Epesus 3:6 - Sabahagiꞌ Kitab Tawrat: Panagnaan ni Awwal Jaman maka Kitab Injil

⁶ Na garaꞌ ma bay awnan ku ilay siꞌ yana ituu: Mimon ma bay hinalliꞌ meꞌ Tuhan ni sukuꞌ na, saꞌ du silay sat para ni bangsa Yahudi, arapun sampay ni mimon kabangsa-bangsahan. Batan sikamimon ma pitsayaꞌ ni umanat mahap tabilang na dambuwaꞌ baran sabap meꞌ da tibuuk ka si Isa Almasi. Maka saliꞌ-saliꞌ na sila hampit ni mimon bay njanjiꞌ meꞌ Tuhan.

Epesus 3:6 ပူးပေါင်းရင်းမြစ်များ

1 Korin 12:12

Na san yaꞌ sibuꞌ-sibuꞌ ladjikiꞌ bay ndean kitabi, masi du sina kitabi tibuuk. Mamintang kam ni baran jama. Tiyap-tiyap disu baran, san meka kalangkapan na, disu baran du ya masi. Damikiyan, kitabi pun itu, san kitabi meka, binilang disu baran du, batan ginalla kitabi baran Almasi.

1 Korin 12:27

Na hantak bitsala ku siꞌ, mimon kitabi ma pitsayaꞌ ni Almasi binilang disu baran, yana baran Almasi. Maka saliꞌ-saliꞌ kitabi binilang kalangkapan ni baran na.

Galatiya 3:14

Na si Isa Almasi ilay bay maglillaꞌ pinapatoy supaya takoleꞌ meꞌ mimon kabangsa-bangsahan supaat ma bay njanjiꞌ ni Nabi Ibrahim, maka supaya kitabi ma pitsayaꞌ, pinaasokan na Rū Sutsiꞌ ma bay njanjiꞌ meꞌ Tuhan.

Galatiya 5:24

Meꞌ kitabi itu tibuuk na ka si Isa Almasi, bong kinawnan pabuwatan tagga pa Tuhan, timanan tabi na. Meꞌ tabi ngingat, pagkajama tabi maruhuꞌ ma wā pinagbayaan meꞌ napsu tabi, lay na tabeꞌ matoy ni si Isa Almasi llansang taꞌ tehang.

Epesus 3:3

Sarī gi, lay na pinalahil niyaku pakaradjaan pasal garaꞌ Tuhan ma yaꞌ gi bay pinalahil maruhuꞌ. Sabahagiꞌ lay na bay sabbut ku siꞌ ni panagnaan suwat tuu.

Epesus 5:30

sabap kitabi itu yana siga kalangkapan baran na.

Epesus 5:7

Sangkon, daa na kam mmeꞌ ninsila palamud ni kalaatan da.

Kolossa 2:19

Ga jama meꞌ looy ilay yaꞌ na ngantanan tōꞌ Almasi. Padahal Almasi ina, yana takōk ningkitabi ma binilang baran na. Iya sina poonan man mimon kalangkapan baran na koleꞌ oy-oy gunahan ninsila. Dari tiyap-tiyap ina baran langkit ka kōk na, tibuuk jaꞌ sina sikamimon. Mimon kalangkapan na sama-sama usik. Boꞌ magsasōng na pin meꞌ da sampulnaꞌ magbēꞌ ka gantaan Tuhan.

1 Yahiya 1:3

Dari tuntutan kami na kam ilooy ma bay tasakup kami niiya supaya dambuwaꞌ atay na kitabi maka supaya saliꞌ-saliꞌ na kitabi dambuwaꞌ atay ka Tuhan sampay Anak na si Isa Almasi.

1 Yahiya 2:25

Maka kannahun bi na pin janjiꞌ Anak Tuhan muwanan sagannap ma pitsayaꞌ niiya kasampulnaan nyawa saumu-umu.