Epesus 4:2 - Sabahagiꞌ Kitab Tawrat: Panagnaan ni Awwal Jaman maka Kitab Injil

² Subay diyoꞌ ka lammaꞌ pangatayan bi sampay tahaꞌ pasensiya bi. Pagka kam sikaaseꞌ-kaaseꞌ, tatasan bi jaꞌ salla arat siga pagkahi bi.

Epesus 4:2 ပူးပေါင်းရင်းမြစ်များ

Matiyu 11:29

Lillaꞌ kam ka baguru jaꞌ kam niyaku, batan pangatayan ku itu diyoꞌ jaꞌ maka lammaꞌ du. Siga panohoan ku itu yaꞌ du awod inasip maka ma sinukuꞌ meꞌ ku ningkaam maggaan du. Boꞌ na, pag toklas na, nammu gi kam kasannangan njawom atay bi.”

Malkus 9:19

Yuk si Isa, “Uy la, angkat-angkatan batnaa tud kulang bitu pangando da pa Tuhan! Meꞌ noy na pin doꞌ tu hallom ku dambuwaꞌ ka kaam natasan arat bi boꞌ bi pitsayaꞌ?” Pag-anu, yuk na ni lalla looy siꞌ, “Bōn na pitu anak nu.”

Salsila siga Rasul 20:19

Sabuli-buli ku bay magtuyuꞌ maghulas-sangsāꞌ ntuu kalnaꞌ Papuꞌ maka yaꞌ ku bay pingkaꞌ matingkat dī ku man kasohean. Boꞌ daran gi ngattap boheꞌ mata ku ni kabasag gampang ku ningkaam. Maka katoonan bi na du jinisan katiksaan bay lingkaan ku sabapan siga sanggup ga Yahudi mapatoy aku.

Suwat si Pol pa mman Baanan Sukuꞌ si Isa ndooy ni Rom 15:1

Na kitabi itu ma basag pangando tabi, sapatut na, subay takissa tabi parasahan siga danganakan tabi ma kulang pangahati, ma yaꞌ gi basag pangando da. Maka subay sila pinasensiya meꞌ tabi ni kasaan pamiki da. Daa subay na pin kahandak tabi jaꞌ duwan tabi.

1 Korin 13:7

Bong jama maaseꞌ, tatasan na jaꞌ sina salla arat pagkahi na manusiyaꞌ. Maka tattap jaꞌ pangando na ka holat na. San gi oy katuwaꞌ niiya, natas na jaꞌ ya.

Galatiya 6:2

Pakutuun bi meꞌ bi sitabang-tabang mari tumatandaꞌ ngasip na kam ni panohoan Almasi sikaaseꞌ-kaaseꞌ.

Epesus 1:4

Bistahun bi doꞌ, yaꞌ lagi san bay pinapayak junyaꞌ, ndang lay na kitabi pineneꞌ meꞌ Tuhan binuwat sukuꞌ na njawman Almasi. Maksud Tuhan ilay, subay kitabi sutsiꞌ sampay yaꞌ na luu sutsutan njataꞌ tabi ni mata na. Ni kaehe aseꞌ Tuhan,

Kolossa 1:11

Maka kamura-murahan binuwanan du kam meꞌ Tuhan gaos lakka man kawasa na ma yaꞌ luu sibuꞌ sabanding na. Dari san gi oy katuwaꞌ ningkaam, katatas kam maka masi na pin kam gāk. Sarī gi, patahaꞌ na pin pasensiya bi.

1 Timuti 6:11

Sangkon Timuti, meꞌ kau disu lalla pinakoy meꞌ Tuhan, amay-amay palawak ko man kalaatan meꞌ looy. Iya pakutuun meꞌ nu buwat na pin kaintongan, meꞌ nu ngikut arat-tabiat Tuhan, sampay meꞌ nu mangando niiya ka maaseꞌ ni jama. Maka bila ko njawom kabinsanaan, tatasan nu na jaꞌ maka poun na pin lammaꞌ pangatayan nu.

2 Timuti 2:25

Bong ya sinulang meꞌ jama, pag tampung na, subay hanunut-hanunut jaꞌ meꞌ na naup sila. Meꞌ naa ina, balangkali binukaꞌ na meꞌ Tuhan puad da nawbat sampay koleꞌ pangahati ni kabanahan.

Yaꞌkub 1:21

Sangkon labbahan bi na mimon ma katamak ningkaam ka mimon kalaatan ma pinaabak meꞌ jama, boꞌ bi magpadiyoꞌ na pa Tuhan. Maka ngasip na kam ni palman na ma lay na bay inannaꞌ njawom atay bi. Batan palman na ina kasalamat ningkaam.

1 Pitel 3:15

Arapun ituu ya kannahun bi: Almasi yana Papuꞌ bi. Sangkon isbatun bi ya. Maka bila luu nilaw kaam bong oy kamumpaatan hinolat meꞌ bi taggahaꞌ ilu na kam mmeꞌ ni Almasi, subay kam ndang wā saddiya ka tampung ayad.

1 Pitel 3:8

Na dambuli man inaa, meꞌ kaam sukuꞌ si Isa sikamimon, subay kam dambuwaꞌ atay maka sikaddoꞌ-kaddoꞌ parasahan. Subay kam sikaaseꞌ-kaaseꞌ meꞌ karuha jama magdanganakan. Sipanimbang-panimbang kam maka subay diyoꞌ pangatayan bi saliꞌ-saliꞌ.