Epesus 3:7 - Sabahagiꞌ Kitab Tawrat: Panagnaan ni Awwal Jaman maka Kitab Injil

⁷ Dari man sabapan aseꞌ Tuhan niyaku, lay ku kaladjikian binuwat sosohoan na masaplag umanat mahap ni kaehe kawasa Tuhan njataꞌ ku.

Epesus 3:7 ပူးပေါင်းရင်းမြစ်များ

Salsila siga Rasul 9:15

Sugaꞌ yuk Papuꞌ Isa ni si Ananiyas, “San na ko, subay sina ko pilay. Lalla looy ilay bay peneꞌ ku tukang masaplag pasal aku ni kabangsa-bangsahan saꞌ Yahudi sampay ni ga sultan da maka ni siga pagkahi nu bangsa Israil.

Suwat si Pol pa mman Baanan Sukuꞌ si Isa ndooy ni Rom 1:5

Boꞌ iya na silay bay nguwakilan kami binuwat siga rasul na. Lay kami buwanan na kapatut masaplagan kabangsa-bangsahan nohoꞌ pitsayaꞌ sampay ngasip niiya, pamaehe bantug ni awon na.

Suwat si Pol pa mman Baanan Sukuꞌ si Isa ndooy ni Rom 12:3

Na meꞌ aku tu bay pineneꞌ binuwat disu rasul si Isa man aseꞌ Tuhan, junjung ku na ningkaam, daa kam mista dī bi langkaw man pagkahi bi. Subay kam papatong mamiki pasal dī bi batan saꞌ sina sat kaam bay sinukuan kapandoyan meꞌ Tuhan, arapun sampay mimon pagkahi bi ma pitsayaꞌ ni si Isa.

Suwat si Pol pa mman Baanan Sukuꞌ si Isa ndooy ni Rom 15:16

Aku itu bay pineneꞌ binuwat sosohoan si Isa Almasi kalnaꞌ siga bangsa ma saꞌ Yahudi. Pabuwatan ku tu meꞌ karuha imam batan masaplag ku umanat mahap man Tuhan ninsila. Kuwan sagannap ma pitsayaꞌ, sila meꞌ sapantun jakat sinongan meꞌ ku pa Tuhan. Boꞌ tinimaꞌ jaꞌ sina sila meꞌ Tuhan sabap lay na sinutsiꞌ pangatayan da meꞌ Rū Sutsiꞌ.

1 Korin 15:10

Sugaꞌ san meꞌ looy, lay gi ku dari rasul man sabapan aseꞌ Tuhan niyaku. Boꞌ aseꞌ na ina yaꞌ du bay pasensengan ku sabap labi gi tuyuꞌ ku maghulas-sangsāꞌ kalnaꞌ si Isa man mimon pagkahi ku rasul na. Sugaꞌ saꞌ du baw silay ni kabasag gaos ku, arapun man gaos Tuhan ni jataꞌ ku.

1 Korin 3:5

Doꞌ kam bi. Soy doꞌ itu kami ka si Apolos? Kami bitu sosohoan sadjaꞌ ma bay mitsalahan kaam supaya kam pitsayaꞌ ni si Isa. Kami itu dangoy na, buwat jaꞌ kami saliꞌ-saliꞌ ma bay sinukuꞌ meꞌ Papuꞌ ningkami.

2 Korin 3:6

Maka Tuhan du sina nganggaosan kami masaplag pagsulutan bahau ni antaraꞌ iya ka manusiyaꞌ mari jama mahap na niiya. Ni pagsulutan bahau ina, Rū Sutsiꞌ ndean meꞌ Tuhan ni manusiyaꞌ. Boꞌ ni pagsulutan sibuwa, saraꞌ bay ndean ni manusiyaꞌ. Ni pagsulutan sibuwa ina, bong jama doman mahap na pa Tuhan, subay bogbogan da sara. Salla na, ilooy du takoleꞌ jama man saraꞌ yana katiksaan nyawa batan yaꞌ luu kabogbog labbasakayi. Boꞌ ni pagsulutan bahau ina, koleꞌ na kitabi kaallum bahau sampay kasampulnaan nyawa saumu-umu man sabapan Rū Sutsiꞌ.

2 Korin 4:1

Ni kaehe timbang Tuhan, lay kami peneꞌ na masaplag umanat mahap. Sangkon yaꞌ kami jamu maghulas-sangsāꞌ kalnaꞌ iya.

Galatiya 2:8

Batan tabista da du, yana meꞌ Tuhan nampulnaꞌ pabuwatan si Pitel magrasul ni siga Yahudi, meꞌ looy du meꞌ na nampulnaꞌ pabuwatan ku ni siga bangsa ma saꞌ Yahudi.

Epesus 1:19

Maka pakuhan ta du kam pangahati supaya katoonan bi na bong pooy ehe kawasa Tuhan para ningkitabi ma pitsayaꞌ niiya. Kawasa na ilay,

Epesus 3:2

Kira ku katoonan bi na du ngkon ku masaplag pasal aseꞌ Tuhan sabap ndang inaa pabuwatan bay hinalap meꞌ na niyaku pa kaayaran ningkaam.

Epesus 3:20

Pudji tabi Tuhan batan biddaꞌ na situ ehe kawasa na ni kaallum tabi. Ni kaehe kawasa na, takaya na nganduwan san labi gi man oy-oy paku tabi atawa oy-oy tapiki tabi.

Epesus 3:8

Sabana na, ni mimon sukuꞌ Tuhan, aku ya labi yaꞌ tawop inawnan sukuꞌ na. Lipara, lay gi baw ku tapeneꞌ nohoꞌ masaplag ni siga bangsa saꞌ Yahudi pasal siga supaat mehe saꞌ taangan-angan ma takoleꞌ da bong sila tibuuk na ka Almasi.

Epesus 4:16

Kuwan kitabi ma pitsayaꞌ niiya meꞌ karuha baran na. Na tiyap-tiyap baran manusiyaꞌ, mimon kalangkapan na langkit ka tibuuk. Maka baran ina, bong siga kalangkapan na saliꞌ-saliꞌ buwat ilooy ma bay sinukuꞌ ninsila, mastiꞌ paehe jaꞌ sina maka pabasag na pin. Damikiyan, meꞌ naa du sina baran si Isa bong kitabi sikaaseꞌ-kaaseꞌ ka sama-sama buwat ilooy ma bay sinukuꞌ meꞌ na ningkitabi.

Kolossa 1:29

Sangkon man kawasa Almasi nganggaosan aku, magtuyuꞌ-tuyuꞌ ku majatu pabuwatan ma bay sinukuꞌ niyaku.

1 Tesaloneka 2:13

Tud yaꞌ na situ bakkat meꞌ kami magsuku pa Tuhan pasal meꞌ bi bay ngahasi umanat na ma bay pinasampay meꞌ kami ningkaam. Ndaꞌ kami, pag lay takale bi, magti bay tabista bi ilooy na palman Tuhan, saꞌ ga umanat bay jaꞌ tinulun-tulun meꞌ manusiyaꞌ. Boꞌ palman Tuhan ina, yaꞌ luu hantiꞌ na ngahalin pangatayan bi, sagannap ma pitsayaꞌ.

Hibrani 13:21

Kamura-murahan pinalangkapan na pin kam meꞌ Tuhan ka mimon ma gunahan ningkaam supaya tapabuwat bi kahandak na. Kamura-murahan man sabapan pagkatibuuk bi ka si Isa Almasi, pinajatu du meꞌ Tuhan maksud na ni kaallum bi. Ilooy ilay siꞌ pamaehe sanglit niiya pangkat-mamangkat saumu. Amin.