Epesus 3:8 - Sabahagiꞌ Kitab Tawrat: Panagnaan ni Awwal Jaman maka Kitab Injil

⁸ Sabana na, ni mimon sukuꞌ Tuhan, aku ya labi yaꞌ tawop inawnan sukuꞌ na. Lipara, lay gi baw ku tapeneꞌ nohoꞌ masaplag ni siga bangsa saꞌ Yahudi pasal siga supaat mehe saꞌ taangan-angan ma takoleꞌ da bong sila tibuuk na ka Almasi.

Epesus 3:8 ပူးပေါင်းရင်းမြစ်များ

Lukas 14:22

Pag poleꞌ tindog na balik, yuk na, ‘Tuwan, lay na siꞌ ku ngasip panohoan nu, sugaꞌ masi gi du meka paningkoan yaꞌ magjama.’

Yahiya 1:16

Na sabap biddaꞌ na ehe aseꞌ Anak Tuhan, tinggi-maninggi na supaat bay takoleꞌ tabi sikamimon ma pitsayaꞌ niiya.

Salsila siga Rasul 5:41

Pag lakka ga rasul looy man baanan Sanhidrin, tud bay gāk sila batan kabantugan mehe ninsila bay natas pinakiyaꞌ kalnaꞌ awon si Isa.

Salsila siga Rasul 9:15

Sugaꞌ yuk Papuꞌ Isa ni si Ananiyas, “San na ko, subay sina ko pilay. Lalla looy ilay bay peneꞌ ku tukang masaplag pasal aku ni kabangsa-bangsahan saꞌ Yahudi sampay ni ga sultan da maka ni siga pagkahi nu bangsa Israil.

Suwat si Pol pa mman Baanan Sukuꞌ si Isa ndooy ni Rom 11:33

Tuhan ina, tud kahaylan-haylan kaayaran na. Yaꞌ tabista tabi ehe lawom akka na ka kapandoyan na. Tunmanūn meꞌ jama kahati siga garaꞌ na ka pabuwatan na.

Suwat si Pol pa mman Baanan Sukuꞌ si Isa ndooy ni Rom 12:10

Subay kitabi sikaaseꞌ-kaaseꞌ meꞌ kadari jama danganakan. Maka subay kitabi tinagi magmaltabat ni mimon pagkahi tabi sukuꞌ si Isa.

Suwat si Pol pa mman Baanan Sukuꞌ si Isa ndooy ni Rom 2:4

Sangka bi mareꞌ sukat mehe aseꞌ Tuhan maka tahaꞌ pasensiya na ningkaam, ga yaꞌ dari oy na niiya san kam amu-amu buwat kalaatan. Maka yaꞌ gi mareꞌ tabista bi ngkon na amu-amu manimbang ningkaam, kawu-kawu tawbatan bi na dusa bi.

1 Korin 1:30

Kahapan man kahandak Tuhan, tibuuk na kitabi ka si Isa Almasi, yana poonan man tabi koleꞌ kapandoyan man Tuhan. Lagiꞌ na, sabapan si Isa Almasi, lay na kitabi initung meꞌ Tuhan intong sampay lay na kitabi dari sukuꞌ Tuhan. Maka sabapan si Isa, lay na kitabi pinaddusan man hukuman ni mimon dusa tabi.

1 Korin 15:9

Meꞌ ku ngingat, aku na pinakadiyoꞌ ni rasul si Isa sikamimon. Yaꞌ san ku tawop inawnan rasul na sabap bay ku ngalaugan sagannap ma pitsayaꞌ niiya.

1 Korin 2:9

Kahapan, sabapan kapatoy na, lay na bukisan Tuhan lawang man manusiyaꞌ koleꞌ jinisan supaat. Boꞌ magbēꞌ bana ka bay tunaꞌ njawom kitab, ilooy ma yuk na, “Luu siga supaat ma ndang bay hinalliꞌ meꞌ Tuhan ni sagannap ma maaseꞌ niiya. Siga supaat looy ilay yaꞌ gi bay pingkaꞌ takita maka yaꞌ gi bay takale sampay yaꞌ san bay taingat meꞌ pamiki manusiyaꞌ.”

Galatiya 1:16

Lay na palahil Tuhan Anak na niyaku supaya tapasampay ku na umanat mahap pasal iya ni kabangsa-bangsahan ma saꞌ Yahudi. Dari yaꞌ na san ku bay mangaruha ni soy maka soy na bong oy subay pabuwat ku.

Galatiya 2:8

Batan tabista da du, yana meꞌ Tuhan nampulnaꞌ pabuwatan si Pitel magrasul ni siga Yahudi, meꞌ looy du meꞌ na nampulnaꞌ pabuwatan ku ni siga bangsa ma saꞌ Yahudi.

Epesus 2:7

Kon ilay Tuhan bay buwat meꞌ looy supaya tabista meꞌ mimon angkat-angkatan ma pasunuꞌ bong pooy ehe aseꞌ na ka timbang na njataꞌ tabi.

Epesus 3:1

Dari kalnaꞌ kaam siga bangsa saꞌ Yahudi, itu na ga ku lay tajīl sabap meꞌ ku bay masaplagan kaam kabanahan pasal si Isa Almasi.

Epesus 3:16

Paku ku duwaa pa Tuhan Sangat Kawasa, kamura-murahan ni kaehe kawasa na ka aseꞌ na, binuwanan du kam leꞌ Rū na gaos mari magsasōng na pin taggu iman bi.

Epesus 3:19

Kamura-murahan pasampun boꞌ pasampun na pin pangahati bi ni aseꞌ na supaya taakig bi na ngabut sampay sumibuꞌ na arat-tabiat bi ka Tuhan.

Epesus 3:2

Kira ku katoonan bi na du ngkon ku masaplag pasal aseꞌ Tuhan sabap ndang inaa pabuwatan bay hinalap meꞌ na niyaku pa kaayaran ningkaam.

Pilipi 2:3

Daa subay na pin kam magpasanglit atawa malangkaw dī bi man siga soheꞌ bi. Gam pin subay kam magpadiyoꞌ maka ingatun bi pagkahi bi hagaan gi man dī bi.

Pilipi 4:19

Na Tuhan ma ngayaran aku, mastiꞌ ngayaran kaam du sina. Meꞌ iya ina dapu mimon-mimon sampay yaꞌ na kuhi katis altaꞌ na, mastiꞌ buwanan na jaꞌ sina kam mimon ma gunahan ningkaam man sabapan pagkatibuuk bi ka si Isa Almasi.

Kolossa 1:27

Umanat Tuhan ina, yana pasal garaꞌ na matabeꞌ kaam ma saꞌ Yahudi ni ladjikiꞌ lakka man iya. Ladjikiꞌ looy ilay yana Almasi patannaꞌ njawom baran bi. Boꞌ iya na sina poonan bi ngaholat ngabut arat-tabiat na.

1 Timuti 1:13

Lay ku peneꞌ na minsan ku bay pingkaꞌ malaat iya maruhuꞌ. Sarī gi, daran ku bay ngalaugan siga sukuꞌ na. Boꞌ yaꞌ luu pag-agak bila ku minsanaꞌ sila na. Lipara, yaꞌ du baw ku bay tuwaꞌ mulkaꞌ. Gam pin lay gi ku panimbangan Papuꞌ Isa, batan halloman ku yaꞌ gi bay pitsayaꞌ niiya, kalaatan bay pabuwat ku ni kaawam ku sadjaꞌ.

1 Timuti 1:15

Na ituu tu bitsala kanaalla ka pataꞌ kinanna meꞌ sikamimon: Maksud si Isa Almasi bay pitu pa junyaꞌ supaya tasalamat na siga baldusa. Man ku kasiguru, batan bong kinawnan baldusa, yaꞌ luu bay lumabi man aku.

1 Timuti 2:7

Ituu situ kon ku bay pineneꞌ meꞌ Tuhan binuwat rasul na nohoꞌ masaplag umanat mahap ni siga bangsa saꞌ Yahudi. Toan ku sila supaya sila mangando ni si Isa Almasi ka pitsayaꞌ ni tōꞌ sabanna. Na pitsayaꞌ jama atawa niyaꞌ, basta kanaalla jaꞌ baw situ bitsala ku. Yaꞌ ku pandoy ngandustaꞌ.

2 Timuti 1:11

Kuwan aku, lay na ku peneꞌ Tuhan binuwat disu rasul ka guru supaya tapasaplag ku umanat mahap.

Siga Pakaradjaan bay Pinalahil 3:18

Sangkon sohoꞌ ta na kam malli niyaku mmas porol ma bay na llakkahan sakot na ka api supaya kam dayahan na ni mata Tuhan. Maka malli na kam pamakoy poteꞌ niyaku mari katambunan na kaiyaan bi nantang. Maka malli na kam niyaku uliꞌ man bi muusan mata bi mari kam ngita.