Epesus 2:6 - Sabahagiꞌ Kitab Tawrat: Panagnaan ni Awwal Jaman maka Kitab Injil

⁶ Maka pagka kitabi lay na tabeꞌ ni Almasi pinakallum, meꞌ tabi ngingat, lay na du kitabi pinatabeꞌ niiya pinatingkōꞌ ndooy ni sulgaꞌ.

Epesus 2:6 ပူးပေါင်းရင်းမြစ်များ

Matiyu 26:29

Baan ta kam, ituu sa situ katapusan waktu ku nginum tubaꞌ anggul ka kaam. Sakayi ku itu nginum ka kaam pabalik, noy bahau na kahalan tabi njawom pamarinta Mmaꞌ ku.”

Lukas 12:37

Bong ina siga ata ndang saddiya na ni katakka papuꞌ da, mastiꞌ sinupaatan jaꞌ sila. Tandaꞌ papuꞌ da kasulutan ninsila, saynan na na sina badjuꞌ na, boꞌ na matingkōꞌ ga ata na ni lamisahan na. Pag-anu, boꞌ iya na ya motangan sila.

Yahiya 12:26

Soysoy doman buwat kahandak ku, subay du nūs lān ku supaya nnoy-nnoy mman ku, ndooy du ya. Maka sagannap ma buwat kahandak ku, mastiꞌ pinaehe sina mintu meꞌ Mmaꞌ ku.”

Yahiya 14:3

Pus ku mintu manyapan kaam, boꞌ ku sa pabeleng ngokoman kaam supaya nnoy-nnoy mman ku, ndooy du mman bi.

Epesus 1:1

Ituu itu aku, yana si Pol, disu rasul si Isa Almasi man kahandak Tuhan. Itu suwat ku pa mman bi siga sukuꞌ Tuhan, yana kaam ma magkanaalla mmeꞌ ni si Isa Almasi nnaa ni Epesus.

Epesus 1:3

Pudji tabi Tuhan, Mmaꞌ Papuꞌ tabi si Isa Almasi. Meꞌ kitabi itu tibuuk na ka Almasi, lay na dean Tuhan ningkitabi mimon supaat man sulgaꞌ ma kasampulnaꞌ ni nyawa.

Epesus 2:10

Sugaꞌ saꞌ baw ina ga yaꞌ na puntukan hāl meꞌ buwat mahap. Arapun Tuhan bay muwanan kitabi kaallum bahau njawman si Isa Almasi supaya tabi buwat siga pabuwatan mahap. Batan ndang inaa bay garaꞌ na ningkitabi.

Epesus 2:13

Lipara batnaa, pagka kam luu na njawman si Isa Almasi, san kam bay lawak man Tuhan, tapit na kam sabapan lahaꞌ Almasi ma bay tumpa ni kapatoy na.

Kolossa 1:18

Iya ina pa-mmean tabi sikamimon ma pitsayaꞌ niiya. Dari iya takōk tabi maka kitabi binilang baran na. Iya ina yana poonan kaallum tabi bahau. Maka iya bay duhuꞌ pinakallum pabalik ddas ka baran ma yaꞌ na kuhi matoy. Kon na meꞌ looy supaya tumatandaꞌ iya patingkat man mimon-mimon.