Epesus 4:17 - Sabahagiꞌ Kitab Tawrat: Panagnaan ni Awwal Jaman maka Kitab Injil

¹⁷ Na ni kapatut bay dean Papuꞌ Isa niyaku, ituu halap ku ningkaam: Amay-amay daa na kam mmeꞌ meꞌ uwahan siga kapil batan yaꞌ sina luu sōng pamiki da.

Epesus 4:17 ပူးပေါင်းရင်းမြစ်များ

Lukas 16:28

Luu gi silay ndooy danganakan ku lima. Sōn doꞌ sila binandaan ni si Lasarus, taggahaꞌ sila pun lay du mintu tumiluꞌ pitu pa jawom kamalasahiyan meꞌ tuu.’

Salsila siga Rasul 14:15

“Kaam sikamimon, ongoy kam magtuhan ningkami? Kami itu manusiyaꞌ jaꞌ meꞌ kaam du. Kami itu pitu masaplagan kaam jaꞌ umanat mahap pasal Tuhan sabanna ma llum saumu-umu. Iya na silay bay mapayak gumi ka langit sampay dilawut ka mimon-mimon isi da. Kahandak na ina, tikutan bi na siga tuhan bi. Ndang-ndang yaꞌ du silay luu kawasa da nabang kaam.

Salsila siga Rasul 18:5

Na yaꞌ gi siꞌ hallom, takka na ga si Saylas ka si Timuti man Masidunya. Ni katakka da, ndaꞌ da si Pol masaplag na pin umanat Tuhan. Bbuwatan na, mahati ni siga Yahudi ndooy pasal si Isa yana Almasi, tukang nalamat bay njanjiꞌ meꞌ Tuhan.

Salsila siga Rasul 2:40

Na sarī man ilooy siꞌ, meka gi bitsala si Pitel man na noan sila kabanahan. Sigi-sigi ya nganjunjung ninsila, yuk na, “Bean bi na bay halling ku siꞌ mari kam salamat man mulkaꞌ ma labuꞌ bbos-bbos ni siga jama maat ni angkat-angkatan batnaa.”

Salsila siga Rasul 20:21

Tōꞌ ku ni bangsa ku Yahudi yaꞌ du luu bay pagtingkahan na ka tōꞌ ku ningkaam ma saꞌ Yahudi. Saliꞌ-saliꞌ du kam bay sohoꞌ ku nawbatan dusa bi ka lillaꞌ pa Tuhan sampay nohoꞌ pitsayaꞌ ni Papuꞌ tabi si Isa.

Suwat si Pol pa mman Baanan Sukuꞌ si Isa ndooy ni Rom 1:21

Sila ina, tahadjaꞌ da yaꞌ ngisbat Tuhan. Ndang katoonan da du luu Tuhan, sugaꞌ tud ndang yaꞌ sila doman maehe iya atawa muwan pagsukuhan niiya. Pamiki da ina yaꞌ luu pūs na. Subay ga sila jama bagagap njawom lindom sabap yaꞌ tahati da kabanahan.

1 Korin 1:12

Bbuwatan bi konoꞌ, yuk dangan, “Aku mmeꞌ ni si Pol.” Yuk disu na baw, “Bong aku, mmeꞌ ku ni si Apolos.” Yuk disu na baw, “Niyaku la, mmeꞌ ku ni si Pitel.” Kuwan kasohean baw, yuk da konoꞌ, “Ningkami la, ilooy jaꞌ bean kami Almasi.”

1 Korin 15:50

Siga danganakan, hantak bitsala ku ilay siꞌ, baran tabi itu ma luu isi na ka lahaꞌ na, yaꞌ luu lamud na ni pamarinta Tuhan. Batan baran tabi itu ma kuhi gi matoy sampay ngahaluꞌ, yaꞌ luu kabigiꞌ-bigian na ni hāl ma yaꞌ luu masa na.

2 Korin 9:6

Hāl muwan ina, papaham kam. Sibuꞌ du sina karuha na ka jama naburan bani. Soysoy ngumit meꞌ na bay naburan bani, pag kattom na, dangkitiꞌ du. Sugaꞌ soysoy ina bay nabud paeka, pag kattom na, mastiꞌ meka du.

Galatiya 5:3

Maka baan ta kam banahan, sagannap ina ma nohoꞌ inislam man da initung intong, talpaksaꞌ ninsila mogbogan saraꞌ Nabi Musa labbasakayi.

Epesus 1:22

Batan Almasi ilay bay inuwakilan meꞌ Tuhan magbayaꞌ ni mimon-mimon sampay magtakōk ningkitabi sikamimon ma pitsayaꞌ niiya,

Epesus 4:22

Maka ndang lay na kam binaan ni hāl pagkajama bi maruhuꞌ, bong ibaratan badjuꞌ lamaꞌ, urusan bi na, batan kabinasa sina ni kaallum bi. Maruhuꞌ ilay, bay jaꞌ kam taboo-boo meꞌ napsu bi buwat jinisan kalaatan.

Kolossa 2:18

Sangkon daa na kam hidjab bong luu māꞌ yaꞌ sā kasalamatan bi bong kam yaꞌ bay niksaꞌ dī bi ngikut jinisan aturan agama da. Maka daa kam mmeꞌ ni ilmuꞌ kasohean ma nohoꞌ jama numba siga malaikat. Ga jama meꞌ looy ilay tinagi nuntutan kaam kajinisan bahasa bay pinalahil meꞌ Tuhan ninsila. Mingkan, ilooy du mehe ninsila ngabbu, meꞌ ndang tabiat manusiyaꞌ ma mandang hāl junyaꞌ.

Kolossa 2:4

Kon ku ilay siꞌ bay maan kaam meꞌ looy supaya kam yaꞌ takoleꞌ pinagsian meꞌ jama ma alistu nabid kabanahan.

1 Tesaloneka 4:6

Daa kam buwat dusa ni siga pagkahi bi, labi na hāl jina. Saꞌ ba, ndang lay na kam bandaan kami, soysoy ina buwat meꞌ naa, mastiꞌ pinidjalaꞌ jaꞌ meꞌ Tuhan.

1 Timuti 5:21

Timuti, ni mata Tuhan ka si Isa Almasi sampay ga malaikat na, ituu tugun ku ningkau ma subay binean: Amay-amay bogbogan nu mimon bay sohoꞌ ku ningkau. Maka daa ko magsitingka manusiyaꞌ. Yaꞌ kitabi dari minig.

1 Timuti 6:13

Na Timuti, ni mata Tuhan ma makallum labbasakayi ka ni mata si Isa Almasi ma bay nawakka mōꞌ kabanahan bong soy ya ni awpan Gubnul Puntus Pilatu, ituu halap ku ningkau:

2 Timuti 4:1

Na pag bbeleng Papuꞌ Isa ina mintu pa junyaꞌ magsultan, ngahukum na ya manusiyaꞌ sikamimon, llum-matoy. Sangkon, itu na ni pag-awpan Tuhan ka si Isa Almasi, sohoꞌ ta na ko

1 Pitel 1:18

Intomun bi doꞌ bong pooy ehe gastus man Tuhan bay maddusan kaam man arat-tabiat bi maruhuꞌ. Yaꞌ silay luu sōng na arat-tabiat bi maruhuꞌ ma bay labuꞌ pa kaam man kabboꞌ-bboan bi. Kahapan, lay na kam pinaddusan man arat-tabiat looy. Sugaꞌ saꞌ ga silay mmas atawa pilak porol ma yaꞌ natas saumu bay man maddusan kaam.

2 Pitel 2:18

Basag sila ngabbu saula-ula pandoy sila, boꞌ ko, karupangan jaꞌ bitsala da. Baꞌ-bāꞌ da, san gi oy kinanapsuhan meꞌ jama, dari jaꞌ nduwan. Sabapan tōꞌ da meꞌ looy, kasohean jama ma bahau jaꞌ pitsayaꞌ ni Papuꞌ Isa, ma bahau jaꞌ bay ngalabbahan napsu da ma maat, lay na baw taboo-boo bbeleng pabalik pa bay kalaatan da.