Epesus 3:5 - Sabahagiꞌ Kitab Tawrat: Panagnaan ni Awwal Jaman maka Kitab Injil

⁵ Meꞌ halling sambat ku na siꞌ, kamaatunan garaꞌ Tuhan ina bay llimbuhan ni siga angkat-angkatan maruhuꞌ. Noy batnaa na boꞌ lay na pinalahil meꞌ Rū Sutsiꞌ ni siga rasul si Isa ka ga jama ma kaladjikian masampay siga umanat man Tuhan.

Epesus 3:5 ပူးပေါင်းရင်းမြစ်များ

Matiyu 13:17

Baan ta kam banahan, meka silay nabi ka ga jama intong mattoꞌ tud bay doman ngita ituu ma takita bi batnaa, sugaꞌ yaꞌ gi bay luu dapat da. Tud bay sila doman kale ituu ma takale bi batnaa sugaꞌ yaꞌ gi du bay luu dapat da.”

Matiyu 20:7

“Pag halling da, ‘Yaꞌ ba la kami nammu buwatan.’ “Dari yuk na ninsila, ‘Bong meꞌ looy, pilay na kam buwat ni kabbun ku.’

Matiyu 23:34

Batan luu-luu ina mintu sohoꞌ ku pitu pa mman bi siga nabi ka ga jama halul-akka ka ga guru, kasohean llansang jaꞌ du meꞌ bi taꞌ tehang. Kuwan kasohean, pinawu-pawu meꞌ bi ni siga langga bi sampay inonse meꞌ bi padisu-padisu lahat.

Lukas 10:24

Baan ta kam banahan, meka silay nabi ka ga sultan mattoꞌ tud bay doman ngita siga pakaradjaan ma takita bi batnaa. Maka tud mehe kainagon da kale ituu ma takale bi batnaa, sugaꞌ yaꞌ du bay luu dapat da.”

Lukas 11:49

Sangkon, ni kalawom akka Tuhan, ndang luu na bay garaꞌ na mungka kalaatan bi. Yuk Tuhan maruhuꞌ, ‘Sohoꞌ ku du sina mintu kanabi-nabihan ka ga rasul pa mman bangsa Yahudi. Pag pōꞌ da ina mintu, kasohean bininsanaꞌ, kuwan kasohean sampay pinapatoy!’ ”

Yahiya 14:26

Kamasaꞌ, pag taabut ku yaꞌ na luntuu, pinapitu du sina meꞌ Mmaꞌ ku gantiꞌ ku, yana Tukang Nabang, hati na, Rū Sutsiꞌ. Iya sa mintu noan kaam mimon ma pataꞌ kinatoonan meꞌ bi sampay maintoman kaam mimon ma bay bāꞌ ku ningkaam.

Yahiya 16:13

Pag ina mintu takka na tukang malahil kabanahan, yana Rū Sutsiꞌ, binuwanan na du sina kam meꞌ na pangahati ni kabanahan. Boꞌ kabanahan ma pinasampay meꞌ na ina, saꞌ du silay mintu lakka man dī na, arapun masampay jaꞌ ya ilooy ma takale na lakka man aku. Maka malahil gi sina ya ningkaam siga pakaradjaan ma magkadarihan ni sinōng.

Salsila siga Rasul 10:28

Dari yuk na ninsila, “Kaam ma luntuu, katoonan bi du, tagga ni saraꞌ agama kami Yahudi maglaw-lamud atawa paasok pa jawom lumaꞌ bangsa sarī. Sugaꞌ bahau jaꞌ situ bay pinakitau meꞌ Tuhan niyaku subay ku yaꞌ ngitung soy maka soy na manusiyaꞌ haram.

Suwat si Pol pa mman Baanan Sukuꞌ si Isa ndooy ni Rom 16:25

Na katapusan bitsala ku, pudji tabi Tuhan. Iya ina nganggaosan kaam mari kam yaꞌ usik man umanat ma bay tinōꞌ ningkaam. Umanat ma awnan ku yana umanat mahap pasal si Isa Almasi ma pinasaplag meꞌ ku. Umanat mahap itu, ndang luu na njawom siga suwat kanabi-nabihan, sat na jaꞌ yaꞌ gi bay tumampak kamaatunan na.

1 Korin 2:10

Na siga supaat looy ilay siꞌ, lay na pinalahil meꞌ Tuhan ningkitabi man tabang Rū Sutsiꞌ muwanan kitabi pangahati. Batan katoonan Rū Sutsiꞌ mimon-mimon. Minsan hāl ma sinipuk banahan njawom atay Tuhan, katoonan na du.

Epesus 2:20

Na kitabi itu sukuꞌ Almasi tadalil pa siga kalangkapan lumaꞌ pinatangge meꞌ Tuhan man Rū na patannaꞌ. Kuwan si Isa Almasi, yana batu pepan luha man lumaꞌ looy pinatangge mari pagon. Sangkon iya patingkat hagaan man mimon kalangkapan lumaꞌ looy. Kuwan tōꞌ siga rasul si Isa ka ga kanabi-nabihan, yana siga tehang lumaꞌ looy.

Epesus 3:9

Boꞌ lay gi ku sinohoꞌ meꞌ ilooy ma bay mapayak mimon-mimon, yana Tuhan, mahatiyan jama garaꞌ na ma bay llimbuhan maruhuꞌ.

2 Pitel 3:2

Yaꞌ ku doman takupan bi bay bitsala kanabi-nabihan ka siga panohoan Papuꞌ Isa, yana tukang nalamat kitabi. Boꞌ ilooy na silay siga panohoan ma bay pinasampay ningkaam meꞌ kami siga rasul na.

Suwat Lakka man si Jūd 1:17

Sugaꞌ kaam, siga kakasi ku, intomun bi jaꞌ bay tunaꞌ siga rasul Papuꞌ tabi si Isa Almasi.