Epesus 1:9 - Sabahagiꞌ Kitab Tawrat: Panagnaan ni Awwal Jaman maka Kitab Injil

⁹ Boꞌ garaꞌ na ilay, ndang bay ginantaꞌ pinajatu njataꞌ si Isa Almasi, batan ndang inaa nulut ni kahandak na. Kamaatunan garaꞌ na ilay yaꞌ gi bay tasayu meꞌ manusiyaꞌ maruhuꞌ. Sakayi na pinalahil noy ningkitabi na ni timpu batnaa.

Epesus 1:9 ပူးပေါင်းရင်းမြစ်များ

Matiyu 13:11

Tampung si Isa, “Kon meꞌ looy sabap pangahati pasal pamarinta Tuhan ma yaꞌ gi bay lahil maruhuꞌ, ndean na ningkaam, saꞌ ninsila.

Lukas 12:32

“Na meꞌ kaam siga ipatan ku, san kam yaꞌ meka, daa kam hanggaw ni oy maka oy na. Ndang-ndang gāk du sina Mmaꞌ bi Tuhan muwanan kaam mimon supaat njawom pamarinta na.

Lukas 2:14

“Pudji mehe pa Tuhan ni sulgaꞌ! Luu na kasalassayan bay papitu na pa junyaꞌ ni kaehe timbang na pa manusiyaꞌ.”

Salsila siga Rasul 13:48

Na pag takale jaꞌ meꞌ sagannap ma saꞌ Yahudi bitsala si Pol, tud bay gāk sila sampay lay na ga sila mudji Tuhan. Dari sagannap ma ndang bay pineneꞌ meꞌ Tuhan binuwanan kasampulnaan nyawa ma yaꞌ luu katapusan na, lay na du pitsayaꞌ ni si Isa.

Salsila siga Rasul 2:23

Sugaꞌ san meꞌ looy, lay gi ya papatoy bi. Lay ya bay pa-ntan bi ni siga jama jahallis nohoꞌ nilansang taꞌ tehang. Kamasaꞌ, ilooy ilay siꞌ sikamimon ndang bay ginantaꞌ meꞌ Tuhan man maruhuꞌ-ruhuꞌ lagi man majatu garaꞌ na.

Salsila siga Rasul 4:28

Sugaꞌ sabap kau Tuhan Sangat Kawasa, ilooy du bay tapabuwat da siga pakaradjaan ma bay ginantaꞌ meꞌ nu man awwal jaman lagi.

Suwat si Pol pa mman Baanan Sukuꞌ si Isa ndooy ni Rom 11:25

Na siga danganakan, supaya kam yaꞌ ngabbu saula-ula patingkat kam man siga Yahudi, bakkasan ta na kam disu kabanahan ma yaꞌ gi bay tahati maruhuꞌ. Minsan kaekahan Yahudi tohas kōk da yaꞌ kuhi pitsayaꞌ, ndang ilooy silay gantaan ninsila ngkod-ngkoran yaꞌ gi tatuman garaꞌ Tuhan matabeꞌ kabangsa-bangsahan saꞌ Yahudi ni sukuꞌ na.

Suwat si Pol pa mman Baanan Sukuꞌ si Isa ndooy ni Rom 8:28

Na kitabi itu, katoonan tabi du, bong kitabi maaseꞌ ni Tuhan, san gi oy katuwaꞌ ningkitabi, pinakoy jaꞌ du sina meꞌ Tuhan pa kaayaran ningkitabi. Batan lay na kitabi lliyun meꞌ na binuwat limbang na majatu garaꞌ na.

1 Korin 1:21

Na Tuhan ina tud halul-akka batan ndang bay na ginantaꞌ meꞌ na jalan man manusiyaꞌ salamat. Jalan ma awnan ku ilay siꞌ yana meꞌ manusiyaꞌ pitsayaꞌ ni umanat mahap ma pinasaplag pasal Almasi. Salla na, binilang jaꞌ karupangan meꞌ sagannap ma mangaku halul-akka. Kon na ilay meꞌ looy sabap ndang yaꞌ katoonan da Tuhan.

Galatiya 1:12

Damikiyan, yaꞌ du bay takoleꞌ ku man manusiyaꞌ. Yaꞌ sina luu guru bay noan aku. Arapun umanat looy ilay bay pinalahil niyaku meꞌ si Isa Almasi mismu.

Galatiya 1:15

Sugaꞌ pag taabut gantaan Tuhan, lay na ku lliyun meꞌ na binuwat sosohoan na ni kaehe timbang na niyaku. Boꞌ ko hati, niyaꞌ gi san ku bay pōꞌ man jawom kūn induꞌ ku, ndang lay na ku peneꞌ Tuhan.

Galatiya 1:16

Lay na palahil Tuhan Anak na niyaku supaya tapasampay ku na umanat mahap pasal iya ni kabangsa-bangsahan ma saꞌ Yahudi. Dari yaꞌ na san ku bay mangaruha ni soy maka soy na bong oy subay pabuwat ku.

Epesus 1:11

Na bangsa kami itu bay duhuꞌ ngaholat ni katakka Almasi. Maka kami du bay ginantaꞌ meꞌ Tuhan binuwat sukuꞌ na ma subay moo sanglit ka kabantugan niiya. Labba man tagnaꞌ junyaꞌ lagi, ndang ilooy na silay bay garaꞌ Tuhan. Boꞌ garaꞌ Tuhan ina labbasakayi mastiꞌ pinajatu jaꞌ sina ni jalan ma sikatuwaꞌ ka kahandak na.

Epesus 1:8

Aseꞌ na ina lay na hinudhuran njataꞌ tabi. Lay gi ya muwanan kitabi kapandoyan ka pangahati supaya tahati tabi garaꞌ na.

Epesus 3:11

Ilooy na silay siꞌ bay garaꞌ Tuhan man awwal jaman lagi. Boꞌ lay na pinajatu man sabapan mimon bay pabuwat Papuꞌ tabi si Isa Almasi.

1 Timuti 3:16

Kabanahan ina ma kinapitsayaan meꞌ tabi, yaꞌ tapakilubaan, boꞌ tud kahaylan-haylan. Maruhuꞌ yaꞌ gi bay tahati meꞌ manusiyaꞌ. Pag batnaa, lay na pinalahil meꞌ Tuhan ningkitabi. Meꞌ tuu situ karuha na: Almasi ina bay dari manusiyaꞌ ntuu ni junyaꞌ. Maka iya ilay, luu na pin Rū Sutsiꞌ bay mōꞌ buktiꞌ bong soy ya. Boꞌ lay gi ya tinammuhan meꞌ siga malaikat. Awon na lay na pinasaplag pa kabangsa-bangsahan. Maka kinapitsayaan na ya meꞌ manusiyaꞌ ni sikaliput junyaꞌ. Boꞌ lay gi ya inangkat pa sulgaꞌ njawom kabantugan mehe.

2 Timuti 1:9

Maka ndang-ndang, iya du bay nalamat kita sampay ngaliyun kita supaya kita dari sukuꞌ na ma sutsiꞌ halloman ta llum. Sugaꞌ iya ilay bay nalamat kita, saꞌ baw ga man sabapan ni lilingan na mahap arat-tabiat ta. Arapun kon na ilay bay nalamat kita sabap ndang inaa garaꞌ na yaꞌ gi san junyaꞌ bay pinapayak. Ndang luu na garaꞌ na makitahan manusiyaꞌ aseꞌ-tabang na njataꞌ pabuwatan si Isa Almasi.