Epesus 1:23 - Sabahagiꞌ Kitab Tawrat: Panagnaan ni Awwal Jaman maka Kitab Injil

²³ yana kitabi ma binilang baran na. Baran na ina, ginaosan leꞌ na malahil mimon arat-tabiat na, batan iya nganggaosan mimon-mimon nnoy-nnoy jaꞌ.

Epesus 1:23 ပူးပေါင်းရင်းမြစ်များ

Yahiya 1:16

Na sabap biddaꞌ na ehe aseꞌ Anak Tuhan, tinggi-maninggi na supaat bay takoleꞌ tabi sikamimon ma pitsayaꞌ niiya.

Suwat si Pol pa mman Baanan Sukuꞌ si Isa ndooy ni Rom 13:5

Sangkon, subay kita ngasip ni parinta. Sugaꞌ bila kita ngasip, daa sat sabap tawu kita pinidjalaꞌ, arapun sampay sabap katoonan ta pataꞌ subay kita ngasip.

1 Korin 12:6

Maka kajinisan jalan man tabi nabangan pagkahi tabi manusiyaꞌ, sugaꞌ disu du nganggaosan kitabi sikamimon, yana Tuhan.

1 Korin 15:28

Pag katis jaꞌ ina mimon-mimon inannaꞌ ndiyoan kawasa Almasi, pina-ntan na meꞌ Almasi dī na ndiyoan kawasa Tuhan supaya Tuhan sa patingkat langkaw magtakōk ni mimon-mimon.

Epesus 2:16

Dan jinis meꞌ halling, sabapan kapatoy Almasi taꞌ tehang, labba man kaam ma saꞌ Yahudi sampay na kami siga Yahudi, lay na pinagsitibuuk pa disu baran sa. Dari lay na matoy pagsaggaan tabi. Damikiyan, sabapan kapatoy Almasi, mahap na kitabi pa Tuhan.

Epesus 3:10

Maksud Tuhan ina, njataꞌ kawul-piil sagannap ma pitsayaꞌ ni Almasi, pakitahan na mimon malaikat ka siga seytan bong pooy lawom akka na ka pangahati na majatu garaꞌ na.

Epesus 3:19

Kamura-murahan pasampun boꞌ pasampun na pin pangahati bi ni aseꞌ na supaya taakig bi na ngabut sampay sumibuꞌ na arat-tabiat bi ka Tuhan.

Epesus 4:10

Maka subay tahati tabi iya bay duwai pa junyaꞌ sampay pabeleng pa sulgaꞌ supaya tumatandaꞌ sinakup meꞌ na sikaliput alam.

Epesus 4:12

Sila ilay bay binuwanan ladjikiꞌ meꞌ looy man da malangkapan siga sukuꞌ Tuhan majatu oy-oy sinukuꞌ meꞌ Tuhan ninsila, maka supaya pasōng na pin hāp sambuhan nyawa sikamimon ma binilang baran Almasi.

Epesus 4:13

Pag toklas na, dambuwaꞌ atay na kitabi mmeꞌ ni umanat mahap. Maka pasōng na pin meꞌ tabi toon Almasi, yana Anak Tuhan. Dari song hallom, sukup iman na tabi ngabut sampay sumibuꞌ na du arat-tabiat tabi ka Almasi.

Epesus 4:4

Batan mimon itu kitabi ma tibuuk ka si Isa binilang disu baran sa. Maka disu du Rū magmundaan kitabi saliꞌ-saliꞌ, yana Rū Sutsiꞌ. Maka sibuꞌ du kasongan ayad hinolat meꞌ tabi sabap meꞌ tabi saliꞌ-saliꞌ lay na lliyun pa jawom okoman Tuhan.

Kolossa 1:24

Na san ku tu batnaa tiksaꞌ sabap meꞌ ku wā masaplag, yaꞌ du tu lungay kagakan ku. Kon meꞌ looy batan lay jaꞌ du bay pa kaayaran ningkaam. San pun Almasi, bay du lumingkaꞌ njawom jinisan kamalasahiyan kalnaꞌ siga sukuꞌ na. Pag batnaa, aku na baw pagantiꞌ niiya ngissahan kamalasahiyan kalnaꞌ sagannap ma pitsayaꞌ niiya, yana kitabi ma binilang baran na.

Kolossa 2:19

Ga jama meꞌ looy ilay yaꞌ na ngantanan tōꞌ Almasi. Padahal Almasi ina, yana takōk ningkitabi ma binilang baran na. Iya sina poonan man mimon kalangkapan baran na koleꞌ oy-oy gunahan ninsila. Dari tiyap-tiyap ina baran langkit ka kōk na, tibuuk jaꞌ sina sikamimon. Mimon kalangkapan na sama-sama usik. Boꞌ magsasōng na pin meꞌ da sampulnaꞌ magbēꞌ ka gantaan Tuhan.

Kolossa 3:11

Dari pagka tibuuk na kitabi ka Almasi saliꞌ-saliꞌ, yaꞌ na situ kitabi minig jama. Yaꞌ na kitabi magsibiddaꞌ bong jama bangsa Yahudi atawa ssaꞌ, bong jama bay inislam atawa niyaꞌ, iskulan atawa niyaꞌ, bong ata atawa ssaꞌ. Isu-isu Almasi pandang tabi. Boꞌ iya ina luu na patannaꞌ njawom atay tabi sikamimon ma pitsayaꞌ niiya.

Kolossa 3:15

Tuhan ina bay ngaliyun kitabi supaya kitabi tibuuk pa disu baran sa njawman Almasi maka supaya kitabi wā njawom kasalassayan. Sangkon daa kam buwat oy maka oy na ma kalangkat ni kasalassayan ma lakka man Almasi. Maka subay kam tattap magsuku pa Tuhan.