Epesus 2:18 - Sabahagiꞌ Kitab Tawrat: Panagnaan ni Awwal Jaman maka Kitab Injil

¹⁸ Dari sabapan Almasi, labba man kami siga Yahudi sampay na kaam ma saꞌ Yahudi, saliꞌ-saliꞌ na kitabi kapatapit pa mman Mmaꞌ tabi Tuhan. Batan saliꞌ-saliꞌ na kitabi lay pinaasokan Rū na, yana Rū Sutsiꞌ.

Epesus 2:18 ပူးပေါင်းရင်းမြစ်များ

Matiyu 28:19

Sangkon, lataan bi na junyaꞌ boꞌ toan bi na sikamimon bangsa pasal aku supaya sila mmeꞌ niyaku. Maka pandihun bi na sila ni awon Mmaꞌ ku, Anak na, ka Rū Sutsiꞌ.

Yahiya 10:7

Sangkon lay na sila bakkasan na, yuk na, “Baan ta kam banahan, ilooy ilay siꞌ ma bay awnan ku lawang kura bili-bili, yana aku na.

Yahiya 10:9

Meꞌ halling sambat ku siꞌ, aku na situ lawang. Sagannap ma paasok man ku, malaingkan sinalamat. Sibuꞌ du karuha da ka bili-bili sannang jaꞌ magpōꞌ-paasok, maka nammu jaꞌ sila makanan ayad.

Yahiya 14:6

Tampung si Isa, “Aku na bitu lān na. Damikiyan, aku du kabanahan sampay poonan kaallum. Yaꞌ sina luu takka pa mman Mmaꞌ ku bong saꞌ aku lān tinūs.

Suwat si Pol pa mman Baanan Sukuꞌ si Isa ndooy ni Rom 5:2

Lagiꞌ na, sabapan si Isa Almasi maka pangando tabi niiya, tattap na sina kitabi koleꞌ aseꞌ ka tabang man Tuhan. Boꞌ tud gāk sina kitabi batan luu na holat tabi tumabeꞌ ni ehe kabantugan Tuhan.

Suwat si Pol pa mman Baanan Sukuꞌ si Isa ndooy ni Rom 8:15

Na jaman tabi ilay njawman saraꞌ, pagka daran kitabi ngalangga, sibuꞌ du karuha tabi ka ata ma tawu pinidjalaꞌ meꞌ papuꞌ na. Pag batnaa, lay na lungay tawu tabi sabap lay na kitabi pinatannaan Rū Tuhan ma nabangan kitabi buwat kaintongan. Boꞌ na, makitau gi ya njawom atay tabi tud bana-bana du anak Tuhan na kitabi. Dari inaa sina kon tabi ngawnan Tuhan “Maꞌ.”

1 Korin 12:13

Lay na kitabi tinibuuk meꞌ Tuhan pa disu baran sa batan lay na kitabi saliꞌ-saliꞌ pinaasokan disu Rū, yana Rū Sutsiꞌ. Kasohean kitabi bangsa Yahudi, kasohean ssaꞌ, kasohean ata, kasohean ssaꞌ, sugaꞌ saliꞌ-saliꞌ kitabi bay pinaasokan Rū Sutsiꞌ.

1 Korin 8:6

Sugaꞌ bong baw ningkitabi, basta disu du Tuhan, yana Mmaꞌ tabi ma bay mapayak mimon-mimon. Maka danan tabi itu llum kalnaꞌ iya. Damikiyan, disu du Papuꞌ tabi, yana si Isa Almasi ma bay man Tuhan mapayak mimon-mimon. Maka njataꞌ na du sina man tabi koleꞌ kaallum bahau.

Galatiya 4:6

Dari pagka anak Tuhan na kitabi, lay na kitabi pinaasokan leꞌ Tuhan Rū Anak na pa jawom atay tabi. Maka ilooy na poonan tabi dari na ngawnan Tuhan Mmaꞌ tabi.

Epesus 3:12

Dari sabap tibuuk na kitabi ka Almasi sampay mangando na niiya, kapatapit na kitabi pa Tuhan. San tabi yaꞌ na alang-kapalang mangaruha niiya batan tatantu tabi na mastiꞌ hinasi jaꞌ kitabi.

Epesus 3:14

Bila tapanambung ku na mimon supaat ma lay na takoleꞌ bi sabapan Almasi, magti ku doman sujud pa Tuhan maku duwaa niiya. Iya ina Mmaꞌ

Epesus 4:4

Batan mimon itu kitabi ma tibuuk ka si Isa binilang disu baran sa. Maka disu du Rū magmundaan kitabi saliꞌ-saliꞌ, yana Rū Sutsiꞌ. Maka sibuꞌ du kasongan ayad hinolat meꞌ tabi sabap meꞌ tabi saliꞌ-saliꞌ lay na lliyun pa jawom okoman Tuhan.

Epesus 6:18

Maka njawom bi makoy siga kalangkapan ma bay sabbut ku siꞌ, maku na pin kam duwaa pa Tuhan. Maka bean bi jaꞌ Rū Sutsiꞌ magmundaan kaam njawom bi maku tabang pa Tuhan. Meꞌ kaam ina sundalu Almasi, iyakin kam. Maka daa kam jamu makuhan siga pagkahi bi sukuꞌ Almasi duwaa pa Tuhan.

Kolossa 1:12

Maka kamura-murahan tattap du meꞌ bi muwan pagsukuhan ni Mmaꞌ tabi Tuhan sabap meꞌ na bay matawop kaam tumabeꞌ ni mimon kaayaran ma ndang bay hinalliꞌ ni sukuꞌ na ma njawom dantaꞌ.

Hibrani 7:19

Batan yaꞌ luu njawom saraꞌ ma kasutsiꞌ ni pangatayan manusiyaꞌ supaya sila mahap na pa Tuhan. Sangkon lay na Tuhan muwanan kitabi pag-asa mas mahap man saraꞌ man tabi mahap na niiya.

Yaꞌkub 3:9

Bosbos kita makoy behe ta man mudji Mmaꞌ ta Tuhan; bosbos man ta numpaan pagkahi ta manusiyaꞌ ma bay pinapayak ni limbagan arat-tabiat Tuhan.

1 Pitel 1:17

Na san ina kam magmmaꞌ na ni Tuhan, ingatun bi masi du sina ya tukang ngahukum. Iya du sina mintu nungbasan manusiyaꞌ saliꞌ-saliꞌ magbēꞌ ka pabuwatan da mahap-maat. Yaꞌ ya minig jama. Sangkon, halloman tabi magsampihan ni junyaꞌ tuu, subay luu tawu tabi pa Tuhan.

1 Pitel 1:21

Dari sabapan pabuwatan Almasi, pitsayaꞌ na kam pa Tuhan ma bay makallum Almasi pabalik sampay lay muwanan iya kabantugan mehe. Dari tattog na pangando bi pa Tuhan maka luu na pag-asa bi koleꞌ mimon ma bay janjiꞌ Tuhan ni sukuꞌ na.

1 Pitel 3:18

Mamintang jaꞌ kam ni Almasi. San ya intong gi man intong, lay du ya bininsanaꞌ. Sampay lay na ga ya matoy sakayi labba du kalnaꞌ mimon baldusa pangkat-mamangkat. Lay na tanggung na mimon dusa tabi supaya kitabi mahap na pa Tuhan. Dari siꞌ, bay na pinapatoy jasad na, sugaꞌ lay na baw ya pinakallum ka jasad bahau ma yaꞌ na kuhi matoy.

Suwat Lakka man si Jūd 1:20

Kahapan kaam, siga kakasi ku, saꞌ du meꞌ naa. Sangkon sibuwansang-buwansang na pin kam mari patakkoꞌ na pin pangando bi pa Tuhan. Daa labbahan bi tōꞌ sutsiꞌ ma kinapitsayaan meꞌ tabi. Maka maku na pin kam duwaa pa Tuhan man tabang Rū Sutsiꞌ njataꞌ bi.