Epesus 2:11 - Sabahagiꞌ Kitab Tawrat: Panagnaan ni Awwal Jaman maka Kitab Injil

¹¹ Na kaam nnaa ma saꞌ bangsa Yahudi, intomun bi doꞌ bay kahalan bi. Maruhuꞌ, kaam ina bay pinag-awnan meꞌ bangsa Yahudi kapil sabap yaꞌ kam bay ngikut saraꞌ da inislam. Padahal, bila jama inislam, ilooy du bay halin, kuwit awpan da. Bong pangatayan da, sibuꞌ du ka maruhuꞌ.

Epesus 2:11 ပူးပေါင်းရင်းမြစ်များ

Matiyu 20:7

“Pag halling da, ‘Yaꞌ ba la kami nammu buwatan.’ “Dari yuk na ninsila, ‘Bong meꞌ looy, pilay na kam buwat ni kabbun ku.’

Suwat si Pol pa mman Baanan Sukuꞌ si Isa ndooy ni Rom 11:17

Bana du baw silay bangsa Yahudi meꞌ sapantun disu kayu jaytun bay tinanom meꞌ Tuhan sampay inipat paayad. Salla na, meka na Yahudi meꞌ kadari engas lay na sinappean sabap yaꞌ sila kuhi pitsayaꞌ ni Almasi. Boꞌ kaam ma saꞌ bangsa Yahudi, meꞌ sapantun siga engas poon jaytun ma bay jaꞌ tomoꞌ di-dī na jawom tawun. Sugaꞌ song hallom lay na kam kinaddoꞌ man jawom tawun boꞌ pinatunggu meꞌ Tuhan ni poon jaytun looy siꞌ ma inipat paayad. Dari pag batnaa, hampit na du kam ni mimon ayad sambuhan poon jaytun looy ma inipat meꞌ Tuhan.

Suwat si Pol pa mman Baanan Sukuꞌ si Isa ndooy ni Rom 2:26

Gam gi ina siga jama looy ma saꞌ bangsa Yahudi, minsan sila yaꞌ bay inislam, bong sila buwat kaintongan meꞌ ilooy ma tinaat njawom saraꞌ, ni bandingan Tuhan, sibuꞌ du sila ka lay na inislam.

Suwat si Pol pa mman Baanan Sukuꞌ si Isa ndooy ni Rom 2:27

Dari sila ma yaꞌ bay inislam pataꞌ nahawi kaam ma turunan bangsa Yahudi. Batan san ina kam bay pingkaꞌ inislam sampay kaam lagi ngantanan saraꞌ Nabi Musa, yaꞌ du kam pandoy buwat kaintongan. Boꞌ sila ina pandoy. Dari sabapan da, tumatandaꞌ pataꞌ bangsa Yahudi kalabuan hukuman Tuhan.

1 Korin 12:2

Batan bay jaman bi ina yaꞌ gi pitsayaꞌ ni si Isa Almasi, katoonan bi du, bay jaꞌ kam taboo-boo numba siga tuhan-tuhan yaꞌ san kabitsala.

1 Korin 6:11

Kaam pun ina maruhuꞌ, meꞌ naa du bay kadarihan bi kasohean. Lipara, lay na kam sinutsiꞌ, maka lay na kam binuwat sukuꞌ Tuhan sampay initung intong. Na mimon kaayaran looy siꞌ, yaꞌ silay bay takoleꞌ bi bong saꞌ sabapan pabuwatan Papuꞌ tabi si Isa Almasi ka Rū Tuhan.

Galatiya 2:15

Maka yuk ku gi niiya, “Nges, meꞌ kita itu turunan bangsa Yahudi, kanna ta maruhuꞌ intong gi kita man kabangsa-bangsahan saꞌ Yahudi sukat bangsa ta ngantanan saraꞌ Tuhan. Boꞌ na, nabiat lagi bangsa ta ngawnan sagannap ma saꞌ Yahudi, siga baldusa.

Galatiya 6:12

INDANAN BI, SAGANNAP MA MOGOS KAAM NOHOꞌ INISLAM, INAA DU INA PUHUNG DA SINANGLITAN SABAP MEꞌ DA MOGBOGAN SARAꞌ. YAꞌ SILA DOMAN MANGAKU ISU-ISU KAPATOY SI ISA ALMASI TAꞌ TEHANG YANA JALAN MAN JAMA INITUNG INTONG. ILOOY ILAGAN DA, TAGGAHAꞌ NILAUGAN NA BAW SILA MEꞌ SIGA PAGKAHI DA YAHUDI.

Epesus 2:2

Jaman looy ilay, bbuwatan bi mandang hāl junyaꞌ jaꞌ sabap bay kam pinagmundaan meꞌ panghuluꞌ siga seytan, yana Ibilis. Iya ilay ndang magbayaan sagannap ma yaꞌ doman mmeꞌ ni kahandak Tuhan.

Epesus 5:8

Bana na, maruhuꞌ sibuꞌ du kam ka sila njawom kalindoman, boꞌ batnaa luu na kam njawom karantaan sabap tibuuk na kam ka Papuꞌ Isa. Sangkon subay sikatuwaꞌ tangge-tingkōꞌ bi ka jama ma tattap njawom karantaan.

Pilipi 3:3

Sugaꞌ daa kam hidjab. Kitabi ya situ sabana-bana sukuꞌ Tuhan. Batan kitabi na situ pinagmundaan meꞌ Rū Sutsiꞌ numba Tuhan. Maka kitabi itu gāk sabapan pagkatibuuk tabi ka si Isa Almasi. Boꞌ na, poonan tabi salamat sabap meꞌ tabi mangando niiya, saꞌ ga sabapan pabuwatan tabi mogbogan jinisan saraꞌ meꞌ sapantun ngislam.

Kolossa 1:21

Na kaam pun ina maruhuꞌ, yaꞌ du kam mahap pa Tuhan. Man sabapan laat pamiki bi ka pabuwatan bi, sibuꞌ du kam ka bay manta Tuhan.

Kolossa 2:11

Dari san kam saꞌ bangsa Yahudi, pagka tibuuk na kam ka Almasi, sibuꞌ na du kam ka lay na inislam tandaꞌ bi sukuꞌ Tuhan na. Sat na jaꞌ, islaman bi ina, niyaꞌ sibuꞌ karuha na ka islaman biyasa ma lakka man kapandoyan manusiyaꞌ. Batan Almasi ina, meꞌ na bay ngislam kaam, yaꞌ ya bay ngalakkahan kuwit awpan bi, arapun iya bay lakkahan na yana pagkajama bi maruhuꞌ ma nabiat buwat dusa.

Kolossa 2:13

Maruhuꞌ ilay, matoy kam ni mata Tuhan sabapan dusa bi. Bay jaꞌ kam pinagmundaan meꞌ napsu bi buwat kalaatan. Lipara batnaa, lay na kam binuwanan kaallum bahau sabap lay na kam tabeꞌ ni Almasi pinakallum. Maka lay na kam inampun meꞌ Tuhan ni mimon dusa bi.

Kolossa 3:11

Dari pagka tibuuk na kitabi ka Almasi saliꞌ-saliꞌ, yaꞌ na situ kitabi minig jama. Yaꞌ na kitabi magsibiddaꞌ bong jama bangsa Yahudi atawa ssaꞌ, bong jama bay inislam atawa niyaꞌ, iskulan atawa niyaꞌ, bong ata atawa ssaꞌ. Isu-isu Almasi pandang tabi. Boꞌ iya ina luu na patannaꞌ njawom atay tabi sikamimon ma pitsayaꞌ niiya.