Epesus 4:18 - Sabahagiꞌ Kitab Tawrat: Panagnaan ni Awwal Jaman maka Kitab Injil

¹⁸ Yaꞌ luu pangahati da pasal Tuhan. Ibaratan lumān, bagagap jaꞌ sila njawom lindom ni kaawam da, batan tohas kōk da. Sangkon yaꞌ sina luu sukuꞌ da ni kaallum bahau ma pinamuwan meꞌ Tuhan.

Epesus 4:18 ပူးပေါင်းရင်းမြစ်များ

Matiyu 13:15

Batan ni katohas kōk da, lay na sompong da tinga da maka lay na pakaddom da mata da. Bong siꞌ saꞌ meꞌ looy, mastiꞌ ngita na sila, kale sila sampay kahati sila. Boꞌ na, mastiꞌ nawbat jaꞌ sila, boꞌ taulian ku pangatayan da.’ ”

Malkus 3:5

Si Isa siꞌ tu, sasang na ngandaꞌ ninsila, maglamud na lasu na ka susa na ninsila sabap tumatandaꞌ yaꞌ san luu luuy da ni jama. Pag-anu, yuk si Isa ni lalla looy, “Pa-nnatun na tangan nu.” Pag nnat na, sarunduun du ya kasay.

Yahiya 12:40

“Lay na sila pinabuta meꞌ Tuhan supaya sila yaꞌ ngita. Lay na pinalindoman meꞌ na pamiki da supaya sila yaꞌ kahati. Bong siꞌ saꞌ meꞌ looy, luu gi dapat da nawbat, boꞌ taulian ku pangatayan da.”

Salsila siga Rasul 17:30

“Maruhuꞌ, ni kaawam manusiyaꞌ pasal Tuhan, lay gi pabiya na karupangan da. Sugaꞌ batnaa, sohoꞌ na na mimon jama ni sikaliput junyaꞌ nawbatan dusa da.

Salsila siga Rasul 3:17

Yuk si Pitel lagi, “Siga mbuwaꞌ danganakan, katoonan ku du kaam ina ka ga pa-mmean bi bay mapatoy si Isa ni kaawam bi. Yaꞌ san bay taingat bi ga tud iya na Almasi, tukang nalamat bay pinapitu meꞌ Tuhan.

Suwat si Pol pa mman Baanan Sukuꞌ si Isa ndooy ni Rom 1:28

Pagka bistahan da yaꞌ luu pūs na bong kita ngisbat Tuhan, pinabiya na sina sila meꞌ Tuhan pinagmundaan meꞌ pamiki bingkok buwat kajinisan ma yaꞌ pataꞌ pinabuwat.

Suwat si Pol pa mman Baanan Sukuꞌ si Isa ndooy ni Rom 11:25

Na siga danganakan, supaya kam yaꞌ ngabbu saula-ula patingkat kam man siga Yahudi, bakkasan ta na kam disu kabanahan ma yaꞌ gi bay tahati maruhuꞌ. Minsan kaekahan Yahudi tohas kōk da yaꞌ kuhi pitsayaꞌ, ndang ilooy silay gantaan ninsila ngkod-ngkoran yaꞌ gi tatuman garaꞌ Tuhan matabeꞌ kabangsa-bangsahan saꞌ Yahudi ni sukuꞌ na.

Suwat si Pol pa mman Baanan Sukuꞌ si Isa ndooy ni Rom 11:7

Dari batnaa, meꞌ tuu na situ kaadaan bangsa Israil: kaintongan ma bay pinagdautan meꞌ da, yaꞌ bay tinimaꞌ meꞌ kaekahan pag taabut na bay ndean ninsila. Ilooy du bay nimaꞌ, yana sagannap ma bay pineneꞌ meꞌ Tuhan. Boꞌ ilooy kasohean, gam pin lay gi patohas kōk da.

Suwat si Pol pa mman Baanan Sukuꞌ si Isa ndooy ni Rom 2:19

Meꞌ bi mista, tawop kam magmundaan jama ma meꞌ sapantun buta ni kaawam da ni hāl Tuhan. Ni bistahan bi, kaam na meꞌ sapantun sūꞌ ni sagannap ma njawom lindom.

1 Korin 1:21

Na Tuhan ina tud halul-akka batan ndang bay na ginantaꞌ meꞌ na jalan man manusiyaꞌ salamat. Jalan ma awnan ku ilay siꞌ yana meꞌ manusiyaꞌ pitsayaꞌ ni umanat mahap ma pinasaplag pasal Almasi. Salla na, binilang jaꞌ karupangan meꞌ sagannap ma mangaku halul-akka. Kon na ilay meꞌ looy sabap ndang yaꞌ katoonan da Tuhan.

1 Korin 2:8

Sugaꞌ kuwan siga pa-mmean ma ngantanan kapatut ni junyaꞌ tuu, ndang awam sila ni garaꞌ Tuhan. Bong siꞌ ilay sila bay kasayu, yaꞌ bay sohoꞌ da nilansang taꞌ tehang Papuꞌ tabi ma yaꞌ luu sibuꞌ sabanding na.

2 Korin 3:14

Salla na, kuwan pagkahi ku bangsa Israil, labba man maruhuꞌ ngabut sampay batnaa, tud tohas kōk da. Sangkon tuktuk da matsa saraꞌ Nabi Musa, masi du yaꞌ tahati da kamaatunan na. Dari ko ngawon, tambun ni luwa Nabi Musa meꞌ lay na sinaynan pa jataꞌ pamiki da. Bong ina saꞌ Papuꞌ ngalakka, yaꞌ na kuhi lakka tambun ni pamiki da.

2 Korin 4:4

Yaꞌ sila pitsayaꞌ sabap pikilan da lay na tinambunan meꞌ Ibilis ma buwat dī na tuhan ni junyaꞌ tuu. Sangkon yaꞌ tapadantaan pamiki da meꞌ umanat mahap pasal ehe kaayaran ilooy ma pulnaꞌ limbagan Tuhan, yana Almasi.

Galatiya 4:8

Kaam ina nnaa ma saꞌ turunan bangsa Yahudi, saꞌ ba, bay jaman yaꞌ gi katoonan bi Tuhan, bay jaꞌ kam ngisbat siga tuhan-tuhan? Waktu looy ilay, subay ga kam ata siga tuhan-tuhan bi hangat bi numba sila.

Epesus 2:1

Na maruhuꞌ, kaam ina, bong pa Tuhan, matoy jaꞌ kam sabapan dusa bi hangat ngalangga kahandak na. Yaꞌ gi luu kaallum bi bahau.

Epesus 2:12

Sibuwa, yaꞌ san bay katoonan bi bong soy Almasi. Maka yaꞌ bay luu lamud bi ni bangsa Israil ma bay peneꞌ Tuhan sukuꞌ na. Jaman looy, masi kam awam ni siga janjiꞌ Tuhan ninsila. Yaꞌ bay luu holat bi maka yaꞌ san bay katoonan bi bong soy Tuhan.

Kolossa 1:21

Na kaam pun ina maruhuꞌ, yaꞌ du kam mahap pa Tuhan. Man sabapan laat pamiki bi ka pabuwatan bi, sibuꞌ du kam ka bay manta Tuhan.

1 Tesaloneka 4:5

Daa na kam mmeꞌ meꞌ uwahan jama ma yaꞌ toon Tuhan, ma nganduwan jaꞌ napsu baran da sampay man da na magkamuklahan.

Hibrani 5:2

Maka panghuluꞌ imam ina, takissa na parasahan siga raayat na bong luu bay magsiꞌ ni kaawam da, batan iya pun luu du salla na.

Hibrani 9:7

Sugaꞌ bong ni bilik ni kaduwa, yana Bilik Pinakasutsiꞌ, bāꞌ njawom saraꞌ Nabi Musa, yaꞌ luu dari paasok sarī man panghuluꞌ imam, boꞌ sakayi du njawom dantaun. Maka taabut na paasok, subay luu boo na lahaꞌ kulban sinongan pa Tuhan para ni dusa na mismu ka dusa siga raayat na, dusa ma tasayu sampay ma niyaꞌ.

Yaꞌkub 4:4

Bong ina pakaradjaan meꞌ naa paabak bi, yaꞌ kam magkanaalla pa Tuhan. Ilooy ya meꞌ punu njawom atay bi hāl junyaꞌ. Bong yaꞌ katoonan bi, tiyap-tiyap ina pakaradjaan junyaꞌ inisbat meꞌ bi, malaingkan nikutan kam Tuhan maka sibuꞌ du kam ka manta iya.

1 Pitel 1:14

Meꞌ kaam ina anak Tuhan na ma ngasip niiya, daa na padarahun bi bay kadarihan bi maruhuꞌ. Waktu looy ilay awam lagi kam pasal Tuhan. Sangkon lay na jaꞌ duwan bi napsu bi ma maat.

1 Yahiya 2:11

Sugaꞌ soysoy ina lammis ni pagkahi na, malaingkan masi ya njawom lindom. Ni kaawam na, meꞌ karuha jama buta ya bagagap njawom lindom. Yaꞌ san katoonan na luꞌ paninggai ya.