Epesus 4:12 - Sabahagiꞌ Kitab Tawrat: Panagnaan ni Awwal Jaman maka Kitab Injil

¹² Sila ilay bay binuwanan ladjikiꞌ meꞌ looy man da malangkapan siga sukuꞌ Tuhan majatu oy-oy sinukuꞌ meꞌ Tuhan ninsila, maka supaya pasōng na pin hāp sambuhan nyawa sikamimon ma binilang baran Almasi.

Epesus 4:12 ပူးပေါင်းရင်းမြစ်များ

Lukas 22:32

Boꞌ kau na sina Saymon tiniluꞌ banahan meꞌ na. Kamasaꞌ lay na du silay siꞌ ko pakuhan ku duwaa supaya yaꞌ lungay pangando nu niyaku. Sugaꞌ san meꞌ looy, masi du sina ku tikutan nu samantalaꞌ. Sugaꞌ pag lay jaꞌ ko ina mintu nawbat sampay pabeleng pa mman ku, paintoman nu sa siga danganakan nu mari pataggu iman da.”

Salsila siga Rasul 1:25

binuwat rasul nu man nganggantian imuwa si Judas. Batan si Judas ilay, lay na ngalabbahan pagkarasul na. Sampay lai na ya tumiluꞌ pa lugar looy ma pataꞌ niiya.”

Salsila siga Rasul 11:23

Si Balnabas siꞌ tu jama mahap maka sukup pangando. Boꞌ na, ssob na ya meꞌ Rū Sutsiꞌ. Pag takka na pilay, tud bay gāk ya batan ni lilingan na luu na pin supaat Tuhan ni jataꞌ siga sukuꞌ si Isa ndooy. Dari lay ya muwansangan sila nohoꞌ magkanaalla ngisbat Papuꞌ ni mimon hilas atay da. Labba mandooy, tud bay meka na jama pasampun mmeꞌ ni Papuꞌ Isa ni daira looy.

Salsila siga Rasul 20:24

Sugaꞌ yaꞌ du situ ku paruli bong oy mintu katuwaꞌ niyaku bong pin tapajatu ku jaꞌ pabuwatan bay hinalap meꞌ Papuꞌ Isa niyaku, yana masaplag umanat mahap pasal aseꞌ-tabang Tuhan pa manusiyaꞌ.

Salsila siga Rasul 20:28

Pag-anu, yuk si Pol lagi ni ga pa-mmean looy, “Ilagan bi dī bi. Maka ayaran bi mimon sukuꞌ si Isa ma bay hinalap meꞌ Rū Sutsiꞌ ningkaam. Tud kinasengan sina sila meꞌ Tuhan. Sila ilay meꞌ sapantun altaꞌ Tuhan ma bay binalli meꞌ na ka lahaꞌ Anak tungga na.

Salsila siga Rasul 9:31

Na pus meꞌ looy, yaꞌ na baw bay luu laug njataꞌ siga baanan sukuꞌ si Isa ni sikaliput Yahudiya ka Jalil sampay Samariya. Boꞌ na, pabasag na pin pangando da ni Papuꞌ maka yaꞌ maglumba meꞌ da ngisbat iya. Dari man tabang Rū Sutsiꞌ njataꞌ sukuꞌ si Isa, pasōng na pin eka jama ma pitsayaꞌ ni si Isa.

Suwat si Pol pa mman Baanan Sukuꞌ si Isa ndooy ni Rom 12:5

Damikiyan, meꞌ kitabi itu binilang baran Almasi, san kitabi meka, tibuuk du kitabi. Maka siguna-guna sina kitabi saliꞌ-saliꞌ.

Suwat si Pol pa mman Baanan Sukuꞌ si Isa ndooy ni Rom 12:7

Bong disu bay kaladjikian nabangan jama, subay du ya tinagi nabang. Ma kaladjikian alistu noan jama kitab, subay du ya nōꞌ.

Suwat si Pol pa mman Baanan Sukuꞌ si Isa ndooy ni Rom 14:19

Sangkon, pagbuli-bulihan bi meꞌ bi wā njawom kasalassayan ka siga pagkahi bi. Maka sipaintom-paintom kam supaya pataggu na pin iman bi dambaanan.

Suwat si Pol pa mman Baanan Sukuꞌ si Isa ndooy ni Rom 15:14

Na siga danganakan, manganna situ ku kaam tud jama mahap maka lawom pangahati bi ni kabanahan pasal Tuhan. Sangkon, bistahan ku pandoy du sina kam sipaintom-paintom.

Suwat si Pol pa mman Baanan Sukuꞌ si Isa ndooy ni Rom 15:2

Arapun subay tabi ngagak dī tabi mari yaꞌ lingog kōk siga pagkahi tabi sabapan tabi. Meꞌ naa ina, katabang kitabi ninsila supaya pabasag pangando da.

Suwat si Pol pa mman Baanan Sukuꞌ si Isa ndooy ni Rom 15:29

Bong ina ku mintu takka na pilu, basta saliꞌ-saliꞌ na sina kitabi koleꞌ kaayaran man sabapan pagkatibuuk tabi ka Almasi.

1 Korin 12:27

Na hantak bitsala ku siꞌ, mimon kitabi ma pitsayaꞌ ni Almasi binilang disu baran, yana baran Almasi. Maka saliꞌ-saliꞌ kitabi binilang kalangkapan ni baran na.

1 Korin 12:7

Kitabi itu saliꞌ-saliꞌ binuwanan ladjikiꞌ meꞌ Rū Sutsiꞌ pa kaayaran ni sikamimon pagkahi tabi.

1 Korin 14:12

Sangkon, pagka kam magkainagon ni siga ladjikiꞌ man Rū Sutsiꞌ, ilooy pakuhun bi, yana siga ladjikiꞌ ma kasambu ni nyawa mimon pagkahi bi sukuꞌ si Isa.

1 Korin 14:14

Na bong ina kita maku duwaa ni pallun ag-agan, inaa jalan man nyawa ta sadjaꞌ maku duwaa, sugaꞌ yaꞌ baw luu tahati ta.

1 Korin 14:26

Na siga danganakan, bila kam kumpo-kumpo numba, ituu palbiatan ku ningkaam. Mahap sina bong kasohean ngalang kalangan pudji pa Tuhan; maka mahap du bong kasohean nganasihat maka kasohean masampay umanat ma bay pinalahil meꞌ Rū Sutsiꞌ ninsila. Maka mahap du bong kasohean mitsala ni siga pallun ag-agan, basta luu jaꞌ tukang muwan maana. Sugaꞌ junjung ku na ningkaam, oy-oy pabuwat bi, subay kasambu ni siga nyawa sikamimon njawom baanan bi.

2 Korin 12:19

Na kanna bi mareꞌ maksud ku nuwat meꞌ tuu man ku jaꞌ ngandapitan dī kami. Sugaꞌ siga kakasi ku, saꞌ sina meꞌ naa maksud ku. Meꞌ kami tu tibuuk ka Almasi, ilu na Tuhan pakale-kale, mimon pabuwat kami ka bitsala kami ningkaam, numbul satu maksud kami masambu nyawa bi.

2 Korin 13:11

Katapusan bitsala ku, siga danganakan, pagakun bi atay bi. Pagbuli-bulihan bi mogbogan kawul-piil ayad. Kannahun bi banahan palbiatan ku maka tuyuan bi meꞌ bi dambuwaꞌ atay. Miha kam jalan man bi wā njawom kasalassayan ka pagkahi bi. Bong siꞌ ina bean bi jaꞌ, inunungan jaꞌ sina kam meꞌ Tuhan, yana poonan aseꞌ ka kasannangan.

2 Korin 13:9

Dari basta hallot jaꞌ pangando bi ni Almasi, gāk du situ kami san kami pinamāꞌ na yaꞌ luu gaos kami. Sarī man naa, paku kami duwaa pa Tuhan, kamura-murahan magsasōng na pin hāp kawul-piil bi ngabut sampay yaꞌ na luu salla na samasakali.

2 Korin 3:8

labi na saꞌ kainu-inu katakka Rū Sutsiꞌ ma poonan kaallum bahau maka kasampulnaan nyawa. Boꞌ na, njataꞌ pagsulutan bahau ina, inaa na man manusiyaꞌ initung intong. Boꞌ njataꞌ pagsulutan sibuwa, inaa na sabapan man manusiyaꞌ kalabuan hukuman.

2 Korin 4:1

Ni kaehe timbang Tuhan, lay kami peneꞌ na masaplag umanat mahap. Sangkon yaꞌ kami jamu maghulas-sangsāꞌ kalnaꞌ iya.

2 Korin 5:18

Na ilooy ilay siꞌ, sikamimon man gantaan Tuhan. Bistahun bi doꞌ, san kitabi bay ndusa pa Tuhan sibuwa, lay gi ya buwat jalan man tabi mahap na niiya njataꞌ pabuwatan Almasi. Boꞌ lay gi Tuhan nguwakilan kitabi nohoꞌ mahati jama bong pooy meꞌ da mahap na niiya.

2 Korin 6:3

Sangkon kami itu, sabuli-buli kami ngilagan oy-oy kawul-piil gantaꞌ man kami tasahawi. Ilooy ilagan kami taggahaꞌ luu gi sabapan man jama nuwak umanat kasalamatan ma pinasaplag meꞌ kami.

2 Korin 7:1

Na siga kakasi ku, siga janjiꞌ Tuhan ilay para ningkitabi. Sangkon, labbahan tabi na mimon pamiki maat ka mimon pabuwatan ma katamak ningkitabi. Maka pakutuꞌ tabi na meꞌ tabi mōꞌ kawul-piil sutsiꞌ ma nulut ni kahandak Tuhan, pamaehe maltabat niiya.

Epesus 1:23

yana kitabi ma binilang baran na. Baran na ina, ginaosan leꞌ na malahil mimon arat-tabiat na, batan iya nganggaosan mimon-mimon nnoy-nnoy jaꞌ.

Epesus 4:16

Kuwan kitabi ma pitsayaꞌ niiya meꞌ karuha baran na. Na tiyap-tiyap baran manusiyaꞌ, mimon kalangkapan na langkit ka tibuuk. Maka baran ina, bong siga kalangkapan na saliꞌ-saliꞌ buwat ilooy ma bay sinukuꞌ ninsila, mastiꞌ paehe jaꞌ sina maka pabasag na pin. Damikiyan, meꞌ naa du sina baran si Isa bong kitabi sikaaseꞌ-kaaseꞌ ka sama-sama buwat ilooy ma bay sinukuꞌ meꞌ na ningkitabi.

Epesus 4:29

Timanan bi na mimon bitsala maat atawa lakaꞌ-lakaꞌ. Ilooy ya poun bi yana bitsala ma katabang atawa ma kasambu ni nyawa sagannap ma kale.

Epesus 4:4

Batan mimon itu kitabi ma tibuuk ka si Isa binilang disu baran sa. Maka disu du Rū magmundaan kitabi saliꞌ-saliꞌ, yana Rū Sutsiꞌ. Maka sibuꞌ du kasongan ayad hinolat meꞌ tabi sabap meꞌ tabi saliꞌ-saliꞌ lay na lliyun pa jawom okoman Tuhan.

Kolossa 1:24

Na san ku tu batnaa tiksaꞌ sabap meꞌ ku wā masaplag, yaꞌ du tu lungay kagakan ku. Kon meꞌ looy batan lay jaꞌ du bay pa kaayaran ningkaam. San pun Almasi, bay du lumingkaꞌ njawom jinisan kamalasahiyan kalnaꞌ siga sukuꞌ na. Pag batnaa, aku na baw pagantiꞌ niiya ngissahan kamalasahiyan kalnaꞌ sagannap ma pitsayaꞌ niiya, yana kitabi ma binilang baran na.

Kolossa 1:28

Dari inaa na sina kon kami masaplag pasal iya ni sikamimon bangsa. Sabuli-buli kami na situ mupusan kapandoyan bay pamuwan Tuhan ningkami man kami noan sila sampay ngawalan sila. Batan kainagon kami sikamimon ma mmeꞌ ni Almasi yaꞌ na luu sutsutan njataꞌ da ni mata Tuhan.

Kolossa 4:17

Maka baan bi si Alkipus, meꞌ iya jama bay kawakilan nohoꞌ maghulas-sangsāꞌ kalnaꞌ Papuꞌ, subay pabuwat na ilooy ma bay sinukuꞌ niiya.

1 Timuti 1:12

Mehe meꞌ ku magsuku ni Papuꞌ ta si Isa Almasi ma nganggaosan aku buwat kahandak na. Magsuku ku niiya sabap lay na ku bilang na kanaalla sampay lay na ku peneꞌ na binuwat sosohoan na.

2 Timuti 4:11

Ituu sa soheꞌ ku tamban ntuu yana si Lukas. Bong anu, kaddoun doꞌ si Malkus, boꞌ boonun pitu, batan katabang mehe sina ya ni pabuwatan ku.

2 Timuti 4:5

Na kuwan kau Timuti, subay ko wā ngagak dī nu ni mimon kahalan nu. Bong ko tumabbaꞌ njawom kamalasahiyan kalnaꞌ Papuꞌ, tatasan nu jaꞌ. Pagbuli-bulihan nu masaplag umanat mahap pasal si Isa. Pajatuhun na mimon ma bay hinalap meꞌ Tuhan ningkau.

Hibrani 13:17

Asipun bi siga pa-mmean bi sukuꞌ si Isa. Lillaꞌ jaꞌ kam ninsila batan sila ina ngayaran kaam mari sambu nyawa bi. Maka katoonan da du sina, luu jaꞌ masa ni sinōng paawop na sila pa Tuhan magsabanna bong pooy meꞌ da bay buwat ilooy ma bay sinukuꞌ ninsila. Dari bong ina bean bi jaꞌ sila, mastiꞌ gāk du sila ngayaran kaam. Sugaꞌ bong ina niyaꞌ, susa sina sila. Boꞌ na, kalugian gi ningkaam.

Hibrani 6:1

Sangkon, ddong na kitabi kataddasan ni tōꞌ ma ndang lay na takoleꞌ tabi jaman tabi bahau bay mmeꞌ ni Almasi. Palanja na kitabi pa pangahati lawom mari pataggu na iman tabi. Ibaratan buwat lumaꞌ, bong kita lay na matangge tehang, san kita yaꞌ na matangge pabalik. Hati na, san yaꞌ na pagsibalik-balik tabi tōꞌ ma ndang katoonan tabi na. Awnan ku ilay siꞌ yana hāl meꞌ sapantun nawbatan dusa, pangando pa Tuhan,