Epesus 3:20 - Sabahagiꞌ Kitab Tawrat: Panagnaan ni Awwal Jaman maka Kitab Injil

²⁰ Pudji tabi Tuhan batan biddaꞌ na situ ehe kawasa na ni kaallum tabi. Ni kaehe kawasa na, takaya na nganduwan san labi gi man oy-oy paku tabi atawa oy-oy tapiki tabi.

Epesus 3:20 ပူးပေါင်းရင်းမြစ်များ

Panagnaan 17:1

Pag taabut siyampuꞌ-siyam taun umu si Ibram, lay na baw ya tinammuhan meꞌ Papuꞌ pabalik. Yuk Papuꞌ niiya, “Aku na situ Tuhan Sangat Kawasa. Batnaa mōꞌ doꞌ ku pagsulutan ni antaraꞌ kau ka aku. Mmeꞌ jaꞌ ko ni kahandak ku maka buwat jaꞌ ko kaintongan, boꞌ nu buwanan ku panubuꞌ paeka banahan.”

Panagnaan 18:4

Pahali-hali na doꞌ kam ni poon kayu naa. Sohoꞌ ta doꞌ kam binoonan boheꞌ man ngosoan battis bi.

Matiyu 3:9

Daa kam mista sukat kam panubuꞌ Nabi Ibrahim yaꞌ na kam tuwaꞌ mulkaꞌ Tuhan. Bong siꞌ ina tud panubuꞌ Nabi Ibrahim pagpiha Tuhan, san ga buran batu naa, tapadari du meꞌ Tuhan ga panubuꞌ na.

Yahiya 10:10

“Na kuwan siga panangkaw ma bay awnan ku ilay siꞌ, yaꞌ luu niyat da sarī man nangkaw, mapatoy, sampay makaat. Boꞌ aku tu, maksud ku bay pitu supaya luu na dapat manusiyaꞌ koleꞌ kaallum bahau, yana kaallum ma yaꞌ luu kulang na samasakali.”

Suwat si Pol pa mman Baanan Sukuꞌ si Isa ndooy ni Rom 16:25

Na katapusan bitsala ku, pudji tabi Tuhan. Iya ina nganggaosan kaam mari kam yaꞌ usik man umanat ma bay tinōꞌ ningkaam. Umanat ma awnan ku yana umanat mahap pasal si Isa Almasi ma pinasaplag meꞌ ku. Umanat mahap itu, ndang luu na njawom siga suwat kanabi-nabihan, sat na jaꞌ yaꞌ gi bay tumampak kamaatunan na.

Suwat si Pol pa mman Baanan Sukuꞌ si Isa ndooy ni Rom 4:21

Tatantu na bong Tuhan bay nganjanjiꞌ, mastiꞌ tinuman jaꞌ.

1 Korin 2:9

Kahapan, sabapan kapatoy na, lay na bukisan Tuhan lawang man manusiyaꞌ koleꞌ jinisan supaat. Boꞌ magbēꞌ bana ka bay tunaꞌ njawom kitab, ilooy ma yuk na, “Luu siga supaat ma ndang bay hinalliꞌ meꞌ Tuhan ni sagannap ma maaseꞌ niiya. Siga supaat looy ilay yaꞌ gi bay pingkaꞌ takita maka yaꞌ gi bay takale sampay yaꞌ san bay taingat meꞌ pamiki manusiyaꞌ.”

2 Korin 9:8

Intomun bi, takaya du sina meꞌ Tuhan muwanan kaam san labi gi man balanjaꞌ bi supaya wā luu man bi nulung ka buwat jinisan kaayaran ni jama.

Epesus 1:19

Maka pakuhan ta du kam pangahati supaya katoonan bi na bong pooy ehe kawasa Tuhan para ningkitabi ma pitsayaꞌ niiya. Kawasa na ilay,

Epesus 3:7

Dari man sabapan aseꞌ Tuhan niyaku, lay ku kaladjikian binuwat sosohoan na masaplag umanat mahap ni kaehe kawasa Tuhan njataꞌ ku.

Kolossa 1:29

Sangkon man kawasa Almasi nganggaosan aku, magtuyuꞌ-tuyuꞌ ku majatu pabuwatan ma bay sinukuꞌ niyaku.

1 Timuti 1:14

Tud biddaꞌ na sina ehe aseꞌ Papuꞌ ta si Isa Almasi! Bistahun doꞌ, lay gi bukaꞌ na puad ku pitsayaꞌ niiya. Sampay lay gi ku buwanan na aseꞌ ni pagkahi ku manusiyaꞌ!

Hibrani 11:19

Njawom atay na, san si Isahak bay matoy, mastiꞌ takaya Tuhan du makallum iya pabalik. Dari minsan Nabi Ibrahim yaꞌ bay tabawus nongan umu anak na sabap meꞌ Tuhan bay matagong iya, dari ko ngawon, lay du tabawiꞌ na umu anak na.

Hibrani 7:25

Sangkon, tapajatu na na banahan nalamat sagannap ma doman mahap na pa Tuhan, basta sila pitsayaꞌ jaꞌ niiya. Iya ilay llum saumu-umu maka wā ya makuhan sila timbang pa Tuhan.

Yaꞌkub 4:12

Disu du sina poonan saraꞌ maka isu-isu iya huwis sabanna, yana Tuhan. Damikiyan, iya du ngantanan kawasa-kapatut nalamat manusiyaꞌ atawa ngahansu sila. Sangkon subay kam yaꞌ os-os manding pagkahi bi pa kalaatan batan yaꞌ luu kapatut bi ngahukum.

2 Pitel 1:11

Boꞌ na, hinasi na sina kam mintu paayad pa jawom sulgaꞌ, ndooy man Papuꞌ tabi si Isa Almasi, yana tukang nalamat kitabi, magsultan saumu-umu.

Suwat Lakka man si Jūd 1:24

Pudji tabi Tuhan. Iya na sina katabang ningkitabi supaya yaꞌ na kitabi taboo-boo buwat dusa. Damikiyan, iya na du sina kapuwasan dusa tabi supaya yaꞌ na luu sutsutan njataꞌ tabi pag mintu taabut tabi nangge ni awpan sahayaꞌ na. Ndooy ilay mintu ni pag-awpan na, tud gāk na kitabi saꞌ alang-alang.