Epesus 4:10 - Sabahagiꞌ Kitab Tawrat: Panagnaan ni Awwal Jaman maka Kitab Injil

¹⁰ Maka subay tahati tabi iya bay duwai pa junyaꞌ sampay pabeleng pa sulgaꞌ supaya tumatandaꞌ sinakup meꞌ na sikaliput alam.

Epesus 4:10 ပူးပေါင်းရင်းမြစ်များ

Matiyu 24:34

“Baan ta kam banahan, yaꞌ gi sina mintu katis matoy jama angkat-angkatan batnaa, ndang nagnaꞌ na binakbul ilooy ma bay sabbut ku siꞌ.

Lukas 24:44

Pag lupus, yuk na, “Bay waktu tabi dambuwaꞌ, ndang bay kam baan ku meꞌ tuu: Saꞌ ba, yuk ku, mimon ma bay sinuwatan meꞌ Nabi Musa ka ga kanabi-nabihan ilooy kasohean sampay na njawom Kitab Jabul pasal aku talpaksaꞌ binakbul jaꞌ?”

Yahiya 1:16

Na sabap biddaꞌ na ehe aseꞌ Anak Tuhan, tinggi-maninggi na supaat bay takoleꞌ tabi sikamimon ma pitsayaꞌ niiya.

Yahiya 19:24

Dari yuk dangan pa dangan, “Ituu ba, daa na salik tabi. Pagkimbuan tabi na jaꞌ. Soysoy bay katuwaꞌ, iya na dapu.” Dari sabap meꞌ looy meꞌ da bay buwat, lay na bana binakbul ilooy ma bay tinunaꞌ jawom kitab, ilooy ma yuk na, “Lay pagbahagiꞌ-bahagian da pamakoy ku, sampay lay gi pinagkimbuan meꞌ da juba ku.”

Yahiya 19:28

Na si Isa siꞌ tu, katoonan na lupus na mimon pabuwatan ma bay sinukuꞌ niiya. Pag-anu yuk na, “Tohoꞌ la kallong ku.” Pag takale meꞌ siga sundalu halling na, lay sila ngingkotan sammek ni tōng kayu-kayu boꞌ tinalloban pa jawom pangannaan pannoꞌ leꞌ tubaꞌ anggul bahal. Pag-anu, boꞌ inangkat pa behe si Isa. Dari sabap meꞌ looy, lay na binakbul tunaꞌ njawom kitab pasal tubaꞌ anggul bahal ndean iya taabut na katohoan kallong.

Yahiya 19:36

Na sabapan bay kahalan si Isa meꞌ looy siꞌ, lay na binakbul tunaꞌ njawom kitab, ilooy ma yuk na, “Yaꞌ luu pōng san disu towang na.”

Salsila siga Rasul 1:11

Yuk da, “Kaam, jama Jalil, ongoy tu amu-amu kam ngahangad langit? Si Isa ilay siꞌ ma bay takita bi inangkat pa sulgaꞌ, luu du sina masa na pabeleng. Pag duwai na ina bbos-bbos, sibuꞌ du hantang na ka waktu na siꞌ bay dutai.”

Salsila siga Rasul 1:9

Paddus si Isa mitsala ninsila, ilooy ma lay na ya inangkat pa taꞌ langit ni pag-awpan da sasang da maiman. Sampay yaꞌ na ya takita kalimbuhan meꞌ tayiꞌ baliyu.

Salsila siga Rasul 2:33

Boꞌ lay gi ya inangkat pa sulgaꞌ sampay lay na pinatingkōꞌ ni bihing Mmaꞌ na Tuhan huwin pa kawnan njawom kabantugan mehe. Boꞌ lay gi ya binuwanan kapatut matannaan siga sukuꞌ na Rū Sutsiꞌ meꞌ ndang bay njanjiꞌ meꞌ Mmaꞌ na. Dari ituu tu siꞌ ma bahau jaꞌ bay takita bi sampay takale bi ni baanan kami poonan man Rū Sutsiꞌ ma bay pinatannaꞌ ningkami.

Salsila siga Rasul 3:18

Sabagay, man maruhuꞌ-ruhuꞌ lagi, ndang bay pinalahil meꞌ Tuhan njawom siga tunaꞌ kanabi-nabihan, bong inawnan Almasi, subay ya lumingkaꞌ njawom kabinsanaan. Dari sabapan ilooy ma bay pabuwat bi niiya, lay na du binakbul siga tunaꞌ da.

2 Korin 12:2

luu na sapu-mpat taun bay pingkaꞌ. Jaman looy, luu disu lalla katoonan ku ma pitsayaꞌ ni Almasi bay inangkat pa katallu pangkat sulgaꞌ. Yaꞌ baw katoonan ku bong nyawa na sadjaꞌ ka, atawa lay tabeꞌ sampay baran na. Isu-isu Tuhan tau. Sugaꞌ katoonan ku baw, basta mattan ya bay nakka pa sulgaꞌ.

Epesus 3:19

Kamura-murahan pasampun boꞌ pasampun na pin pangahati bi ni aseꞌ na supaya taakig bi na ngabut sampay sumibuꞌ na arat-tabiat bi ka Tuhan.

Kolossa 1:19

Batan ndang bay silay ginaraꞌ meꞌ Tuhan subay mimon arat-tabiat na ka kawasa pagkaTuhan na takita njataꞌ Anak na.

Kolossa 2:9

Mingkan, isu-isu Almasi subay binean, batan minsan ilay ya bay lahil pitu magbaran manusiyaꞌ, mimon pagkaTuhan Mmaꞌ na ndang luu na njataꞌ na.

1 Timuti 3:16

Kabanahan ina ma kinapitsayaan meꞌ tabi, yaꞌ tapakilubaan, boꞌ tud kahaylan-haylan. Maruhuꞌ yaꞌ gi bay tahati meꞌ manusiyaꞌ. Pag batnaa, lay na pinalahil meꞌ Tuhan ningkitabi. Meꞌ tuu situ karuha na: Almasi ina bay dari manusiyaꞌ ntuu ni junyaꞌ. Maka iya ilay, luu na pin Rū Sutsiꞌ bay mōꞌ buktiꞌ bong soy ya. Boꞌ lay gi ya tinammuhan meꞌ siga malaikat. Awon na lay na pinasaplag pa kabangsa-bangsahan. Maka kinapitsayaan na ya meꞌ manusiyaꞌ ni sikaliput junyaꞌ. Boꞌ lay gi ya inangkat pa sulgaꞌ njawom kabantugan mehe.

Hibrani 4:14

Lipara luu du panghuluꞌ imam asahan tabi ma yaꞌ luu sibuꞌ sabanding na, lay na duhuꞌ pilay pa sulgaꞌ, yana si Isa Almasi, Anak Tuhan. Sangkon, subay yaꞌ labbahan tabi ilooy ma kinapitsayaan meꞌ tabi pasal iya.

Hibrani 7:26

Danan si Isa ilay tawop binuwat panghuluꞌ imam ma asahan tabi sabap sutsiꞌ ya. Yaꞌ luu sutsutan njataꞌ na maka yaꞌ luu tamak na. Yaꞌ ya bay pingkaꞌ mmeꞌ meꞌ uwahan siga baldusa. Maka sa langkaw-langkaw langit, mas langkaw gi kabantugan na ka kapatut na.

Hibrani 8:1

Na hantak bitsala ku ilay siꞌ, luu na panghuluꞌ imam asahan tabi ma lay na ningkōꞌ ni bihing Tuhan Sangat Kawasa huwin pa kawnan ndooy ni sulgaꞌ.