tampung si Isa, “Aku na bitu lān na. Damikiyan, aku du kabanahan sampay poonan kaallum. Yaꞌ sina luu takka pa mman Mmaꞌ ku bong saꞌ aku lān tinūs.

Suwat si Pol pa mman Baanan Sukuꞌ si Isa ndooy ni Rom 10:14

Sugaꞌ yaꞌ baw sina luu jama nohoꞌ sinalamat ni Papuꞌ bong yaꞌ doꞌ sila bay duhuꞌ pitsayaꞌ niiya. Damikiyan, yaꞌ du luu pitsayaꞌ niiya bong sila yaꞌ bay duhuꞌ kale umanat mahap pasal iya. Maka yaꞌ du luu bay kale bong yaꞌ doꞌ luu bay duhuꞌ masaplagan sila.

2 Korin 1:20

Boꞌ na, mimon ma bay njanjiꞌ meꞌ Tuhan, lay du bana tinuman njataꞌ Anak na. Sangkon kabāꞌ kitabi mattan du Tuhan kanaalla mmeꞌ ni lapa na. Boꞌ ilooy na silay kaboo kitabi mudji iya.

2 Korin 11:10

Meꞌ aku itu disu jama mogbogan kabanahan pasal Almasi, kanaalla situ bitsala ku siꞌ. Basta yaꞌ baw sina luu san disu jama ni sikaliput Akaya kabāꞌ ngandustaꞌ ku bong sawpama ku magpabantug ni hāl meꞌ ku yaꞌ bay maku hasil mman bi.

Epesus 1:13

Na kaam pun nnaa, meꞌ kami na du sina kam bay lliyun binuwat sukuꞌ Tuhan. Batan pag lay jaꞌ takale bi kabanahan, yana umanat mahap pasal kasalamatan, lay na du kam pitsayaꞌ ni Almasi. Pag-anu, boꞌ bi bay pinaasokan Rū Sutsiꞌ meꞌ ndang bay njanjiꞌ meꞌ Tuhan, tandaꞌ sukuꞌ na na kam.

Epesus 2:17

Dari maksud Almasi ilay bay pitu pa junyaꞌ masaplag umanat mahap supaya luu na lawang man manusiyaꞌ mahap na pa Tuhan. Boꞌ umanat na ina, lay na pinasampay ni bangsa Yahudi ma milang dī da tapit pa Tuhan sampay na ningkaam ma bay lawak man Tuhan.

Kolossa 1:5

Sabapan kabanahan bay takale bi, yana umanat mahap pasal si Isa, ilooy na poonan bi ngaholat koleꞌ mimon supaat ma bay hinallian kaam ni sulgaꞌ. Maka ilooy na kon bi mangando ni si Isa ka maasean pagkahi bi manusiyaꞌ.

Kolossa 1:6

Umanat mahap ina, liput na junyaꞌ man na pinasaplag sampay meka na jama pitsayaꞌ. Dari magsasōng na pin hāp kawul-piil da meꞌ karuha kaam na du. Batan saliꞌ-saliꞌ na du kam lay kale sampay kahati kabanahan pasal aseꞌ Tuhan.

Kolossa 2:7

Subay tattog pangando bi niiya meꞌ karuha kayu ma nganggamut palawom njawom tanaꞌ. Ikutun bi na pin kabanahan ma bay tinōꞌ ningkaam pasal iya mari magsasōng na pin pangando bi niiya. Maka subay kam wā magsuku pa Tuhan.

1 Yahiya 5:20

Damikiyan, katoonan tabi na du luu na bay pitu Anak Tuhan pa junyaꞌ. Maka lay na ya muwanan kitabi pangahati supaya dari na kitabi lungbid ka Tuhan sabanna. Pag batnaa tibuuk na kitabi ka Tuhan sabanna sabap meꞌ tabi tibuuk na ka Anak na si Isa Almasi. Iya ina Tuhan sabanna maka poonan kasampulnaan nyawa ma yaꞌ luu katapusan na.