Epesus 2:19 - Sabahagiꞌ Kitab Tawrat: Panagnaan ni Awwal Jaman maka Kitab Injil

¹⁹ Sangkon kaam ma saꞌ bangsa Yahudi, yaꞌ na kam jama sampi pa Tuhan. Tabeꞌ na du kam ni siga sukuꞌ na maka anak na na du kam njawom okoman na.

Epesus 2:19 ပူးပေါင်းရင်းမြစ်များ

Matiyu 10:25

Sangkon na mulit subay yaꞌ jayip bong ya lumangga meꞌ ilooy ma bay talingkaꞌ meꞌ guru na. Ata pun subay yaꞌ du ya jayip bong ya lumangga meꞌ ilooy ma bay talingkaꞌ meꞌ papuꞌ na. Dari meꞌ aku pa-mmean bi, bong itu ku tinawakkahan inawnan Ibilis, labi na kaam siga mulit ku saꞌ pinitnahan.”

Galatiya 6:10

Sangkon na, bong luu dapat bi buwat mahap ni jama awla na ni siga danganakan bi sukuꞌ si Isa, daa kam paagak.

Epesus 2:12

Sibuwa, yaꞌ san bay katoonan bi bong soy Almasi. Maka yaꞌ bay luu lamud bi ni bangsa Israil ma bay peneꞌ Tuhan sukuꞌ na. Jaman looy, masi kam awam ni siga janjiꞌ Tuhan ninsila. Yaꞌ bay luu holat bi maka yaꞌ san bay katoonan bi bong soy Tuhan.

Epesus 3:15

sikamimon sukuꞌ na, yana sagannap ma inawnan meꞌ na rahasiyaꞌ na ni lumaꞌ na, labba man taꞌ babaw junyaꞌ sampay pa sulgaꞌ.

Epesus 3:6

Na garaꞌ ma bay awnan ku ilay siꞌ yana ituu: Mimon ma bay hinalliꞌ meꞌ Tuhan ni sukuꞌ na, saꞌ du silay sat para ni bangsa Yahudi, arapun sampay ni mimon kabangsa-bangsahan. Batan sikamimon ma pitsayaꞌ ni umanat mahap tabilang na dambuwaꞌ baran sabap meꞌ da tibuuk ka si Isa Almasi. Maka saliꞌ-saliꞌ na sila hampit ni mimon bay njanjiꞌ meꞌ Tuhan.

Pilipi 3:20

Boꞌ kitabi baw tu sukuꞌ Tuhan, lahat tabi sabanna yana sulgaꞌ. Maka ilooy ma agad tabi lakka man sulgaꞌ du, yana Papuꞌ tabi si Isa Almasi ma tukang nalamat kitabi.

Hibrani 11:13

Na ga Nabi Ibrahim ilay ka ga anak-mpu na mangando na pin pa Tuhan ngabut sampay da bay matoy san yaꞌ gi bay takoleꞌ da ilooy ma bay njanjiꞌ meꞌ Tuhan ninsila. Sugaꞌ gāk baw sila batan tabista da bbos-bbos takoleꞌ da ilooy ma bay agad da. Sangkon meꞌ da ngingat, jama sampi sadjaꞌ sila pahās jaꞌ ni junyaꞌ tuu.

Hibrani 13:14

Ndang-ndang, yaꞌ du luu daira tabi kakka ni junyaꞌ tuu. Ilooy ya agad tabi yana daira ma natas saumu lakka man sulgaꞌ.

1 Pitel 2:11

Siga kakasi ku, junyaꞌ tuu itu saꞌ lahat tabi sabanna. Sampi jaꞌ kitabi ntuu. Sangkon junjung ku na ningkaam, daa na duwanun bi napsu maat ma pinaabak meꞌ jama ma nabiat mandang hāl junyaꞌ. Batan siga napsu meꞌ looy ilay, meꞌ karuha banta bi ma niksaꞌ nyawa bi.

1 Yahiya 3:1

Bistahun bi doꞌ ehe aseꞌ Mmaꞌ tabi Tuhan njataꞌ tabi. Lay na ga tabi awnan na anak na. Boꞌ tud bana du baw situ kitabi anak na. Sugaꞌ kuwan siga jama ma mandang jaꞌ hāl junyaꞌ, yaꞌ tahati da ga anak Tuhan na kitabi batan yaꞌ katoonan da Tuhan.