Epesus 4:19 - Sabahagiꞌ Kitab Tawrat: Panagnaan ni Awwal Jaman maka Kitab Injil

¹⁹ Bong inawnan sasso ni bay kalaatan da, yaꞌ san luu njawom pamiki da. Gam pin basagan da lagi meꞌ da maabak jinisan kasabuhan ka napsu mulakab.

Epesus 4:19 ပူးပေါင်းရင်းမြစ်များ

Malkus 7:22

magjina ka magnapsu mulakab. Damikiyan, luu du pōꞌ man jawom atay jama ngandahulakaꞌ, nipu, magkamuklahan, ngandangkiꞌ, mitna, ngabbu sampay buwat jinisan karupangan.

Epesus 4:17

Na ni kapatut bay dean Papuꞌ Isa niyaku, ituu halap ku ningkaam: Amay-amay daa na kam mmeꞌ meꞌ uwahan siga kapil batan yaꞌ sina luu sōng pamiki da.

Kolossa 3:5

Sangkon, timanan bi na mimon kalaatan meꞌ sapantun jina ka mimon jinisan kasabuhan sampay pamiki maat. Maka daa na kam magnapsu mulakab ni altaꞌ. Batan bong ina inaa tabiat bi, sibuꞌ du kam ka numba altaꞌ.

1 Timuti 4:2

Sila ilay mintu ma magpamōꞌ tōꞌ meꞌ looy yana jama ma magbawuꞌ-bawuꞌ jaꞌ ngisbat Tuhan. Pangandustaꞌ sila. Boꞌ na, yaꞌ na san nulang ni honaꞌ-honaꞌ da bong sila buwat maat.

1 Pitel 4:3

Sangkon kuwan kaam, ddong na kam malātan waktu bi ngakig uwahan jama ma yaꞌ ngisbat Tuhan. Sila ina maabak jinisan kalaatan meꞌ sapantun magjina, maka nganduwan oy-oy napsu ma maat sampay maglangohan. Boꞌ mmeꞌ gi sila ni baanan danda ka lalla buwat kasabuhan. Maka luu gi sarī pabuwat da ma tagga pa Tuhan meꞌ sapantun numba siga tuhan-tuhan.

2 Pitel 2:22

Jama meꞌ looy ilay, tud lay bana tuwaꞌ pa sila sambatan ilooy ma yuk na, “Tiyap-tiyap idoꞌ ina, pabeleng mangan utaꞌ na,” atawa yuk kasohean, “Tiyap-tiyap bawi ina, san sawpama bay na pinandi, pabeleng du tugub pa jawom pesak.”

Suwat Lakka man si Jūd 1:11

Tud siya-siya silay sila bbos-bbos batan iya inikut meꞌ da arat-tabiat si Kayin ni awwal jaman. Maka iya inakig meꞌ da arat-tabiat bay jaman si Balaam ma bay nulang kahandak Tuhan ni kamulakab napsu na ni sīn. Maka sibuꞌ du akka da ka Imam Kora ma bay nulang kapatut Nabi Musa mattoꞌ. Sugaꞌ ngagad na sila, meꞌ Imam Kora du sina mintu sila binasa.

Siga Pakaradjaan bay Pinalahil 18:3

Kon na binasa na sabap iya bay moo-moo manusiyaꞌ ni mimon kabangsa-bangsahan buwat jinisan kalaatan. Babilon ina tadalil pa disu puta ma bay moo-moo jama nginum alak na supaya sila mmeꞌ meꞌ uwahan na magjina. Sampay siga sultan ni sikaliput junyaꞌ, bay du mmeꞌ magjina ka iya. Ni kamulakab napsu danda looy, yaꞌ na taambat altaꞌ bay balli na para dī na. Sangkon lay na magkadayahan siga tukang maglilitu ni sikaliput junyaꞌ.”