Epesus 1:19 - Sabahagiꞌ Kitab Tawrat: Panagnaan ni Awwal Jaman maka Kitab Injil

¹⁹ Maka pakuhan ta du kam pangahati supaya katoonan bi na bong pooy ehe kawasa Tuhan para ningkitabi ma pitsayaꞌ niiya. Kawasa na ilay,

Epesus 1:19 ပူးပေါင်းရင်းမြစ်များ

Yahiya 3:6

Batan sagannap ma pinamaddihan leꞌ manusiyaꞌ, malaingkan anak manusiyaꞌ jaꞌ sila. Boꞌ ilooy ma pinamaddihan meꞌ Rū Sutsiꞌ, malaingkan anak Tuhan sila.

Salsila siga Rasul 26:18

makallat mata da supaya sila kapōꞌ na man jawom lindom pa jawom dantaꞌ. Man sabapan pangahati ma pasampay nu ninsila, kapōꞌ na sina mintu sila man jawom sakup Ibilis pa jawom sakup Tuhan. Maka sabapan pangando da ina mintu niyaku, puwas na mimon dusa da, boꞌ da kapatabeꞌ na ni siga sukuꞌ Tuhan.’

Suwat si Pol pa mman Baanan Sukuꞌ si Isa ndooy ni Rom 1:16

Tud manganna situ ku ni kawasa Tuhan njawom umanat mahap tuktuk na pinasaplag. Sangkon yaꞌ ku loman masaplag. Batan katoonan ku mimon jama ma pitsayaꞌ ni umanat mahap tattap jaꞌ nammu kasalamatan, nagnaꞌ man bangsa Yahudi sampay pa kabangsa-bangsahan ma saꞌ Yahudi.

2 Korin 4:7

Kami itu meꞌ sapantun kibut ma mura jaꞌ passaꞌ bay inisihan altaꞌ hagaan saꞌ alang-alang. Altaꞌ ma awnan ku ilay siꞌ yana ladjikiꞌ ningkami bay kawakilan masaplag umanat mahap. Kami itu bay peneꞌ Tuhan san yaꞌ luu kawasa kami supaya oy-oy pabuwat kami, tumatandaꞌ man kawasa na, saꞌ ga lakka man kawasa kami.

2 Korin 5:17

Pag batnaa, tabista tabi na, soysoy tibuuk ka Almasi, sibuꞌ du karuha da ka jama bahau bay pinapayak. Pagkajama da maruhuꞌ ma nabiat nulut dī da, yaꞌ na luu. Yaꞌ na sibuꞌ ka maruhuꞌ batan luu na pagkajama da bahau ka kaallum da bahau.

Epesus 2:10

Sugaꞌ saꞌ baw ina ga yaꞌ na puntukan hāl meꞌ buwat mahap. Arapun Tuhan bay muwanan kitabi kaallum bahau njawman si Isa Almasi supaya tabi buwat siga pabuwatan mahap. Batan ndang inaa bay garaꞌ na ningkitabi.

Epesus 3:20

Pudji tabi Tuhan batan biddaꞌ na situ ehe kawasa na ni kaallum tabi. Ni kaehe kawasa na, takaya na nganduwan san labi gi man oy-oy paku tabi atawa oy-oy tapiki tabi.

Epesus 3:7

Dari man sabapan aseꞌ Tuhan niyaku, lay ku kaladjikian binuwat sosohoan na masaplag umanat mahap ni kaehe kawasa Tuhan njataꞌ ku.

Epesus 6:10

Na katapusan bitsala ku, pabasag kam mangasa ni kawasa Papuꞌ nganggaosan kaam mari taggu iman bi.

Pilipi 2:13

Yaꞌ sina luu danan na saꞌ takaya bi batan luu na pin Tuhan muwanan kaam dawom ka gaos buwat mimon ma kasulut niiya.

Pilipi 3:21

Maka iya du agad tabi nganggantian baran tabi ma sallahan ka baran ma llum saumu-umu meꞌ karuha niiya. Iya ilay buwat meꞌ looy ni kaehe kawasa na magbayaꞌ ni jataꞌ mimon-mimon.

Kolossa 1:29

Sangkon man kawasa Almasi nganggaosan aku, magtuyuꞌ-tuyuꞌ ku majatu pabuwatan ma bay sinukuꞌ niyaku.

Kolossa 2:12

Batan takdang bi ilay bay llobloban pinandi, meꞌ bi ngingat, lay na kam tabeꞌ ni Almasi kinubu. Pag tunga bi man jawom boheꞌ, damikiyan, meꞌ bi ngingat, lay na du kam tabeꞌ ni Almasi pinakallum pabalik. Dari sabap meꞌ bi pitsayaꞌ Tuhan bay makallum Almasi pabalik, kaam pun ina lay na du bay binuwanan kaallum bahau.

1 Tesaloneka 1:5

Batan jaman kami ilay bay masampay umanat mahap pasal si Isa Almasi ningkaam, lay na kam pitsayaꞌ. Boꞌ kaam ilay bay pitsayaꞌ, saꞌ du ga sat man sabapan bitsala kami; luu du kawasa Rū Sutsiꞌ bay mukaꞌ puad bi. Sarī gi, lay du bay tabistu bi bana halling kami batan lay na bay tasakup bi arat-tabiat kami nnaa. Maka katoonan bi na du, mimon bay pabuwat kami nnaa, yaꞌ luu saꞌ yaꞌ bay pa kaayaran ningkaam.

2 Tesaloneka 1:11

Dari wā situ kami makuhan kaam duwaa. Pakuhan kami kam tabang man Tuhan supaya wā nulut ni kahandak na kawul-piil bi. Meꞌ looy ilay, initung na kam meꞌ Tuhan tawop bay lliyun meꞌ na pa jawom pamarinta na. Kamura-murahan man kawasa Tuhan njataꞌ bi, tapajatu bi na mimon kaayaran ma karomanan bi pinabuwat man sabapan pangando bi ni si Isa Almasi.

Yaꞌkub 1:18

Man kahandak na, lay na ya muwanan kitabi kaallum bahau sabap meꞌ tabi pitsayaꞌ ni umanat kabanahan pasal Almasi. Maksud na supaya tumatandaꞌ na kitabi patingkat niiya man mimon-mimon ma bay pinapayak meꞌ na.

1 Pitel 4:11

Sawpama lay kam kaladjikian kapandoyan magnasihat, subay kam magnasihat du. Sugaꞌ subay kabanahan jaꞌ pōꞌ man behe bi meꞌ saparati Tuhan mismu mitsala. Maka kaam ma luu kapandoyan bi sarī, subay pakoyun bi man nabangan jama. Maka ingatun bi, mimon anggawtaꞌ man bi nabang lakka man Tuhan. Meꞌ naa ina, man tabang si Isa Almasi, mimon pabuwat bi kaboo kabantugan pa Tuhan. Pudji tabi ya sabap tud tawop ya magbayaꞌ saumu-umu! Amin.